「你問我答」我係基督徒

我講到明性行為係夫妻先可以做，當然結咗婚係唔可以進行性交易（同伴侶以外嘅人有親密嘅行為）。
未結婚都一樣係唔可以。

你依然聽唔到。
重點係點解用婚姻捆綁對方同離婚需要分家產就允許？

不。點解我以前信呢啲但係佢哋冇幫到我，我嗰陣對佢哋都好虔誠，但我嗰陣每日都好唔開心，每日都好想死，甚至嘗試過跳樓好彩俾人拉返落嚟。傷心到絕望嗰排，我已經唔驚死，反而覺得死係解脫。

跟住冇耐我就認識咗主耶穌，初頭我都唔係好信，覺得冇人可以整走我心中嗰個重擔（嗰種絕望、冇盼望、冇希望、沮喪、無奈、內疚）。

我嗰陣臨瞓前祈禱心諗如果主耶穌祢係真嘅話，就賜俾我平安同埋喜樂。好神奇地，第二日起身，心中嗰個重擔已經冇咗一大半。再過多一日，心中嗰個重擔完全冇晒。 我個人充滿平安同埋喜樂，唔好嘅思想唔好嘅行為都少咗好多。

「兩個人總比一個人好，因為二人勞碌同得美好的果效。若是跌倒，這人可以扶起他的同伴；若是孤身跌倒，沒有別人扶起他來，這人就有禍了！」
（傳道書 4:9–10）


「耶和華神說：那人獨居不好，我要為他造一個配偶幫助他。」
（創世記 2:18）

其實神唔喜悅離婚。（但如果係因為對方出軌或者家暴嘅話，相信離婚都唔會比神責怪）

婚姻涉及共享資源、勞動、犧牲，所以分產係對長期付出嘅一種承認。而且單親家庭照顧小朋友係好辛苦，前伴侶係有責任要負責。

姐係情況係咁，就可以責怪任何一種宗教？

佢唔係叫人放棄自尊或者容忍暴力，而係教導我哋要拒絕以惡報惡，用愛、剛強、忍耐、節制勝過仇恨同報復。比對方悔改的機會。

我哋只需要做好本分（結好果子），上帝會幫我哋申冤。

「有錯」定「冇錯」，每個人心中都有一把尺。
問題只係我地是否願意跟神把尺。

而家嘅我慶幸有呢個經歷，就係因為有呢段經歷，我先發現主耶穌係真實存在。神係唔會講大話，佢係信實的。所以我相信聖經裏面講嘅所有嘢。而聖經講話只有主係唯一嘅神，其他嘅都係假神。我怪撒但，怪自己。

樓主角度係好有問題。
呢幾年見過幾單信完主冇耐就生癌，之後化療太辛苦想自殺。
咁唔通又基督教有問題要轉會？
咁確實身邊有親戚信咗好多年主，出於覺得基督教太多爭鬥轉咗去番佛堂

咁如果俾埋另一邊面佢佢都打落嚟，之後點？

你只需要原諒，如果對方唔悔改，上帝自然會幫你申冤

需要俾第三次嗎

「基督教」，聽落好似係信教咁，其實唔係咁，反而係信基督，信實咁向基督忠信，係同基督親近咁聯合。所以，要有信心既對象，唔係人，而係主耶穌自己。

以我自己為例，我望住自己，都唔係每一次都即刻直接聽神吩咐咁去做。但係始終，主既無比大能仍然係顯明左，呢樣先係獨特、值得留意既野。

你有咁既經驗，冇見到神既作為反而見到人咁樣，係非常可惜。
人行入教會，唔會自動變好。相反，當人活得討神喜悅，神同佢同在，其他人就會見到神係佢身上顯出既能力。保羅咁形容：

哥林多後書4:7-9
//7 我們有這寶物在瓦器裡，為要顯明無比的能力屬於神，不是出於我們。
8 我們時時處處受壓迫，卻沒有被逼入絕境；茫然失措，卻沒有茫然絕望；
9 遭受迫害，卻沒有被遺棄；受致命重擊，卻沒有喪命。//

所以回應返上面，既然我信耶穌基督，就照住耶穌教導咁先接納話自己悔改既人（包括樓主）。

你既冇信心，亦都係完全可以理解。當年既掃羅都係一樣，佢追捕跟從主耶穌既人，個個都怕左佢，唔信佢悔改左：

使徒行傳9:26-28
//26 掃羅到了耶路撒冷，想要與門徒結交，可是大家都怕他，不相信他是門徒。
27 巴拿巴卻拉他過來，帶他去見使徒，詳細告訴他們掃羅怎樣在路上看見主，主怎樣向他說話，他怎樣在大馬士革奉耶穌的名放膽傳講。
28 於是，掃羅在耶路撒冷與門徒一起出入，奉主的名放膽傳講，//

但係神透過巴拿巴，將呢個嫌隙攞走左。所以，睇神做野就好了。

你唔會明。我人生第一次感受到點原諒都冇用，呢啲人會咬死我先至停，就喺係呢班基督徒身上。
佢地番大陸、澳洲同歐洲旅行，仲會去當地教會tim

耶穌有幾多條頭髮?

的確，你既經歷我冇試過，但係既然掃羅/保羅試過，你睇佢講好過睇我講。我除左同情你，都只能夠介紹你睇下保羅係點。

熱心錯方向就攞人命，熱心啱方向就帶到人認識生命既主。

耶穌冇講自己有幾多條頭髮，但係講左神數過晒全部人既頭髮。有神就唔怕。

馬太福音10:29-31
//29 兩隻麻雀不是賣一個銅幣嗎？但如果沒有你們的父同意，牠們一隻也不會掉在地上。
30 而你們，甚至連你們的每一根頭髮都被數過了。
31 所以不要害怕，你們比許多麻雀更貴重！//

需要七十七次
我既體會係原諒人其實係放過自己
記住一個仇恨其實好費力的

好多時認識上帝都係一個經歷，我覺得冇問題
但漸漸地，我地唔可以只停留係經歷
我地要有一種「我信我的神會幫助我，即或不然，我仍然要依靠他」的韌性
咁先唔會因為經歷而離開神

如果有教友做左婚前性行為，你地會唔會排斥佢？

我會咁睇成段：

馬太福音5:38-42
//38 “你們聽過這樣的話：‘以眼還眼，以牙還牙。’
39 但是我告訴你們，不要與惡人對抗，有人打你的右臉，把另一邊也轉過來讓他打；
40 有人想要控告你，想拿你的內袍，你就連外袍也讓他拿去。
41 有人強迫你走一千步為他服務，你就陪他走兩千步。
42 有人求你，就給他；有人想向你借貸，就不要拒絕。//

耶穌舉左4-5個情況，都係「唔同惡人對抗」。呢D情況有既共通點，係「想」（5:40,42 直接講埋個想字），有惡人「想」係自己身上攞佢「想」攞既野，分別係：侮辱（5:39）、內袍=貴重財產（5:40）、強制勞動力（5:41）、任何求既野、借錢（5:42）。

我將你問到果句解釋成侮辱，原因有三個。第一，打面唔係要傷害人個身體，當時佢地有好多傷害人身體/整到人痛既方法。第二，大部分人出手打臉，係用右手打人塊右臉，如果比左面人打，即係一係比人用左手打，一係比人用右手手背反手打埋，都係更進一步既侮辱。第三，耶穌自己就比人咁樣打黎侮辱：

馬太福音26:67-68
//67 於是，他們向他的臉吐唾沫，用拳頭打他，也有人掌摑他，說：
68 “傳達神諭給我們吧，你這基督！打你的是誰？”//

因為解釋緊摩西五經果句「以眼還眼，以牙還牙」，所以夾埋咁理解：佢要惡，咪比佢惡，唔洗報復佢。

至於門徒應該點？就係下文（5:43-48）所講，要似天父，咩人都愛。

我自己係呢個post 入面，如果追返上去上面，都冇照住黎做，但係感謝主，佢係連登內外都提醒左我，顯明左佢既能力同信實。

咁多次唔會好唔合理嗎？如果你話第二次係俾機會對方做返啱都ok，第二次佢打埋嚟就要還手吧⋯

唔會。

會同佢傾，勸佢悔改，唔好再咁做。

補充返少少背景。

摩西五經入面提過三次「以眼還眼、以牙還牙」，本來都係講到以色列人之間判決既公正、公義，唔可以報復過龍。

而耶穌時代，猶太人渴望彌賽亞（基督）救佢地脫離羅馬政權。羅馬士兵可以隨街要求人為佢地勞動（例如馬太福音27:32，迫古利奈人西門背住耶穌個十字架）。佢地有一部分人（奮銳黨）好激進咁同羅馬政府作對，好可能用左「以眼還眼、以牙還牙」作為根據。耶穌既解經，呢段似係針對佢地去講。

所以，「以眼還眼、以牙還牙」同「唔同惡人對抗」一齊出現既語境，摩西五經入面冇，耶穌時代既人先有。