（新手）七歲嗰年我被學生叫去睇醫生 2

話雖如此，我知道要在學校說一百句，對我來說是天大的難事，而且我把敬禮、唸書都不計算在內，因為這不算和人交流。

近日班上的氣氛開始熾熱起來，因為下個星期便是中五遊學團的日子，說是遊學，其實只是全班到台灣交流四日三夜，但這也足以讓大半班同學由朝談到晚，談著要到哪個景點、有甚麼必吃推介……

「唉，好想快啲去…」 就連樂仔也很期待此事。

「有咩好期待，反正我已經去過N次。」Cayden 邊說邊打了個哈欠。

「我未去過吖嘛！係喎，你去唔去？」樂仔轉過頭來問我。

「去。」說罷我用黑子原子筆在手背畫了一筆。

「仲以為你唔去。」

「畀晒錢架。」又畫一筆。

「話時話你喺度畫乜？」

「唔關你地事。」如果他們知道我正記下自己講了多少句，一定會恥笑我很無聊。

「講返去台灣，雷sir 話要分組…」話題又帶回遊學團上。

直到放學時間，我也沒再怎說話，收拾書包時，我總結了今天的戰績——九個正字加三劃，一共48句。

果然，距離目標100句還有很遠，自問今天的狀態已經不錯了…

準備離去時，星澄那悅耳的聲音在我旁邊響起：「正正！」

心臟離了一離，開頭還以為這是甚麼親暱的稱呼…但她隨即打破了我的幻想：「你手背做乜有兩個正字嘅？」

我低頭一瞥，原來有兩個正字從毛衣的袖裡暴露出來。我連忙拉拉衣袖解釋：「冇，上堂無聊畫…」

「你寫緊自己個名呀？」她笑著問。

「……係。」想不到其他藉口，唯有承認。

「哈哈…正正，好似BB名…」 她禁不住笑了，聽到「正正」兩個字時，我心裡升起了一陣甜蜜的感覺…

如果每一日都聽到她這樣叫我，那會有多美好…

「你返去記得送食譜畀我呀。」她放學也不忘提醒我要在facebook遊戲裡送她食譜。

「你要回禮，我要卡邦尼意粉個食譜。」

「你都幾識收禮物架喎，卡邦尼意粉最賺錢架！」

「唔…咁我就可以好快超越你，開埋二樓…」

她聽了竟有點大反應：「唔得唔得唔得！你揀過第二份禮物啦！」

「咁…我要1500支紅酒。」

「唔得唔得！紅酒咁賺錢…」

「咁…我要特別版牆紙？」

不知不覺，我們一同下了樓梯，一同步出校門，明明都是些既無聊又幼稚的對話內容，我卻像開啟了甚麼開關般說不停口。

「等我考慮吓先！」

「咁我都要考慮吓送唔送畀你…」

「喂呀唔得呀！」她打了我一下說。

我們很自然地走在同一條路上，她一直沒有跟我道別，也沒有問我要行哪一邊，其實巴士站早就過了，我卻沒有說出口，因為就算只是一秒，我也想跟她多待一會…

「係喎，昕昕話佢加咗你Facebook 但你未accept 佢。」她突然提起。

的確有一件這樣的事，某一晚在Facebook 玩game 時收到來自張祈昕的好友邀請，我沒多想便拒絕了。

「…係咩？我收唔到…」我有點口吃地說。

「咁奇怪？咁我叫佢add多次先。」

「唔使喇…」

「唔使？點解呀？」

……因為呢個Facebook 只係為咗你一個而存在，我唔想，亦都唔會去加其他人。

「……等我返去再睇多次。」我把真正的心聲藏起來，說了一句假話。

講咗好多句喇

正正

未夠100

睇到個心都甜埋
正正bb

所以我地以後可以嗌樓主做正正

正正

出快啲啦正正

正正仲唔快啲出文

兩個咋喎

正正

正正，等緊你呀

正正我要文阿

「咁麻煩我先唔制。」

「唔麻煩架，你隨時攞住一支筆，以樓主唔出文的每一個鐘，讀者等的每一個鐘就喺手背Mark 一野，好好玩架！」

「我好忙架…」雖然嘴裡說不，但心裡早已躍躍欲試，看看樓主在連登能不能自然地相隔六十小時不出文。
文呢文呢