又係我,今次唔講交友app,想講吓呢個月同一個台灣女仔嘅事
是咁的,之前買咗演唱會飛,但個fd有事去唔到,咁我諗住擺上網讓俾有心人。咁啱有個台灣女仔pm我,話自己一個嚟睇。由於佢fb好多嘢都係public,我差唔多起晒佢底,知道佢幾好樣同埋單身,所以我應承咗讓俾佢。仲話假如佢唔介意嘅,可以帶佢週圍行吓。
但係佢做嘢就好慢條斯理,過咗成個禮拜都未book機票住宿。咁我驚中伏,就提佢假如十日前唔搞掂呢啲嘢,我惟有讓張票俾人。之後佢先至喺我set deadline嗰晚買咗機票,話會嚟5日4夜。
又過咗三幾日,佢突然問我day 1嗰晚可唔可以俾佢喺我度過夜,因為佢話佢喺香港個fd第一晚未必方便
我深諗咁主動做乜鳩,但係理性思考下,我婉拒咗佢嘅要求,只係建議咗啲價錢相宜啲嘅旅館俾佢考慮。因為我之後嗰日全日都有正經嘢要做,唔係咁方便俾外人住
唉好眼瞓,打住咁多先,聽日再講