中環辦公室「西裝男hehe微甜]

真呀

記得嘅姐係就嚟唔記得


大佬我定時定候有上嚟推一推 求你出多啲文啦Kenneth

2019繼續支持

推

推

推文

推，keep住每兩個月睇下有冇update

每年一文

求文

次次都要追番上一篇先記得個故仔講到邊
樓主

推下先

6.2

經過一輪混亂之後，我同Thomas終於可以安靜咁食餐晚飯。問題係我嘅電話同銀包都喺Brendon度，我搵佢唔到之餘又冇錢返屋企，Thomas耷低頭細細聲響我耳邊同我講「唔使擔心，你有男朋友響身邊，識咗你咁耐我都冇要求過你任何嘢，我可唔可以對你有個請求？」面對佢溫柔嘅眼神，我遲疑咗兩秒冇回應。佢見我冇回應，即刻同我講「作為你嘅男朋友，希望你可以多啲依賴我，有乜嘢都可以即刻同我講。」面對Thomas，我開口同佢講「我⋯我一路都冇拍過拖，要學嘅嘢太多，以後多多指教。」佢好開心咁摸一摸我個頭，講「我哋一齊返屋企啦。」「嗯」我低頭回應。之後成餐飯我哋都只係食嘢，唔係講好多嘢，我好享受有佢響身邊嘅時間，好安心亦都好寧靜，同Brendon每一次吵吵鬧鬧完全唔同，去到呢度，我突然有啲疑惑，點解Brendon會等我收工？又點解佢堅持要同我食飯？一定要嚟呢間餐廳？又咁橋會撞到Thomas同呀Kris？一切都係巧合？我冇答案，可能係Brendon有心想整蠱我，得聞想睇大龍鳳食花生。呢個似乎係最合符佢性格嘅假設⋯反正響Thomas講清楚佢同呀Kris嘅關係之後，一切都好似發夢，我到宜家都唔係好明白我憑乜嘢可以有一個咁好嘅男朋友。

Thomas知道我扭親隻腳，佢扶住我慢慢咁行出餐廳。我哋嘅高度相差太遠，佢要彎低身慢慢咁扶住我一步一步咁行去佢架車度，佢笑笑口咁講「希望老咗之後我都會咁樣扶住你行。」我笑一笑，同佢講「我從來未試過響中環行得咁慢，我覺得今晚條街同平時好唔同，有時行慢啲可以睇到以前見唔到嘅風境。」佢即刻答「最唔同嘅係宜家嘅你有我響你身邊，我會保護你。」我沈默⋯上車之前，Thomas將前座嘅座位較前，我坐好之後佢就上車，閂好車門之後佢望住我笑一笑，我無意識咁摷衫袋想攞電話check email，突然記起電話響Brendon手上。我問Thomas攞佢部電話check webmail，佢笑一笑之後擰擰頭，我表示唔明白，佢低頭𡃶咗我額頭一啖，我呆咗⋯佢即刻話「放咗工喇，我希望你可以享受一下我哋相處嘅時間，呢個都係作為你男朋友嘅請求。」我靜一靜，然後回應「嗯，你話事。」佢好開心咁微笑然後就問我想唔想聽吓歌？「都可以。」我回應，然後佢就開始播歌，播嘅係Hyde嘅「曈之住人」。我即刻問「點解你知我鍾意呢首歌？」佢笑一笑，回答「可能我瞭解你比你自己重多。」我無言⋯在8年前我曾經因內部調職，係東京office一年幾，由嗰陣開始，我一路都好喜歡呢首歌，但應該冇乜人知道。

Hyde嘅歌聲一路伴隨，車慢慢咁離開中環。從今晚開始「曈之住人」成為咗我哋嘅歌。

樓豬有冇去睇hyde香港live

唔駛一年就有文

冇呀，但係佢哋第一次嚟香港有睇

仲接到tetsu隻pick

係文呀

好喎

樓豬，終於翻嚟