英雄中出少女
2019-01-17 11:49:52
我同EX係tinder識
初初佢對我好認真, 每分每秒都關心我果D...令我以為自己真係搵到真愛
一齊左一個月左右就話帶我上佢屋企食飯見屋企人, 甚至見佢D親戚
每個月都會上下去佢屋企訓, 但好少搞野, 2年一隻手數得哂
頭一年大家相處都無問題, 旅行都去過, 我又成日上去食飯, 令我有家的感覺
後來我發現佢仲有同佢個EX有contact, 仲會同人講生日快樂, 仲會問人仲有無好似以前咁夜訓果D, 我因為呢件事有同佢嘈
(其實佢個EX係本身有個拍左3年既BF, 後來搵我男友做SP, 我男友又對佢認真, 之後俾個正印發現左, 迫佢地分手, 但其實我覺得我男友同佢個EX係好夾, 但可能因為個正印有錢D, 條女都係揀同正印一齊返)
佢地都好中意聽一首歌"得不到的從來矜貴"
我係度諗, 點解佢要搵返前度, 唔通係我唔夠愛佢? 點解佢會感受唔到我既愛
之後一年佢360度轉變, 變到好冷淡, 我仲好記得初初識佢果陣, 佢同我講過, 當一個男人唔再愛你既時間就會唔理你...
我真係唔知我地之間出現左咩問題...明明頭一年仲好好地...
我好努力去修補, 點知最後佢都係話性格唔夾所以要分開, 前前後後2年
呢2年我好努力去磨合, 但每一次都係我去磨合, 佢永遠唔會磨合
分手唔夠一個月, 佢就買左機票去日本, 仲del我fb
以前鬧完交佢每次都會搵返我, 而家唔會
呢2年係唔開心多過開心...
而家諗返起, 覺得成件事都好毛骨悚然...
你身邊的枕邊人, 每日同你分享生活點滴, 你最信賴的人, 都可以一刀插你
問世間情為何物?
我仲應該相信愛情嗎?