【恐怖慎入】一覺睡醒，沒人記得旺角這個地方

900 回覆

515 Like 84 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁

狩獵夢的人 2025-01-25 00:07:22

嚇到阿琦傻，崇洞者嘅教主千金，帶自己對抗崇洞者

HomeLess 2025-01-25 00:11:43

「整座聖殿之中，唯獨是逃生門，是會隨機通往建築內不同的地方。」夕兒望向我們

夕兒係點樣係一個隨機狀態之下，咁短時間內搵到佢地

狩獵夢的人 2025-01-25 00:16:31

唔好睇少夕妹嘅短跑速度

葉開葉開 2025-01-25 00:24:42

夢巴你好！

狩獵夢的人 2025-01-25 00:36:02

葉開巴你好！

駐連燈首席美軍 2025-01-25 00:48:20

大義滅親

狩獵夢的人 2025-01-25 01:27:08

再次感謝500正皮，阿夢喺下面寫咗少少感想，有興趣可以睇睇，多謝

《旺角》喺LIHKG有幸達成500正評，阿夢非常感激，同時百感交集。連載首日，故事非常幸運地登上LIHKG全台熱門第一、Penana熱門第一。其實我本身並唔肯定，有冇人會願意睇呢個故事。

阿夢身處溫哥華，為配合香港10pm出文，會喺4am起身，咬個包、飲杯無糖咖啡（因為頭痛戒咗咖啡因），然後審閱即將連載嘅章節（初稿喺幾個月前已經寫好，只係改完一次又一次，宜家已經係唔知第十幾個版本）。出完文，就會著羽絨抱住飯盒搭車返工，期間用手機回覆留言嘅你哋，放工又繼續製作插圖、寫文案，週而復始。

我諗大家都知道，呢幾年喺短片盛行嘅演算法下，小說創作更難接觸到讀者，長篇小說就更加係。我係一個與社交媒體潮流脫節嘅人，上一次連載《記憶信貸》，我唔知點樣推廣，點樣維繫與讀者嘅連結，為此而感到吃力與難過。

但我好想繼續下落去。

阿夢帶咗好多公仔嚟溫哥華。我內心好清楚，離開一個自己生活咗二十幾年嘅地方，到第二個地方重新開始，好多人事物你係無法帶走。所以我唯有帶走公仔，因為佢哋留有我屋企嘅殘影。將佢哋塞滿床頭，就好似心房從來冇被挖空一樣。

於我而言，寫小說係同一回事。

我只係想，透過自己嘅文字搭建世界，藉此與自己出生城市嘅人連結。哪怕我哋身處唔同時區，每日有唔同嘅生活難題，面對緊種種嘅悲歡離合，但係喺每晚10點，我哋就會返到故事世界，一齊經歷驚險旅途，偶爾爆笑，偶爾流淚，最後揮個手，講句「下個故事見」。

只要於故事與你哋相見，我就會感到生命裏面，仍有熟悉、寶貴嘅事物。

失去嘅時候，我哋會悲傷，係因為我哋追求永遠。
但係你我都明白，永遠係唔存在。不論係網絡小說嘅潮流，不論係香都嘅旺角，抑或係我哋所痛愛嘅一切，終究都係會消逝。
我哋可以點樣面對？《旺角》就係要探討呢個課題。
喺有限嘅生命入面，只要我哋記得，就會形同永遠。
《旺角》與《記憶信貸》一樣，係發生喺「香都」。
香都唔係香港，而係阿夢「記得」嘅香港。

與《記憶信貸》一樣，
今次阿夢都係聽住林家謙嘅歌寫完結局，
而今次係《記得》。

目前為止，我只畀一個人睇過《旺角》嘅結局，
佢話睇到喊，要落街散步平復心情。

2年前我講過，《記憶信貸》係一封情信。
而《旺角》係一封道別信。
係一封，與失去之所愛事物道別嘅信。

我好感激你哋願意睇呢個故事，
儘管我冇辦法認識你哋每一位，
但你哋願意踏入呢個故事世界，
於我而言，係一種救贖，
填補咗我心所缺嘅嗰一塊。

鍾意《旺角》嘅，
懇請你哋分享畀朋友一齊睇，
阿夢完全可以保證，
就算冇一個故事會得到所有人嘅喜歡，
《旺角》絕對係個無比用心寫嘅故事，

係一趟無悔走過嘅旅途。
接落嚟，等我哋一齊記得。
記得旺角，記得生命中種種已經消逝，或者尚未消逝嘅人事物。

我哋夜晚10點繼續！