北歐13日遊記 (芬蘭，瑞典，冰島，挪威)

因為我唔中意兜圈，好似哂左啲時間同好攰，所以我係去左lapland嗰邊先(其實都要喺helsinki轉機 )，之後就向南走
我係Levi (都係ivalo嗰邊)，Rovaniemi，過夜火車去helsinki
其實你可以12號去左lapland(啫係inari ivalo)，再去Rovaniemi，再火車去helsinki?

好有錢，係去芬蘭定邊度呀？
玻璃屋真係好靚，有啲好似有極光廣播提你睇，可惜肉眼冇相機收到咁多光

係三月尾去呀
十二月應該凍到仆街，但應該好有聖誕氣氛
記得帶暖包，手襪，頸巾嗰啲
仲有咁凍嘅話你不如喺嗰邊買佢地啲褸，香港嗰啲未必夠

咁樣應該多左幾日去第二啲地方，因為helsinki生活環境幾好，但對遊客黎講應該唔算多野行

Lm

LM睇瑞典冰島

去芬蘭呀！plan左去15日！玻璃屋住完就去kemi坐破冰船，之後上阿比斯庫，之後再去Tromsø,之後就斯德哥爾摩，最後反赫爾辛基反香港。

我果陣無報團，日日都多雪多雲，都懶得報了

就有瑞典

仲要破冰船，真係好有錢
啫係你去3個國家？

好慘呀真係，係幾時去嫁

今年1月底。
雖然睇唔到極光，但芬蘭真係好靚。一開始到芬蘭，飛機上面望落去，d 樹一層層雪，個畫面原全係睇緊小肥肥一族咁，望到哇哇聲 。

另外唔知巴打你有無搭過長途巴士。去到樹林某d 位無端端有個人企係度等車，會有d 驚果個係咪人。但更加驚係架車行行下停車，原來有人落車，但明明周圍得d 樹，完全唔覺得有屋，望住個人慢慢行入森林好恐怖

係呀，飛落去嗰陣啲雪景真係好靚 同埋佢其他景色都好靚
搭過唔算長途嫁囉，冇記錯大概兩三個鐘到
咁都幾驚，佢地點知幾時落車，啲森林景係冇分別嫁喎

11
Day 4
之後就出發去其他景點


Uspenski cathedral (東正教教堂或者叫烏斯佩斯基大教堂)
大教堂位於卡達亞諾伽半島的山坡上，可俯瞰赫爾辛基的南、北雙港，視野非常好。教堂於1868年由俄羅斯建築師所設計，所以這洋蔥形狀的綠色尖塔，以及磚紅色的外觀，一眼就看出東正教教堂的風格。
取自xuite.net
呢個教堂令我諗起紅磚大學
可惜我地去嗰陣閂左，冇得去入面參觀下
好多人喺出面影相，有好多應該係越南嘅團，仲係咁俾人用唔知咩話問野


取自layover guide
教堂嘅入面


都差唔多時間lu，所以我地起程去番碼頭嗰邊。我地去多左次old market hall，喺嗰邊食左個雪糕(其實咁凍食雪糕好攞命)。賣雪糕嗰個人好nice，主動俾我試左幾隻味，同埋睇得出佢幾中意自己份工(我估)，因為都幾有熱誠


由東正教教堂去碼頭嘅路
佢地都有情侶鎖嫁

簡單問一問，13日去晒芬蘭、瑞典同挪威會唔會好chur？

諗緊下年暑假去。定係去咗芬蘭加波羅的海三國先？

波巴, plan緊11月去北歐玩,但發覺Inari去Kirkenes嘅交通好少。
暫時只知道得預約專車(4人一架車),但我得2人,網上又未搵到人拼車,所以好貴

想問你提到嘅"大約HK$2000 係Inari度巴士接送" 詳情係點??

只係個捉皇帝蟹團包埋旅遊巴接送

我覺得唔係好chur，我仲要去埋冰島，睇下你點plan啦
不過飛黎飛去真係有啲辛苦，同埋行得唔係好多地方，都係行啲市中心景點

其實我覺得冇乜所謂，睇下邊啲國家吸引你啲

12
Day 4-5
要搭郵輪lu！


大家如果想喺芬蘭去端典或者其他鄰近嘅國家嘅話(例如estonia)，可以考慮搭郵輪。慳左一晚酒店同機票，價錢就1300幾一間c class房，而我地都揀左c class，就好似jack咁，可惜冇遇到我地嘅rose 。全部c房都喺船底，但佢唔會特別浮，所以都還好，係唔太收到wifi
喺helsinki同Stockholm來回有兩架郵輪，silja symphony 同 silja serenade


佢嘅航線(sorry個圖係殘體)


行去架郵輪度，好興奮好激動！


郵輪入面最主要嗰個deck。佢入面有唔同鋪頭，餐廳嗰啲，有個超市定百貨公司，同埋有好多表演。船尾仲有個bar，夜晚有人會演唱，都係傾下計嘅好地方


時間表，其實都有好多野做


我地間房，佢有三張床(所以我地有諗過會唔會有個唔識嘅人入黎 )，都幾舒服，廁所都唔算細


空中飛人show，好多人所以離遠睇算


取自yelp

佢嗰邊嘅nightclub，有live band可以睇，有好多老人家喺嗰邊好浪漫咁跳舞(如果我第時係咁都幾幸福)。如果中意懷舊啲嘅音樂嘅人可以去聽下
仲有個grand opening show，有個舞團會表演


喺船尾個bar度飲左少少酒，啲包裝都幾特別

取自sere.toppeli.com
夜晚仲去左new york club，喺最高嘅deck度。入面唔算多人，音樂係啲pop music。去到凌晨就會多人去個舞池度，可以𥄫下啲鬼仔鬼妹，其實都幾有趣
仲有就係嗰日有個男人周圍撩人講野，明顯係超醉，佢個fd扯唔走佢又要係咁同俾人撩嗰啲人say sorry，最後冇理佢。第二日落船嗰陣見到醉左嗰條友俾警察上哂手扣咁帶走左


出航嘅景色
大家其實都可以揀viking line，我估都係咁上下


(我諗係)波羅的海

之後就到端典 stockholm lu

Lm睇靚景

真係幾震撼，啲自然環境
但係好多local tour都係喺首都出發
我覺得幾高喎，1.5倍到