啱啱睇完JL ，唔知係到傾下得唔得
利申左先:講超級英雄最鍾意就係batman ,3部曲
1.始終鍾意batman， 開頭佢有小小solo真係好正，但係呢套JL 都講到明佢係普通人，除左有錢，對外星生物唔會捱得耐。今集比batman既武器太小啦，大打鬥個段仲要用怪獸把雞槍 ，整個架坦克仲要甩皮甩骨。對比起mcu, 鷹眼相對廢，但係一堆超級英雄底下都搵到一定空間比佢發揮極限。
2 .水行俠真係唔得，其實開頭幾型，紋身大漢。後面著左套衫，拎支叉，反而仲弱左，除左阻水個幕型之外，水行俠由始至終只係一個高戰鬥力既鬥士，完全唔係一個超級英雄，大打鬥佢有用盡支叉， 但真係講唔上超級英雄， 不過可能冇水，佢發揮唔到，呢點唔錯得晒。
3. 鋼骨交代得太快，真係跟唔切，除左知佢原本死左，但佢老豆有用個盒救翻佢，跟住佢同個盒connect左，細節真係跟唔切。同埋鋼骨應該好勁，佢套甲可以變咁多武器，但用黎用去都係支藍色粒子砲之外，佢真係做軍師多過打，雖然DC安排左佢大打鬥要拆3個盒，但佢戰力真係顯示唔到。
4. 神奇女俠最正路啦，打鬥正路，戲劇正路，冇弱化冇強化，同埋都有回應翻上套獨立電影男主角對佢既影響。
5. 超人，冇得講啦，戰力最強係佢，佢一出黎，final boss 變卒仔，如果有下套，DC 要諗諗點搞呢個問題， 如果唔係連神奇女俠都要變路人甲。但係超人又冇強到離譜，起碼final boss 到最後都係比班烏蠅殺死翻。
最後想講翻batman ， 我自己就冇跟得好貼既，想問下點解唔搵翻3部曲個男主角同 呀伯做alfred, 舊男主角，做得好，夠型棍，個身型又靚，依家個個太肥啦， 連套甲個耳仔位都好怪，太短 。 依家個新Alfred 變左Gordon 局長咁樣。
暫時咁多
我覺得新Alfred型D Ben身太橫冇得怪佢
同埋原本JL一開始拍果陣冇咁肥 係補拍果陣又肥返
成日偷偷地食野緊係肥
