海芙蓉呷了一口茶,才道:「點解你會知道我會接拍依幾套劇?我都係今朝早先收到依幾套劇嘅劇本?」
看見海芙蓉喝茶這個故作鎮定的動作,我便不禁暗笑。
其實我不是海芙蓉的影迷,只觀賞過她數套作品,其中她的「大鬧摩天輪」是我最為喜愛,我熟悉她作品的原因是,我的媽媽是她的忠實影迷。海芙蓉每一套劇集,不管是大台、二奶台,還是大陸劇,她都會買VCD珍藏,並且經常重溫又重溫,所以我才對海芙蓉的作品有所認識。
現在是1999年,海芙蓉剛離開大台,她有劇集在二奶台播放。
我答非所問道:「海小姐,妳對頭先出面嗰三個女仔有無印象?」
海芙蓉微微錯愕,然後有些慍色道:「我只係想知道點解你會知道我接咗依幾套劇?究竟邊個同你講?」
我沒有被海芙蓉唬住,我神色自若、一言不語地瞧著海芙蓉。
片晌,海芙蓉嘆了一口氣,道:「你咪係講頭先好瘦、眼大大、生得幾靚,一直望住我嗰個女仔啊?」
我搖頭,道:「嗰個叫宛琳珊,我所指係…身材最好嗰個。」
海芙蓉道:「哦!姓布嗰個女仔。」
我點頭道:「海小姐,唔知妳信唔信鬼神嘅學說呢?曾經有人同布正麗講,佢將來會做皇后。」