【半互動】【喪屍】《凌晏三點，我屋企門口有敲閘聲》（7）

搵得翻到 係post7個份研究報告
仲未有人估到啊～

開估pls趁仲有人記得
由post1一直keep住追 我好有誠意架

個彩蛋關於咩㗎唔記得咗

搵得翻到 係post6個份研究報告
仲未有人估到啊～

「點都好啦，雖然你只係咁啱經過，但都多謝你救咗我。」你調侃道。

「救咗你？咩意思？」但帕奇臉上卻是一臉懵然，好像真的對當時發生的爆炸毫不知情一樣，不禁讓你心想未免演得太像了吧。

「玩嘢咩你，啲燃燒彈唔係你仲會係邊個扔？仲扮。」你對他的反應始料未及，只好乾笑著拍了拍他，裝出一副早已經看出他的破綻的樣子。

你確確實實地記得當自己協助榮叔清點卡車上的物資時，並沒有看見任何爆炸品的存在；亦即是說從現有物資的角度作考慮的話，那埸爆炸根本不可能是由MK妹或阿桂所造成的，更遑論是還在車尾倒頭大睡的金仔了。

「咩啊……我真係唔明你講咩喎。」他看了看倒後鏡中的你，眼裡滿是疑惑。

然而在你看來，唯一的合理解釋只能是他利用了車上的汽油製作燃燒彈－－雖然你還搞不懂為何他要否認便是了。

正當你還想繼續試試他的口風之時，阿桂卻突然拿起平板電腦大喊：「到啦！係呢到啦！」你向前探頭望去，原來是地圖上代表吉普車的藍點終於與先前標注的紅點重疊，意味著你們已經抵達目的地。

如無意外，莎姐和麗琪就在這附近。

「清潭村……就係呢到？」帕奇把頭伸出窗外，打量著四周的風景。「呢到唔似係一條村喎。」

的而且確，這條高速公路的兩旁滿是些明顯已有多年未經修葺的林木，看起來一點也不像是有人定居之處。

「唔好理啦，一埸嚟到，我哋點都落車搵吓先啦。」榮叔一邊說道，一邊伸出手來便要拉開車門。

「喂，你哋抖下啦。」帕奇見狀卻馬上阻止榮叔。「一睇就知你哋幾日無訓過啦，唔講仲以為你哋變咗做喪屍添啊。」他笑著望向車內的眾人，你也是這時才發現MK妹已經累得睡著了。

「……好啦。」這時榮叔也不再逞強，相信固執如他也深知自己的體力已經到了極限。「不過如果有咩消息一定要第一時間叫醒我哋，okay？」

「得啦，你兩個好好抖吓，一陣我會鎖住曬啲車門，就算有一兩隻喪屍出現都唔怕，我哋好快就翻。」說畢他便解開安全帶下車。

「等等先，你『兩個』……我『哋』？」阿桂好像意識到了甚麼，慢慢皺起眉頭。

「係啊最有精神個個，落車啦仲望。」帕奇主動走到副架駛座的那一邊等著。

「唉……點解又係我㗎，次次都係咁……」

隨著車門「啪」的一聲關上，抱怨聲逐漸遠離車廂，眼皮也隨之然變得愈來愈重。