279 Like
3 Dislike
墨說
2017-02-17 02:13:34
「唔好意思,決定權喺我哋馬會身上。」主管微笑:「雖然我哋知道由運車落嚟九龍寨,再到養馬、訓練嘅過程係好長好辛苦,不過本會都有決不批准任何馬隻參賽。」
「但…!」
「嘶…」忽然,馬兒腳步有點飄忽,搖搖欲墜。
「你隻馬睇落都同你一樣軟弱無力,都冇乜機會可以贏出比賽。」主管繼續笑言。
「…」霞望住馬夫,有點難過。
「我哋走啦…」馬夫失落地拉住馬兒離開。
望住他惆悵的背影和那隻不是特別強壯的馬兒,心中難免生起憐憫之心。主管和職員見馬夫離開,亦都對我們報以一個微笑,然後一同轉身離開。
「喂…喂!」霞叫喊的追住那位失落的馬夫,我亦只好跟上。
「係小姐你…?剛才唔該你……」馬夫無神地向我們答謝,便繼續面如死灰的離開馬場。
「你隻馬好靚。」霞淺笑以對。
「多謝…」馬夫苦澀一笑,說:「可惜佢已經再無用武之地……」
「佢好有靈性…」霞走上前,與那隻馬彼此相視:「啱啱佢保護咗你。」
「可能係貝蘭保護住我…上咗隻馬身…?」馬夫失望地頹坐在牆邊,說:「總之……我辜負咗貝蘭……」
「貝蘭…佢個名嚟?」霞望住馬兒。
「唔係…貝蘭係以前同我一齊喺九龍寨馬殿工作嘅一位女仔,我哋係九龍寨入面少數會識得照顧馬嘅人……所以先入到卡多先生門下嘅馬場工作…」
「卡多…?」不就是上次我跟忍蛋吃飯時,遇到的富商嗎。
「咁佢叫咩名?」霞試著想要輕撫馬兒的面額。
「佢叫「FirstLove」,係貝蘭當初改嘅名……」
「FirstLove……」霞開始輕撫住其臉額。
「你想嚟賽馬?」我問。
「係……」馬夫一貫失落:「我想證明俾全個九龍寨嘅人睇…FirstLove嘅實力…我想貝蘭在天之靈,都會感到安慰…」
「你一直所講嘅朋友,貝蘭佢…?」
「已經唔喺人世。」
黑粉熊
2017-02-17 03:37:03
睇黎我要出黎保護返霞
然後再睇霞保護返你
我應該係好打過廢時
靠你bro
小時
2017-02-17 07:37:06
睇黎我要出黎保護返霞
然後再睇霞保護返你
我應該係好打過廢時
挑機呀笨
係要衝出黎柒既
2017-02-17 08:03:15
「唔好意思,決定權喺我哋馬會身上。」主管微笑:「雖然我哋知道由運車落嚟九龍寨,再到養馬、訓練嘅過程係好長好辛苦,不過本會都有決不批准任何馬隻參賽。」
「但…!」
「嘶…」忽然,馬兒腳步有點飄忽,搖搖欲墜。
「你隻馬睇落都同你一樣軟弱無力,都冇乜機會可以贏出比賽。」主管繼續笑言。
「…」霞望住馬夫,有點難過。
「我哋走啦…」馬夫失落地拉住馬兒離開。
望住他惆悵的背影和那隻不是特別強壯的馬兒,心中難免生起憐憫之心。主管和職員見馬夫離開,亦都對我們報以一個微笑,然後一同轉身離開。
「喂…喂!」霞叫喊的追住那位失落的馬夫,我亦只好跟上。
「係小姐你…?剛才唔該你……」馬夫無神地向我們答謝,便繼續面如死灰的離開馬場。
「你隻馬好靚。」霞淺笑以對。
「多謝…」馬夫苦澀一笑,說:「可惜佢已經再無用武之地……」
「佢好有靈性…」霞走上前,與那隻馬彼此相視:「啱啱佢保護咗你。」
「可能係貝蘭保護住我…上咗隻馬身…?」馬夫失望地頹坐在牆邊,說:「總之……我辜負咗貝蘭……」
「貝蘭…佢個名嚟?」霞望住馬兒。
「唔係…貝蘭係以前同我一齊喺九龍寨馬殿工作嘅一位女仔,我哋係九龍寨入面少數會識得照顧馬嘅人……所以先入到卡多先生門下嘅馬場工作…」
「卡多…?」不就是上次我跟忍蛋吃飯時,遇到的富商嗎。
「咁佢叫咩名?」霞試著想要輕撫馬兒的面額。
「佢叫「FirstLove」,係貝蘭當初改嘅名……」
「FirstLove……」霞開始輕撫住其臉額。
「你想嚟賽馬?」我問。
「係……」馬夫一貫失落:「我想證明俾全個九龍寨嘅人睇…FirstLove嘅實力…我想貝蘭在天之靈,都會感到安慰…」
「你一直所講嘅朋友,貝蘭佢…?」
「已經唔喺人世。」
一路順鋒
2017-02-17 10:37:13
霞應該會攞鬼左佢隻馬黎參賽
墨說
2017-02-17 12:50:42
「咁你所講嘅貝蘭,佢點解死咗的?」霞直言直語。
馬夫說起上來就有點咽喉:「佢為咗保護FirstLove⋯俾卡多先生嘅人監生打死!」眼神,掠過了一絲悲憤。
「監生打死⋯一個⋯⋯女仔?」
馬夫繼續道出原由:「FirstLove佢係一隻女馬,出生之後我同貝蘭都睇到佢有好高嘅賽跑天份,絕對係一隻罕見嘅寶馬,可惜⋯⋯馬界有一個不成文規矩,因為女馬嘅腿部肌肉唔夠男馬結實,所以往往會淪為交配工具,正因為咁⋯貝蘭佢不斷暗地培育FirstLove,諗住秘密帶佢參賽⋯⋯但最後都係俾人發現,卡多先生手下嘅職員仲想人道毀滅FirstLove,貝蘭為咗保護佢而比職員打死⋯⋯」
「咁你又點解⋯」
「我好後悔唔夠勇氣阻止佢哋打死貝蘭⋯⋯佢死最後一句就係叫我帶FirstLove走⋯最後,我騎上咗佢,離開卡多先生嘅馬殿。」瘦弱的馬夫憔悴地嘆了口氣:「但喺九龍寨生活有幾艱辛你都知⋯人唔食馬都要食⋯⋯我哋已經捱咗好耐餓得,諗住死前帶佢嚟參賽願一願遺憾⋯但睇嚟⋯」
墨說
2017-02-17 13:15:43
「好馬!」不知什麼時候,霞就已經騎了在FirstLove之上。
「⋯⋯FirstLove佢竟然肯俾你騎⋯」馬夫似乎有點訝異。
說起上來,霞從剛才開始就已經不斷地與那隻馬作交流。
「佢叫FirstLove?」霞俯著頭,一本正經的問:「的確幾乖,個名有特別含意?」
「初戀。」馬夫淡淡地道出一句:「記念我哋對馬嘅個一種初衷。」
「噹噹噹——比賽將於兩小時後開始。」馬場傳出了宣布。
「既然你哋同FirstLove咁有緣⋯對佢又咁有興趣,我就不如將佢交比你哋⋯⋯我已經自己都就快餓死⋯我唔想連FirstLove都餓死。」馬夫看上去的確極為虛弱。
Fake_Hopper
2017-02-17 14:10:31
花名已使用
2017-02-17 14:35:11
不起眼的小兵
2017-02-17 14:42:27
星爆柒頭斬
2017-02-17 15:20:52
【獲得座騎—初戀】
墨說
2017-02-17 16:07:42
「可以咩?」霞愣了一下:「你認真?初戀陪咗你咁耐。」
「我已經再無能力照顧佢⋯⋯」馬夫咳了一下:「難得遇見小姐你依位有心人⋯FirstLove都應該感受到你嘅真心,先會願意比你騎上⋯」
「何出此言?」
「唔知道你會唔會相信⋯⋯人同馬自天生就有一種聯繫,一旦遇上自己嘅靈魂同伴隨,就會一拍即合⋯正如你能夠唔洗透過繁長嘅馴養程序,就獲得佢嘅信任⋯⋯」
「真係?」霞低頭、輕撫住FirstLove的頭。
養馬不是太好吧,在九龍寨拖住隻馬周圍走不見得會很方便⋯⋯
「霞。」我打算提醒她一下,卻沒想到她心意已決。
「唔洗講。」她舉起一隻手向我,說:「佢喺到同我相遇,尚算係種緣份。」
「你太魯莽。」
「唔魯莽⋯我又點可以見番你。」
「⋯」
「放心,佢係隻靚馬,我會將佢好好照顧。」霞向馬夫保證。
小時
2017-02-17 16:32:34
睇黎我要出黎保護返霞
然後再睇霞保護返你
我應該係好打過廢時
挑機呀笨
凍0茶少甜
2017-02-17 16:32:46
墨說
2017-02-17 16:38:49
「實⋯實在太好⋯⋯咁⋯我都⋯⋯」馬夫緩緩地合上眼睛,又咳一下:「FirstLove⋯要好好跟住新主人⋯⋯」
「你⋯」
「就俾佢訓一陣⋯⋯為咗照顧隻馬,佢應該都好辛苦。」赤灼之眼所見,他身體溫度從剛才中了職員一拳開始,已經漸冷。
「嘶——」FirstLove對住馬夫憐叫了一聲。
「走吧。」我牽住馬繩。
「等陣⋯⋯」霞的目光凝放在通道盡頭,說:「入去。」
「你⋯仲想睇?」
她點頭不語。
於是,我便牽住霞騎住的馬,轉為走向貴賓室進發。
黑粉熊
2017-02-17 16:57:36
百毒·赤騎
星爆柒頭斬
2017-02-17 19:12:15
小時連馬都不如