春泥
2018-05-12 00:16:47
柳豔從醫務所回到家中,瑞秋阿姨道:「阿豔,返嚟喇!就快有飯食喇!」
「哦!我去厠所洗個面先。」
柳豔走進洗手間,她看見鏡子的自己臉色蒼白,她低頭看著自己的肚子。
剛才醫生說,她有了三個月身孕。
驚慌的柳豔雙手掩面,她的腦海一片紊亂,沒有半點主意。
「點算啊?依家點算啊?」
焰兒的聲音在她的耳邊響去:「去同成皇志講啦!兩個人點都好過一個人去面對。」
柳豔搖頭道:「唔得架!個BB唔係佢架!我同佢一齊都無三個月。」
「妳都唔知BB個爸爸係邊個,咁仲有咩辦法嘖?」
「唔可以咁做架!咁對佢好唔公平架?」
「妳依家只有依條路行,無論妳打算要唔要個BB都好,妳都要同成皇志講個BB喺佢。生落嚟,佢就係BB個爸爸;就算落咗佢,以佢份人,佢會覺得自己欠咗妳,永遠都唔會離開妳。」
「點可以用BB做手段嚟縛住佢嘖?」
「咁依家仲有咩辦法喔?如果佢知道妳有咗唔知邊個嘅BB,你唔單止無咗成皇志,仲要做未婚媽媽啊?阿豔,無第二條路行架喇!」
柳豔掩著面,喃喃道:「點解會搞成咁架?」