【半互動】【喪屍】《凌晏三點，我屋企門口有敲閘聲》（7）

阿桂個角色好正

之後仍然會有 係半互動嘛～

下把

追得好辛苦
利申 追到3
樓主加油
定已經完撚左

未完

去旅行追故 Live左
樓主Year幾

year3啦
所以比較緊張d cred

「咔－－」

大門自動向兩側打開，一個男人慢慢從門外消毒的玄關走進實驗室內。

「好鬼黑人憎㗎啲煙真係，可？」他掛著一副厭惡的表情，嘗試揚手把消毒噴霧撥開。「不過無計啦，鬼叫依家係世界末日咩……一陣唔覺意帶咗啲菌入嚟，搞到啲病毒異變就唔係幾好意思啦。」

「既然你自己都開到，仲㩒門鐘嚟做咩？」莎姐把正要往掃瞄器伸出的手收回，無趣地轉身走離門前，又望著你反了反白眼－－而這個舉動當然不是衝著你而來了。

對面前這個不明來歷、卻同樣可以隨意出入建築的人，她顯然沒有太大的好感，甚至可以說是帶點憎惡了。

這讓你不禁好奇兩人之間到底有著何種關係。

「唉呀，一時唔記得自己有帶卡係身啊嘛……Come on，Sabrina，如果唔係我嘅話，你依家仲可以生勾勾企係到咩？」他平攤著雙手，微妙地看著繞過電腦桌的莎姐。

「多謝曬先。啊，不過你介唔介意話翻俾我聽，到底你為我做咗啲乜嘢咁『偉大』？」

雖然兩人都表現得十分輕鬆，但其實話裡處處針鋒相對。

「交俾你嘅任務又做唔到，吓，派嚟跟佢嘅人又死曬……仲連部車，都整唔見埋。如果你係上頭，你會點處理？」

「殺。」莎姐的眼神瞬間變得尖銳起來，等你發現之時，她的手早已將槍套的鈕扣打開，姆指緩緩按下扳機。「你今日係嚟殺我？」

「No，no，no……你搞錯咗兩樣嘢，」那人誇張地搖了搖頭，然後一臉從容地拉開外衣，示意自己並沒有攜帶武器。「第二，唔係今日；第二，亦都唔係我嚟嘅目的。」

他意味深長地瞄了在旁的你一眼，然後又重新望向莎姐。

「我今日係嚟做……聖誕老人。」那人笑說。

Live左決定 輕輕一推

我都係Year3 加油
純好狗 非催促
樓主估計幾時到會完 或者依家幾多成

post8完 依家七成左右

push

live左lm

「仲有八日先廿五號啊。」莎姐把槍套重新扣好，雖然氣埸明顯收斂了不少，但是眼神裡的敵意卻仍然存在。

「一個禮拜前送定都唔係咁早啫我估？」他擺了擺手，示意你們跟著他往著長廊前進。「禮物已經放咗係入面啦。」

「你份禮物係……」莎姐彷彿猜到那人的用意，身軀徒然顫抖了一下。

你們三人以他為首，又回到了昨晚那間房間所在的長廊內。

「花咗好多時間先運到嚟㗎，對佢好啲啊你。」他邊走邊回過頭笑說。

「……死咗幾多個。」她以冰冷的語氣問著。

「十五，」他舉起兩隻手示意，「差佬嚟咋嘛，死咗咪搵過囉，我當全香港死咗三份之二都仲有成萬個，怕咩？」

對於這份需要動員，甚至犧牲十數條人命才能夠運抵實驗室的禮物，你大慨也心裡有數。然而在他打開門的那一個瞬間，你還是嚇得整個人往後跳了起來。

映入眼簾的是一隻足以把整個玻璃隔間佔得滴水不漏的巨型喪屍，其肩、頸、頭處的怪異特徵馬上就讓你記起了它的名字－－

「歌利亞」。

「Surprise！」正當你想慢慢往前靠近時，那個男人突如其來的歡呼聲卻又一次的把你嚇個措手不及。「……oh……呃……唔好意思………我……興奮得濟添，哈哈。」他轉身看到你和莎姐臉色一個鐵青、一個蒼白，剛才的興致也頓時消失得無影無蹤。

「你哋係幾時同喺邊到搵到呢隻……嘢㗎？」你仔細打量著它臉上的表情，相比起它的黑眼鄰居，這隻巨型喪屍竟對你沒有絲毫反應。「仲有……佢係瞓著咗定點？」

「噚晚，大埔廣福道個十字路口囉－－啊！你知唔知……成件事……哈……最搞笑係咩啊？」他大笑著拍起手來。「我哋本身啊……哈……哈哈……咳……我哋本身唔係專登去捉佢㗎。」

你和莎姐都想起了大埔那個停車埸的位置，就在廣福道的附近。

「咁你本身係去嚟做咩？」你問。

他沒有回答，只是指了指莎姐，同時嘗試著平復笑意。

「呼……去殺佢囉。」

push

愈來愈唔明 希望結尾解釋到哂

出完呢邊會整翻timeline
到時大家就明

如果有人認真睇同估發生咩事嘅話

佢有份控制班警察

文呢？