竟然冇人回我個故,不過唔想爛尾,今晚繼續寫
到咗佢出發前兩晚,佢問我會唔會去接佢機,因為佢朋友嗰日有事要做去唔到接佢。但係我再一次婉拒咗,因為佢始終冇向我交代到底去邊住,我唔知道佢會唔會乘機想上我度住,唔敢亂嚟。
而到佢嚟嗰日,我咁啱要去機場處理啲事,就乘機睇吓佢班機到咗未。因為始終擔心,真人同啲相會有差距。我匿埋一邊,肯定咗係佢之後就走咗。但係我當晚亦有喺whatsapp佢,話喺機場見到佢嘅,只係自己因為第二日仲有好多正經嘢要做,趕住返屋企瞓。同時亦打聽到,佢真係提早一晚可以去朋友度過夜。
我同佢正式見面係喺第三日,亦係演唱會之前嗰日。嗰日本來諗住帶佢過澳門玩,因為佢最初提過想試吓去澳門行吓。而且佢仲話,個fd喺day 2帶咗佢玩成日可能會有啲攰。點知最後佢都係跟個fd玩到下晝先同我見面。我見得番半日,就先帶佢入長洲影日落,然後夜晚再上山頂睇夜景。
唔好意思,日頭忙完,而家個腦好似塞塞地,諗唔到點樣交代多啲detail
有巴打絲打想我寫好啲嘅歡迎開口