「牛佬的話」
大家好,又喺度同大家見面咯──
■今期封面,醒神呀呵?梗係啦!成個封面,都係由畫壇巨星邱福龍親自落場泡製嘅!有乜辦法唔醒神?所以,支持敝刊嘅「死忠」,真係要買多幾本嚟珍藏,紀念呢個「咁得意」嘅時刻!喺度,「和平」一眾工作仝人亦要多謝龍兄嘅拔刀相助!多謝呀!
■除咗今期封面係「特別泡製」之外,下期封面亦係唔嘢少!呢……我哋「和平」嘅彩稿大師邱志加決定連假都唔放,咬實牙筋,誓要「砌」番一個超高水準嘅封面嚟畀大家欣賞!嗱!下期又係勞煩你哋大解慳囊,破費買多一兩本儲吓!因為,真係有儲藏價值架!(買一本,隨時唔見,係咪?)
■封面……我哋落足心機泡製!內文呢?大家應該FEEL到勒──質素明顯提升咗!而古仔……牛佬亦刻意加快步伐,盡量第一時間拉起戰幕!噓……希望今次嘅「神人大戰」,可以做到敝刊有史以來最火辣辣嘅一戰!
■火辣辣嘅血戰,必然有所犧牲!所以唔好詐型牛佬又整死邊個邊個勒!因為,打得燦爛,自然有人「上路」架啦──係咪?我應承大家,邊個「上路」都好,我會盡力攪得企理D!
好,傾到呢度為止,我哋──
下星期一再見!
■今期封面係由畫壇巨星邱福龍親自泡製嘅!龍仔泡製打書封面,經常都有,但係泡製江湖書嘅封面,真係唔多!所以,大家係咪應該買多幾本嚟儲存呢?唔好話多,買多兩本幾乎係指定動作!真架──經過十年八載,本書會好有價值!