（新手）七歲嗰年我被學生叫去睇醫生 2

white album 2
係咪覺得冬馬好似自己

冇 我係雪菜黨

定期催更

隔著被子也能感受到陽光照射下來的熱力，我用力揉揉眼睛，打了一個呵欠。

枕頭旁邊放著手機，隨手翻看了現在的時間，一滑下解鎖圖案，WhatsApp 頁面便彈出在眼前，還停留在昨晚和星澄的對話。

「仆街！我訓著咗呀！」我完全清醒過來。

昨晚一直思考著該怎樣回覆，結果不知不覺睡著了，最後還是沒有覆過，她沒有再送新的訊息來，我無聲無息地終結了我們的對話。

她的最後上線時間是凌晨2時，我估計她正在睡覺，現在回覆待她起床後便能看到我的訊息好嗎？那我得好好想一下該說甚麼…

慢著，相隔了九個小時才回覆會不會更顯突兀？說不定她早以為對話完結了，我又突如其來地把話題延續下去，這好像有點奇怪，不，絕對是很奇怪…

算了。

我歎了一口氣，便下床梳洗，卻發現原本掛在櫃旁的校服不見了。

「我條校褲呢？」我衝出房間問外婆。

「前兩日拎咗去洗呀，應該就乾架喇。」

「你洗之前有冇幫我攞褲袋入面啲嘢出嚟？」

「冇喎…我點知你褲袋有嘢呀。」她一臉事不關己地說。

「你有冇搞錯呀？我褲袋入面有啲好緊要嘅嘢架！」我衝到露台，在一件件掛著的衣服裡找到了深灰色的校褲，放在右邊褲袋的散紙包還在，不過洗過後有點皺了。

重點是裡面的東西拜托要完好無缺…我打開散紙包，那條手繩安然無恙地躺在裡頭，我頓時鬆了口氣。

「好彩冇事…靠佢講野架。」這句話似乎被外婆聽到了，她無故發起火來：「你自己唔拎出嚟關人咩事？走嚟賴我！」

「咁你洗之前可唔可以檢查下啲衫褲入面有冇嘢先呀？」我不甘示弱地說。

她聽罷好像更為惱火，而且是在動真火：「要講野就靠自己啦！靠條咁嘅繩！」然後「嘭」一聲用力關上房門。

整間屋突然靜了起來。

冷靜過後，我去敲了外婆的房門：「我肚餓呀，有冇早餐食呀？」

她隔著房門對我說：「呢排你都唔知做乜野，日日返到嚟就黑口黑面對住我，好似我欠你咁，你估我唔知你喺學校係點呀？你而家係咪怪我吖？」

「我冇話怪你呀…」我怪的是自己，明明說了要改變，在最重要的時刻總是退縮。嘴裡說要靠那條手繩說話，實則根本想推卸責任，還要推在一件死物上。

外婆說得對，要衝破心理障礙是靠自己，不是靠甚麼手繩。

「係我唔啱，係我錯，冇下次喇好冇？」我低聲下氣地說。

隔了幾秒，她才從房裡走出來，捏了我的臉頰一下說：「正死仔。」

今日仲有冇

咁多先

每晚live

又live

唔通到中六先表白？

請耐心等待

正死仔

其實你寫到現實既sad位 然後再FF寫個骨ending咪幾好

今日有無 ？

我又冇話係sad end

晚晚都有 冇會預早通知

雖然行仔呢個情況好似係好多人既縮影
想去唔敢去
但真心好想睇到行仔可以同星澄表白

好好睇呀 樓主加油

每日得一篇 好辛苦，係咁望住條廢柴係度劣劣劣，唔知劣乜鳩

唔準話行仔廢柴
佢係渣左啲啫

趁外婆進了廚房煮早餐，我把手繩偷偷放回褲袋裡，畢竟一整年都帶著它，突然沒有了會有點不習慣。

元旦過後便是中五的下學期，老師也開始提醒我們要加倍努力，又強調距離公開試只餘下一年時間，如是者我大部分生活又回到了學校這座監獄裡，對別人來說學校囚禁著的是他們的自由，對我來說則有點不一樣，這座牢房囚禁著的是真實的我。

在這冗長的八小時裡，我最期待的是能和星澄說上幾句話，即使是一句簡單的招呼，也讓我回味很久。她沒有提到除夕時WhatsApp 的事，我也沒有提起，有時她會在Facebook send 遊戲邀請給我，我都照單全收，有一次我主動inbox 問她遊戲玩法，更和她聊了一會，我覺得我們比從前又再熟稔了不少。

我一直暗地裡觀察Cayden 和星澄，他們並沒有表現得份外親暱，關係和聖誕節前相比沒有甚麼改變，我為此鬆了一口氣。

週末，外婆約了Tinny 一家飲茶，一大清早便帶我出發了。

不經不覺又和這傢伙幾個月沒見，她依舊拉著我說著一堆有的沒的，卻手執一支筆，不時在手背上畫著甚麼記號。

「你做乜野？」我禁不著問。

「我喺度記低你講咗幾多句野。」她說罷又再手背上畫了一筆。

「吓？」

她又畫了一下。

「…你唔好理咁多啦，我地繼續傾吖。」

「你好無聊呀…」

「係喎…你同Miss 有冇進展呀？」她一臉八掛地問。

「…你想有咩進展？」

「你幾時同人表白？」

「我搞清楚喇，我唔係鍾意佢。」連自己也有點驚訝，竟然這麼順利就說出口。

「吓？我仲以為係因為佢添…」

「咩因為佢？」

「人地話戀愛會改變一個人，我唔知你自己覺唔覺呀，但我覺得你個人開朗咗。」

「係咩？」

如果是真的話，我相信這是星澄為我帶來的改變。

「係呀！開始有細個啲影子…」

臨走前，她數了數手背上的「正」字，然後說：「你今日同我講左59句。」

「咁多？」

「60，不過都係太少。」她笑說。

「已經好過喺學校好多…」

「係咩？不如你自己喺學校又數吓？睇吓係咪真係少過60句？」

「咁麻煩我先唔制。」

「唔麻煩架，你隨時攞住一支筆，以停頓為一句，每講一句就喺手背Mark 一野，好好玩架！」

「我好忙架…」雖然嘴裡說不，但心裡早已躍躍欲試，看看自己在學校能不能自然地說上六十句。

而且Tinny 的說話給了我信心，我不想再讓機會在手中白白溜走，於是在心裡下了一個決定。

如果一天之內，我在學校說夠一百句的話，我就跟星澄表白。

貼左囉

BTW 100正皮已過 主角收到大家嘅支持