（新手）七歲嗰年我被學生叫去睇醫生 2

邊個都唔係 2018-12-11 22:27:08

Cayden 的家不算大，但東西都放得很整齊，給人一種簡潔的感覺，我們買了很多食物帶上去，聽Cayden 說他父母今晚不在，所以我們可以玩很夜。

出於初次到訪朋友家中的好奇心，一進門我便東張西望，彷彿甚麼也能引起我的興趣，一時數著這裡有多少間房，一時又被牆上的家庭照吸引了目光…

「唔使望喇。」Cayden 放下食物說。

「吓？」一秒後我才反應過來。

「我叫你唔使望喇，我家姐今晚唔喺度。」

「唔係呀…」

我唔係望你家姐喺唔喺度呀！！

Cayden 無視我，繼續說：「佢今晚同男朋友出街，節哀順變啦你。」說罷更拍拍我的肩。

「點解要節哀順變？」張祈昕一臉天真地問，隨即又想通了甚麼般以全屋也聽見的聲音喊道：「哦！！！你鍾意Miss Yip ！！！」

「唔係呀…」我很想解釋，又不知該說甚麼。

「使咩怕醜，大家都支持你。」這時樂仔也加把口。

「Woo ！！！」張祈昕歡呼起來。

我偷偷望向星澄，她似乎在狀況之外，表情有點茫然。

我覺得我必須說點甚麼。

你地搞錯晒，我冇鍾意Miss Yip ，曾經我以為自己有，但原來冇。

怎料站在張祈昕面前，喉嚨開始湧現一種乾澀的感覺，封鎖了我的聲音。

「…我冇。」除了這兩個字，其他我都說不了。

「不如我偷偷地帶你睇吓佢間房，等你冇咁掛住佢好冇？」Cayden 壞笑著說，剛才我那些生硬的否認似乎把這件事愈描愈黑。

星澄只是跟著他們一起笑，沒有說甚麼。

一場笑鬧過後，我們打開了一堆零食的包裝，邊吃邊玩著boardgame，張祈昕在不知輸了多少局後，一臉沒趣地說：「唔玩喇，玩親都係我輸。」

「咁你想玩咩？」樂仔問。

「我地玩啲好玩啲嘅野。」說罷她隨手拿起了一個空的玻璃樽：「我地玩true or dare ，但淨係可以揀true 。」

「挑，咁咪即係問答遊戲。」

「係一定要講真話嘅問答遊戲。」未等我們答應，她便逕自把玻璃樽轉起來，快速轉動了一會後，樽口在Cayden 面前停下。

「我問你，你有冇鍾意嘅人？」張祈昕爽快地問。

「冇。」Cayden 直接了當地說。

「咁你又拒絕我？」

「呢個好似係第二個問題喇喎，有機會轉中我再答你。」說罷Cayden 轉了桌子上的玻璃樽，樽口剛剛停在我面前，Cayden 壞笑了一下。

「你鍾意我家姐啲咩？」

我沒好氣地說：「都話我冇咯。」

「唔得，一定要講真話。」Cayden 說完樂仔和張祈昕也一同起哄，迫我重新回答。

為了讓他們閉嘴，我敷衍地說：「…鍾意佢同我講加油。」

「Woo ！！加油！加油！」張祈昕取笑我說。

我只想快點過了這一輪，便趕快轉了玻璃樽，這次轉中了樂仔。

「…你最憎邊個老師？」我隨意問，卻惹來張祈昕的不滿：「咩問題嚟架？都唔好玩嘅！」

「我覺得條問題好正喎，好似你地咁呀？成腦都係拍拖同愛情。」樂仔說出了我的心聲，然後回答：「我最憎Miss 關，因為佢太似衣夫人。」

聽罷張祈昕和Cayden 都一臉沒趣，只有星澄在大笑。

遊戲繼續進行，我們都各自被轉中了好幾次，唯獨星澄一次也沒有被轉中過，張祈昕也在抱怨：「搞錯呀，你一次都冇中過。」

「哈哈，可能我太好彩。」話畢，玻璃樽竟然落在她面前，張祈昕立刻興奮大叫：「Yes ！等我諗吓問乜先！」

「唔…你鍾意啲咩類型嘅男仔？」我沒猜錯，出自張祈昕口中的一定是那方面的問題，不過……這勾起了我的興趣，我不禁豎起耳朵，等待她的回答。

她思考了一會便說：「我鍾意啲開朗同搞笑嘅男仔。」

「Woo ！」張祈昕又無故歡呼起來。

「竟然，仲以為你鍾意啲斯文乖仔添。」樂仔說。

「唔係呀，我鍾意人識搞笑。」

聽了之後，我內心升起一陣複雜的情感，是有點失落，又夾雜著一些自卑和無力感…我多麼想讓她知道，我也可以很開朗，也很喜歡引人發笑。

Sherlocked 2018-12-11 23:24:58

係truth or dare