我上網睇左好多關於呢份工既野,預左會超惡做。離唔開處理超多投訴,日日比人鬧,所有野要一手一腳做冇下屬,OT,shift,工作超負苛,讀書,太多Case處理唔到等等。做到冇哂life,飯都食唔到,冇一日係開心。
我相信做得呢個位既人,十個有十個都覺得除左人工叫ok之外所有野都係負評。
咩野服務市民,責任心,滿足感,都係假。
有冇現職既巴打可以分享下你地係點survive到,點取捨,面對以上種種挑戰係心態上如何適應,真係遇到D解決唔到既問題會點做?
利申: 即將入職既迷茫巴打。
十個入黎 有九個都知有幾惡做
但十個都會話 原來入到黎 係比之前想像再惡做多幾百倍
個個入黎之前 都話為錢乜都得嫁啦
一日未入到黎 都唔好覺得自己頂得順
衰d講 有d人好彩就可以咩都唔理都冇事
但唔係個個人做到 對自己有少少要求嘅人會做得好痛苦
我就係人辦 你話我廢又好乜都好 仲未做到好似樓上d師兄咁灑脫
返工都好似抖唔到氣咁 做到八九點放工返去訓醒又黎過 根本係no life 而且你做得幾耐都好 d經驗都冇用 諗返當初可能做big 4 狗仲好
我而家都搵緊其他私人工 不過人工低一截 搵到好迷惘 又唔知有咩選擇
入左黎 望住份人工 但又覺得自己冇資格拎嘅感覺好難受
倒米都係咁講 條路自己揀 仆街自己喊