諗返由2016年開始玩交友app 識過又見過無數嘅男仔 first kiss 俾咗第一次識嘅男仔 無拍拖但係因為佢喊咗好多次 之後不斷識人約人好似中哂毒咁
再係匿名交友識咗個幾好傾 有共同興趣的男人 出到黎見發現又幾好樣 有次佢話屋企無人叫咗我上去 第一次就俾咗係文字溝通識咗三四個月嘅人... 之後都有再約出黎行街 但無幾耐佢話要留學 個排真係好嬲佢好掛住佢同時又好憎自己 隔咗兩個月無再搵大家
係Tinder識咗第一個男朋友 我講咗件事俾佢聽 我好多謝佢會原諒我接納我 但到頭黎佢都係一個渣男 諗返起你對我做過的所有冷暴力 真係徹徹底底好討厭你 點解一次又一次都心軟原諒佢 我朋友都鬧我無撚用 半年分手一次 一年再分手第二次
依加好感恩識到第二個男朋友 轉眼咁快就一年 每次見到佢都仲有心動感覺 雖然有時會嘈交 但起碼唔會冷戰 所以我真係好愛你