一人一個交友app既經歷 (心事台)

係真 我都係🤦‍♀️🤦‍♀️🤦‍♀️

你估有得約就約到啦哈

分享下
絲
兩年幾前挽tinder碌人 見到有個男仔profile有我當時好鐘意既一首歌 咁我就swipe左佢去右邊諗住同佢r水吹 當時都真係幾好吹架 晚晚都有一齊打機一齊吹水 好開心 但唔知點解 佢就消失左 咁我又唔知點好自己都無再揾佢
另一邊廂係第二個交友app識左個男人 一齊左 個時恨拍拖 所以有人選我就去馬 無理啱定唔啱 我都覺得自己CLS 一齊左4個月見得3次 我頂唔順啦諗住同佢講分手個陣比佢截糊 佢快過我 是但啦分左手最開心 邊個講都無所謂
咁我係IG又post返個啲乜春春回復單身既野 於是乎原先tinder識落個男仔揾返我傾計 問我有無事啊 有無唔開心啊 又再開始傾返計 如是者傾左兩個幾月 傾到有野啦 佢同我 佢同我講返點解佢個時消失左 因為佢構思緊點樣同我表白 當佢構思到個陣話睇我ig見到我已經同緊人地一齊 表都無得表 佢話一直係到等緊我 咁聽到唔多唔小都心動既 聽完佢咁講之後突發奇想 話想見佢 當時凌晨十二點一點左右 佢話無問題 佢係九龍城飛的過黎大圍揾我 我又偷偷地落樓揾佢 大家坐公園傾計純傾計 傾到朝早六點去食早餐
係 個日之後比左幾日時間佢諗究竟一唔一齊好
最後當然一齊左 到而家為止一齊左兩年幾嚕
覺得好幸運 挽交友app可以揾到個咁錫自己既男仔 真係好開心
交友App都可以有真愛
純粹分享 不喜勿插

到底我仲有沒遇見愛既可能

同問

遇見愛唔難 係咪真愛就難講啲
你知啦 呢個世界上面有咁多種愛
比啲時間去投資下 投資係啱既人身上最重要啊

有無約出黎呀？

好奇佢構思左幾耐？ 就算要花時間都唔會消失掛

佢屋企當時有啲事發生 如果佢唔消失咁咪好囉

恭喜你搵到 羨慕


但唔好意思 挽你老母咩 玩呀！

正字刑警

識左一個三年幾 傾左差唔多一年先約見面。第一次約就係半個小時前被放飛機 以為比人玩。但都聽佢解釋 亦好慶幸有繼續傾落去。之後都見過三四次(佢住德國) 好開心識到有個興趣同口味都差唔多 又成日有話題嘅 對佢都有好感 唔知佢點諗但好驚坦白之後完 中間有一段時間佢無覆我 到佢再揾我嘅時候都接近幾個月後 我無問到點解 亦唔想知 係得App交友就係唔想太多束縛 好黎好去 好老實 唔知之後會唔會仲keep到 亦唔會同佢坦白 好難先揾到一個相處舒服講乜都得嘅朋友 唔想破壞(我知我無膽 依家就平常心對待。 希望大家會有個好結果

前半段同絲打處境好似
想問消失左幾耐架當時？

但我係女仔

佢消失左一個月

點解咁多人都會消失一排又出返黎 我個個又係咁
佢話屋企有事,我d fd就話一定係食完其他再搵返我

我都會覺得係溝唔到/食過其他女 再搵返你
好地地做乜會唔見左人

係咪咁多絲玩交友app啊 點解我一個都識唔到

同個女仔係交友app識，日日都傾，第一次見面佢仲主動撓我手，但之後好像有意無意咁distance我

唔排除有咁既可能性

個人意見
你條仔好明顯當時有個更好的對象所以唔搵你
但最後都係溝唔到佢 所以就搵返你
係我眼中玩tinder全部都係蠱惑

咁我相信點都存在呢個可能性 更何況想當日個兩個月有幾風流快活我都知道既 不過無計啦 當時始終唔係佢女朋友無得嬲 一齊左之後 佢有幾專一有幾重視我 有眼睇既 所以消失左個拜就算啦 呢兩年幾過得幸福就夠

連續玩左半年都match唔到

我都想好似你咁幸福呀絲
我同個男傾左兩個禮拜 雙方都提過約
但最後唔知點解又冇左件事
我之後再提都冇左咁😭

然後大家仲繼續keep chat...
想點🥺🥺🥺🥺

我都係啊絲 真心心很累