【半互動】【喪屍】《凌晏三點，我屋企門口有敲閘聲》（7）

樓主今日有冇文

緊有

除了車身顛簸而偶爾發出的聲響之外，任誰也不願多說半句。

眼見你們全都安置好後，負責殿後的帕奇不敢戀戰，很快便撤回車上，從這片叢林中駛離。

「……你哋唔應該係呢到開火。」帕奇嘆了一口氣，率先打破沉默。「荒山野嶺太過空礦啦，根本就無安全嘅掩護同撤退路線……更何況你哋無足夠嘅人手同子彈。」

「我哋想㗎咩？」MK妹試圖為你們抱打不平。「……佢哋都係無其他方法先諗住博一鋪－－」「唔。」你搖搖頭，伸手按著她的肩膀。「佢講得無錯……件事係我嘅錯，係我諗得唔夠仔細，先會累死黑柴。」你低下頭來，愧疚感卻反之然湧上心頭。

「黑柴佢……唔應該咁樣死㗎。」

「係，佢係唔應該死。咁我哋其他人呢？」一直默言的阿桂開口說道。「你哋兩個咁樣都走得翻出嚟已經係奇跡啦……如果唔係黑柴，可能死嘅就係榮叔，甚至係我哋呢到所有人啊。」

「你想講啲咩？」你握緊拳頭。

「我唔係想話佢就應該死，我哋就老奉可以生存落去……但呢個係佢嘅選擇。我只係想講，佢係一個好警察。」阿桂從衣袋中拿出了自己的委任證，凝視了良久。「……可能佢覺得自己嘅職責係保護你哋，又或者榮叔條命比佢自己嘅更加重要？」他聳了聳肩。

「本來個個人……應該係我。」

你們一同望向神情呆滯的榮叔。

「佢明明行得走得，但就為咗救我而留係到。」他整個人無力地靠在椅背上。「如果唔係我咁無用中彈……」

「唔關你事，一日都係我個計劃唔夠好……」

「無人想㗎嘛，點解要怪自己啫－－」

「你哋爭夠未啊？」

帕奇把吉普車一下子剎停。

Push

push

爭咩呀 溝埋做瀨尿牛丸呀笨

今晚都會有文～～

push

噚晚hup著咗

「我嚟唔係想救一班廢人走！如果你哋一個二個都咁想代佢去死嘅話，依家就同我落車！」在帕奇怒斥之下，車廂之內隨即安靜下來，剩下MK妹和阿桂兩人面面相覻，不知道怎樣收埸。

「如果後悔係有用嘅話，你地就唔駛眼白白睇住屋企人變成喪屍，但就乜嘢都做唔到啦？」

榮叔突然從座椅站起，伸手扯著帕奇的衣領。「你講多次？」

但見帕奇不但沒有退縮之意，這時更加重了語氣：「我話如果後悔有用啊，你個女就唔會－－」

「唔好係我面前提起佢，」榮叔狠狠地瞪著他說。「一個係危急關頭扔低自己同伴不顧而去嘅人無資格講佢，更加無資格講黑柴。」

帕奇緩緩地提起他的右手。

「所以我先會受到應有嘅懲罰，先會花咁多時間翻嚟搵你哋。」他把纏著腕骨的繃帶解開，露出底下那參差不齊的縫口。「知道自己做錯決定，唔通應該自暴自棄，而唔係盡力去彌補咩？」

「……彌補？點樣彌補一個死人？」榮叔苦笑，把捉著帕奇的手放開，無力地坐回座椅之上。

「我唔識得佢，但如果呢個人仲坐緊係呢架車入面嘅話，佢會做啲咩？」帕奇問道。

阿桂望了望手中的委任證，然後抬起頭來，視線與帕奇對上。

「去救人。」

push

瞓前一推

推

文

聽日後日三份deadline～～～

屌你老味 等咁撚多日
比啲對劇情進展無幫助既文比我？
為交貨而交貨不如咪撚寫啦

追咁多篇故第一次燥撚左

樓主應該sem尾忙啫不過樓主真係小心啲 因住有人棄故

天微亮，吉普車正沿路疾馳。

「幫我拎繃帶過嚟，係後面。」榮叔抽出腰間的軍刀，用打火機稍為消毒後，俐落地割開了小腿中槍的位置，再以刀尖嘗試把彈頭挑出。在缺乏器具，而傷口又急需處理的的情況下，也似乎剩下如此一途了。

「嗱。」把繃帶遞給他後，你又索性把急救箱整個拿起，放到榮叔伸手可及之處。

雖然傷口看起來必然會影響活動能力，但至少他的雙眼裡終於恢復了應有的生氣。

說到繃帶－－

「真係咁想知？」帕奇這麼一問，你才發現倒後鏡之中的視線正直直地望著自己。「望實曬咁嘅。」

「……想啊。」猶豫片刻後，你還是說了出口。

「由邊到講起好呢……你最後一次見到我應該係我揸走架車個陣？」「唔係啊，之後你棄車走咗啊嘛。」「咪啱囉，我話最後一次見到我喎，你之後個次有再見到我咩？」「係啦係啦。」

你和帕奇一同笑了起來，笑聲過後並沒有再說些甚麼。

「我唔應該咁樣走咗去。」他突然說道。「我個陣無揀到相信你……對唔住。」

「係㗎，我就信你唔會就咁揸車撞死榮叔，但你個陣就唔信我，唉……真係好失望。」你望著窗外的風景，輕嘆了一口氣。「至少我無穿無爛，無咩需要對唔住。」語畢，你望向一旁的榮叔。

「留翻同金仔講啦，」低著頭的榮叔還在忙著處理傷口。「等佢醒翻之後。」

「好，我會。」帕奇語帶感激地望向你們，放在心頭的大石也因此得以放下。

「咁後來發生咗咩事，點解你要棄車走咗去？」你問道。

「浩南仲堅持係個到搵咗你半個鐘，最後搞到我哋天黑先入到嚟元朗。」榮叔再加了一把口。

「我個陣沿住條路一直咁去，直到遇到由油站另一邊嚟嘅一大堆喪屍，係無辦法之下唯有調頭駛去第二條路，點知中途架車無油，又咁啱俾我遇到另一群喪屍，大約七、八隻左右。」

你這才想起當時帕奇的確沒有把吉普車駛進油站加油，而途中你們也沒有空餘時間再去把油缸加滿。

「我好快就知道俾佢哋包圍架車同等死係無分別，於是就諗起你同我講嘅方法－－將汽油淋落身到再開門出去，係出面整啲聲引走佢哋之後先再翻嚟……」他吞了吞口水，「就係佢哋表情開始變化，好似無辦法聞到我身上面嘅氣味個陣，我就諗住伸手去開車門。」

「你無淋到右手？」你馬上意識到問題所在。

「我本身諗住拎埋槍出去……如果手腕對落都淋埋汽油，要開槍個陣就會變到好危險。」他苦笑道。

這樣一來，打開的車門、地上以及前座的血跡也就說得通了。

「俾佢哋咬斷咗手指之後，我個腦一片空白，淨係識得一路跑、一路跑，直到我去到一個安全嘅地方，我第一時間就諗點樣先可以保住條命……我個陣諗，既然都無咗兩隻手指，不如搏一搏，用把刀鋸咗隻手落嚟，聽天由命。」

「痴撚線……無麻醉就咁截肢……」你不敢想像帕奇所經歷的痛楚，而一旁的榮叔手上握著的軍刀也停在半空之中，大慨想著相比之下，剖開皮肉也不算甚麼了吧。

「點都好，都叫做捱過咗……不過最好彩都係之後沿路翻去住宅區，俾我搵到一間診所，係入面止咗血同縫針，昏迷咗我諗有大半日先至保住條命仔。仲記得擘大眼個陣，成個世界黑蚊蚊咁，仲以為自己捱唔到死撚咗，哈哈。」帕奇搖搖頭開著玩笑。

「但係你係點搵到我哋？」榮叔皺著眉問道。「我哋係元朗，你就係大埔，夜媽媽又斷電，你點解會識路嚟？」

「講你都唔信，我係一路吊住另一架車先至搵到過嚟，唔係專登過嚟救你哋㗎。」

事情割然開朗。

繼續做asm

push

推