中環辦公室「西裝男hehe微甜]

可能出年清明就有文睇了

每日入黎一次

每論佛誕定耶誕、我都會keep住push F5

非gay留名
點解我會覺得好好睇

為咗樓主篇文 我先有動力入連登

文呢

每日就係睇下呢個留左名既post有冇轉紅點

以為有文添

係咪啲咩野三四月peak season，樓主同佢班西裝仔仔忙到傻左？

重等緊樓主你篇文

樓主去左邊

Live左

點解樓主唔繼續

樓主翻嚟未

上個financial year完左 free到時間出文未？

文呢

又俾拋西瓜既民眾呃左上黎

爛尾了

諗住儲4個月應該會順啲
點知...
btw 樓主加油

重等緊樓主啊

5.2

經過漫長，冇養份，超多事又冇生產力嘅一日，我終於響9:30離開office。今日感覺一啲都唔真實，一日間經歷來回天堂同地獄，我不停響度問究竟自已做錯咗啲乜。其實已經極度唔開心，但係又要扮晒冇嘢咁同同事講「唔好咁夜喇，今日辛苦晒⋯」先可以收工。去到大堂等𨋢嘅時候先可以放鬆一下，睇一睇部電話。一路望住「呢種誤會唔會再有第二次⋯」個message，心裏面好希望會收到Thomas嘅回覆，至少有一個好嘅解釋，之後見面都唔會面阻阻。怪只怪自己覆得太絕，我響度諗會唔會因為一啲誤會斷送咗我哋嘅感情，係咪應該比一個機會佢解釋下？我冇答案，淨係見到message旁邊只係顯示兩個剔號。
有時已讀不回都係一個好嘅回覆，總比回覆一句sorry好。呢一刻我好矛盾，一方面我好想見到佢，一方面我唔識點面對我哋之間嘅關係。懵下懵下咁落到大堂先記得我冇叫Uber，死死地氣行出去睇下有冇的士。一出到去就見到Brendon企咗嚮大門口，我即刻轉身走扮睇佢唔到，但係佢即刻狗衝過嚟，講「喂，你唔係扮睇我唔到呀？」我背向佢，望住部電話講「其實已經放咗工，有乜嘢都好，等聽日返到公司先講。」佢好得戚咁同我講「我哋講好咗，每朝早同放工之後都要同我操，你唔係當冇件事呀嘩！」我呆咗，然後答「今日？come on 放過我啦！」佢笑一笑，哄個頭埋嚟「No way！Promise is promise.」「我希望你嘅執著可以應用響工作上面，咁樣可以減少好多我嘅麻煩！」講完我轉身就走，可能反應太快，雲石地加上皮鞋冇打掌，一跣腳成個人仆咗響地下，工事包同電話都飛咗九哩遠。Brendon即刻響度指住我嚟笑「平身啦！唔駛行咁大禮喎，哈哈⋯」我⋯雙手撐起身，喔！好痛。我叫咗出嚟。我腳眼好似扭傷咗⋯Brendon即刻講「你咪呀你，嗱唔關我事㗎。」佢見到勢色唔對就即刻嚟扶我起身，坐響大堂梯級之後再執返我飛走咗嘅行裝。嘻皮笑臉咁話「用牙籤做嘅男人真係特別麻煩，冇事嘛？我係問你個人唔係問你個心呀。」我面青曬，冇答佢。佢突然好快咁除咗我左腳隻皮鞋同埋黑襪，好仔細咁檢查我隻腳，佢用手按摩腳眼，我成個人梗咗，佢問「痛？」「唔痛⋯因為我⋯好似扭親隻右腳⋯」
現場即刻deadair咗3秒，「你係咪玩嘢呀，唔早講？」Brendon忍住笑講。「我⋯未出聲之前你已經除咗我隻鞋。」我有啲面紅咁講。「妖！」佢除埋我右腳隻皮鞋檢查，「呀！痛！」佢睇一睇，「唔係好大獲，只係扭親下，小小紅腫，好快好返啦。著咗咁多年皮鞋都唔識去打掌，仆死你呀！」我冇出聲。佢執起我同佢嘅工事包，然後背向我，示意要孭起我。我冇表示，佢即刻發惡「你快啲啦！唔係要我抱起你呀？」
為咗唔好令現場更尷尬，我雙手撓係佢膊上，佢孭起我，雙手攞住我對鞋同工事包行去停車場。

諗住儲4個月應該會順啲
點知...
btw 樓主加油

我自已都以為係，要講聲唔好意思，要大家等。