見大家討論得咁開心 我又想發表下睇法
首先係疑點1, 到底今次播這段廣告目的係咩?
我認為一段廣告目的主要有3類
1. 以宣傳為目的
2. 以傳播某些訊息(好似政府宣傳片)
3. 太有錢無聊落
首先可以排除第三種可能,因為假設真係太有錢而無聊落廣告,但又解釋不到點解廣告以[蘋果廣告製作公司]出街,即使我有錢都會打自己個名落去,所以3可能性不太大
其次第1個可能都低,因為佢不符合作為一個廣告應有既資訊,就係聯絡方法
除非係大品牌,正常廣告都會有顯示地址/電話之類,但點解廣告只顯示公司名呢?
有人提出會否係宣傳效果,引起公眾注意,但廣告出街已經三日,應該係時間趁仲新鮮而站出來,除非大公司,否則其他公司又會否有足夠資金去冒風險,賣一個意義不明廣告而為製造效果?
有人提及過係以前倉底貨再播,但不合理在於無聯絡方法,根本宣傳不到任何事,我亦相信無線簽約會有保護機制防止此類事情發生
所以只能推論係第2個目的,即係傳播某些訊息
咁到底訊息係咩?疑點有三個
背景點解要挑選煙花?(可能個人喜好,但可以選海洋,城市,各類…但偏要選煙花?)
蘋果廣告製作公司係咪真係名?
背景音樂挑選劉德華既又有冇版權問題?
再來係時間點,點解要係12月底播出?
我相信最快方法係去TVB查詢
另外我個人認為先不要將03年既拉係一齊討論,雖然兩者共通點多,但並無重要證據證明兩者有關係,因為拉埋一齊講好易有盲點
希望大家繼續查落去
利申 人不在港 想知下文 大家加油