（新手）七歲嗰年我被學生叫去睇醫生 2

翌晨，我拖著失去了靈魂的身軀上學，Cayden 一整晚也沒有在WhatsApp 報告過他和星澄的事，這也很平常，他哪有時間再理會我們？

回到學校，Cayden的座位空著的，樂仔說他請了病假，而且病得不輕，還說放學後要去探望他。

「得你一個去？」放學時，我問他。

「你去唔去？」

我搖頭，因為今晚答應了外婆回去煮飯。

「咁冇喇，你仲想有邊個？」

「佢尋日唔係…唔係…」我支支吾吾地說。

「唔係咩呀？哦，你想問星澄一唔一齊去，係咪呀？」他故意擴大聲量說。

「…嗯。」

「唔知喎，佢又冇同我講喎，你自己問佢啦。」碰巧星澄收拾好書包經過我們附近，樂仔叫著她：「星澄，佢有野搵你，我走先喇 bye 。」

我們沉默了兩秒，她才開口：「你搵我做咩呀？」

「……你去唔去探Cayden 。」

「佢病咗咩？」

我有點驚訝她竟然不知道：「佢病咗，仲病得好重。」

「佢咩事呀？」

「…好似話發高燒。」

「我而家要去補習呀，你幫我問候佢吖。」

她的語氣聽得我有點惱火：「你可唔可以唔去一日？」

「唔得呀，今日要測驗…」

這代表你能拋下他不理？

「…佢好需要你喺佢身邊。」

「你講咩呀？」

「……佢好需要你呢個女朋友陪住佢。」

她的眼神充滿愕然：「…邊個話我係佢女朋友？」

「佢尋日唔係同你表白咩？」

「你點會知架？」

「……佢同我講。」

「…係有，但係我冇應承佢。」她的眼神有點游離。

「點解呀？」我震驚地說。

「……唔好講呢啲喇，我有野畀你。」她扯開了話題。

「點解呀？」我執意追問。

她從書包拿出一本精美的簿子遞給我。

「…咩嚟架？」

「之前咪問過你寫唔寫紀念冊嘅？呢本就係喇。」

「咁厚？紀念簿呀？」

「你應承過我話寫架！」

「但係唔使咁厚呀？」我接過簿子，正要打開來看時，卻被她制止了：「而家唔准睇，返去先睇。」

「…吓？哦…你未答我頭先條問題喎。」我把紀念簿收進書包裡。

「咩問題呀？」

「點解你唔同Cayden 一齊？」

「…你寫完本簿畀返我就話你知。」

說罷她便轉身走了，回想她剛才的說話，心底裡竟然暗暗鬆了口氣。

阿正好Q蠢

其實正正係唔係鍾意人㗎

要人地追返轉頭？

可唔可以透露下結局係+-？

屌 要個女仔畫公仔畫到出晒面

本野應該係星澄記錄返晒同主角既經歷同感受

然後同主角講仆街啦你 想追又唔出聲
我要轉校去外國讀書喇

可能係想自己做gayden女朋友

我只可以講,中六主角會開始面對佢個病

中六有邊個係同學先

我追左咁耐已經忍左想講好多次
正正再係咁調皮不如我幫你切JJ啦

咪又係而家呢班

今晚仲有？

點知會唔會手多多有啲唔見咗

唔會轉校唔會去外國
應該唔算劇透

新年快樂啊正正，期待出年正正追到女

畀多次機會

新年快樂

放心,唔會嘅(應該)

可能 夜啲仲有冇人睇

有

有 一齊睇住倒數

仲想要條JJ就爽手啲唔好睇到人咁燥
發展到咁仲喺度得拖拖拉拉就烚埋蛋
btw 新年快樂啦正正