【開卷有益】修身齊家治國平天下：政治家育成reading list

唔想睇書可以睇戲

有冇人用ipad讀電子書？？

不過好難揾pdf繁體書

繼續支持留名學野
打算開波睇下君王論先
動物農莊個啲都有幾本睇過

睇到眼盲喎

要睇電子書梗係搵epub啦
啲字可以放大縮細，自動運行
iPad又得，Google Play Books又得，Kindle又得

pdf睇死你對眼呀

上網揾返來都係簡體字多，

而家係pdf轉doc, 再translate做繁體字，

再轉返pdf放落ipad睇 ,當然會放大小小個字體啦。


同埋都廢事買多個hardware去睇電子書

講真，中國個套政治哲學其實係畀人特登誤解，用嚟順民多過真係「政治」。

點諗到

儒家嗰套本身為咗sell出去已經好就政權

儒家個套係後期俾董仲舒搞到變法家

有冇巴打介紹關於國際關係嘅書

儒家同法家合流係必然既理論結果。

儒家既政治理論本身係好離地同道德化既，如果讀下禮記，就發現儒家最關心啲形式上既秩序。例如咩將個國家分成九份黎管理，天子要隔唔知幾耐就要巡遊下國家，主持下學校開學禮。天子呢可以用xxx既禮樂，諸侯就只可以用yyy既禮樂。天子呢，最緊要勤政愛民，諸侯呢就要聽聽話話

再舉個例子，孟子去見梁惠王。梁惠王即刻問孟子有咩方法富國強兵，孟子竟然話最緊要行仁政 比著你係梁惠王都屌出聲啦。

呢種咁形式主義同道德化既政治哲學根本無法用黎管理一個龐大既中央集權帝國。只有法家，可以解決到公共行政，錢刑兵谷，典章制度等等現實既問題。所以最後點會唔淪為內法外儒

lm

中國既政治理論係好薄弱。錢穆既解釋係因為中國官員本身已經係知識分子，所以有理論會直接實踐，唔得閑著書立注。至於呢個解釋就見仁見智啦

好多人都怪責係董仲舒將儒家法家化。但問題係好少人睇得出儒家本身既問題。歷史上數次嘗試按儒家思想改革，包括新莽改革，王安石變法都失望收場。甚至共產主義可以喺中國流傳，同儒家嗰種激進理想主義都有好大關係

講開又講，有無巴打有入門既日本通史書介紹？

個解釋根本亂嚟
歐美由古希臘開始啲統治者都係最受教育㗎啦
但係發展到好深厚嘅政治理論，而且寫低哂

The Clash of Civilizations

岩呀，人人都知行仁政係正確，正如人人都知道奉公守法/努力讀書/出人頭地係正確一樣。

問題係，一個成功既政治理論除左要指出乜野係正確/值得追求以外，仲要可以解決現實問題，對人性既道德要求不能過高，否則只會淪為空中樓閣。例如理想國或者烏托邦咁，僅僅係空想。

春秋戰國既問題係啲國家打到七國咁亂。儒家思想就係想停止呢種笠笠亂既狀態，重建禮樂。但問題係，要回復秩序，就先要有強大既國家一統天下。呢樣先係現實問題徵結之所在。鬼唔知行仁政好咩

順帶一提，樓主喺reading list入面有推薦理想國同君主論呢啲書。如果由現代普通人讀，可能會覺得啲觀點好痴線或者可笑。乜撚野小朋友要國家撫養（理想國），有幾多種方法保持君主既權力（君主論）

其實呢啲書既重點，係在於讀個歷史意義，不在內容細節。點解君主論係現代政治學開端，係因為佢夠露骨，夠現實，唔再係宗教式說教（比較下我講儒家同法家既分別）。點解理想國值得讀，因為佢反映緊民主之弊，以至喺今日都有意義（例如leo strauss）

所以如果唔帶住問題意識去讀，根本係唗時間

不嬲讀書都要對應返去現實，否則只是腐儒而已。

將儒家當成神學而非政治哲學來讀，就唔會張冠李戴。儒家的典章等級制度無疑過於理想化（對應於《理想國》、《烏托邦》、基督教神學），同佢對應的內容一樣，硬套在現實就顯得荒唐可笑。儒家可取既，係佢尊重傳統的精神（封殷商遺民存殷祀、「故舊不遺則民不偷」）可類比於英式的保守主義。你可以話儒家好離地同理想主義，但佢實踐上絕不激進。

法家無疑乃現實主義，所以容易用在實務操作上，對應就是《君王論》等著作。《管子》、《鹽鐵論》都可以歸入此類。而內法外儒我認為係偽命題，政治本來就要理想現實兼顧，比重或有不同，但能做到義利並行，就是出色的政治家，管仲後世被歸類為近於法家（子產也是）但孔子一樣讚：「微管仲，吾其被髮左衽矣。」雖然不符合仁的標準，孔子還是肯定其存續華夏的功績。儒家是去到孟子以後，離地同理想主義的傾向才非常明顯。

至於啟蒙年代以降的政治理論，無得揀，一定係要讀西方嗰邊，因為中國完全無類近的政治理論，呢樣大家都知，無須多講。如果明朝沒有滅亡並向內閣制的方向發展，也許又是另一個故事。

內山陽《日本外史》，行文甚有太史公之風。