我上排牙好齊 但就嘴突 側面好醜
下排前面四隻少少亂因為兩側有橫生既智慧齒
追完po覺得都係骨哨想箍傳統落骨釘
去左長沙灣趙x波度咨詢下
因為佢有做骨釘又近我屋企
姑娘問我想改善乜野
我話想改善嘴突同埋牙骹咯咯聲
姑娘話箍牙同牙骹無關系改善唔到
醫生黎到就話我係骨哨
同埋都係話牙骹唔關箍牙事 話我牙骹退化
骨哨一係做手術，一係就箍完改善好少約2mm
箍完個嘴都係會突 因為牙骨唔會郁
我叫佢俾我睇類似既case箍完後效果
其實唔係我想要既
因為根本無改善過牙骨突問題
個case箍完仲好似我而家既側面
佢睇x光話要剝上排2隻智慧齒，
再磨少少d牙，唔可以再剝牙因為會太多位
下排就磨少少牙，無話要剝智慧齒
然後箍隱適美
我問佢我呢種骨哨都可以用隱適美？
佢話可以，只有隱適美先可以令d牙退後
仲話只得呢個方法
同埋牙骨無得郁既箍完都係嘴突
4萬8 箍2年半 剝上排智慧齒1500一隻
識人介紹-3000
其實我都未問完佢問題，
佢就報價，可能佢以為我好想箍隱適美
我仲問佢我想剝下面兩隻打橫生既智慧
因為食物成日藏係入面
佢話剝都可以 會介紹專科 5000一隻 好近神經線
跟住我問佢只係得呢個方法箍到咋？
傳統果種可唔可以箍到改善到？
佢又講多次只有隱適美可以令d牙退後
咁我問佢未有隱適美前骨哨只可以做手術改善？
跟住佢又話唔係，可以2粒落骨釘係上排箍
佢show俾我睇個case係倒及箍傳統加骨釘
改善非常大
我問佢我骨哨好嚴重？佢話唔係
跟住佢就話骨釘好痛架 有d人痛足成個月
如果要箍呢種傳統加骨釘就再加一萬
即係5萬8 唔計剝智慧齒
又話好多人上左鋼箍3日就痛到要佢拆返個箍
要佢拆箍再箍隱適美都係照收返呢個價
又話要箍呢種要每個月覆診 醫生手工多就貴d
箍隱適美只要三個月覆診一次
再不停強調箍傳統好痛架好痛架
然後佢就叫我考慮下就走了
無講過傳統箍加骨釘既方法同改善到幾多
個人感覺佢只係想做隱適美生意多d啦
而家煩惱緊搵邊個醫生再咨詢
