【恐怖慎入】一覺睡醒，沒人記得旺角這個地方

可能小浪可以扮崇洞者啲手足入去

講起上嚟，小浪有嗰把屬於崇洞者嘅大剪刀，都係非常奇怪。到底點解佢會有？佢到底係乜嘢身份？唔通佢係崇洞者？

可能佢係教祖

如果佢係教會領袖嘅話，可能係最終BOSS
若然如此，小浪似乎冇表現到自己係呢個身份，到底係佢刻意隱瞞，抑或係佢真係失憶？若果係後者，咁佢恢復記憶之時，主角們就好危險

而且，點解小浪宜家會與主角們同行？

一定係因為愛

小浪：係餓呀！__你個琦！

如果小浪真係教派領袖，咁主角們有成個教派罩住，冇嘢可以驚

唔講都唔記得比正皮

多謝張學友誼波巴打

好多文

出文出到手軟
希望你哋睇得徹

兩點睇法

1. 冬彌好可能隱瞞緊一啲嘢。即使佢非比尋常嘅情報量（連現世情況都瞭如指掌）可以解釋為有特殊渠道提供，佢聽到琦現世經歷時嘅反應亦實在過於冷靜。

明明喺佢認知中琦本來係喺幻墟地，而佢提供嘅資訊當中話無人試過亦無人知點連通現世，琦回到現世嘅經歷明顯係重要線索，無理由唔追問。

唯一解釋係佢知道一啲嘢，以致對於琦嘅經歷唔驚訝，亦唔需要追問。

但可能性太多，要睇落去先知。

2. 故事擁有平衡時空嘅世界觀。2000年消失咗嘅旺角，就唔可能喺2010年再次消失，但幻墟地由不同年代嘅旺角交疊而成，即是佢地並唔係來自同一條時間線。



呢個說法唔單止可以解釋時間同空間扭曲，仲可以解釋物件扭曲。並唔係物件喺幻墟地自我複製，而係不斷有新嘅平衡時空物件被投入此地。

呢度令我諗返琦嘅記憶中自己係中六生，但現世資料紀錄係中五生，即使要抺除旺角以及威斯治嘅事實，亦無需改寫琦嘅年級年齡。

所以我有個無乜根據嘅睇法，就係有兩個處於唔同時空嘅琦，一個係中五生一個係中六生，佢地嘅記憶肉體身份出現交錯。

最初同冬彌一齊到達幻墟地嘅係中六生琦，而喺十字路走入黑窗嘅係中五生琦，兩者喺幻墟地重疊咗。

至於點解冬彌阿蚊無咁嘅情況，最可能係中五琦由黑窗進入，肉體仲喺現世。亦即是話隨時見到另一個冬彌阿蚊都唔出奇。

咦，唔通冬彌隱瞞嘅嘢同呢個有關？



sor，腦補太多，都係追故睇解答好啲

非常詳細嘅分析
為咗你哋睇得開心，我唔會作任何確切解答，

不過就住旺角平行時空，我可以提出另一個角度：
如果旺角1座商場消失，你唔會覺得「旺角消失咗」。
如果旺角2座商場、3個公園、4條街消失，你可能亦唔會覺得「旺角消失咗」。
但若果消失嘅嘢越來越多，去到某一個位，哪怕有少量旺角嘅人事物存留，你仍然會覺得「旺角消失咗」。
所以重點就係，如果旺角消失係一個過程，咁到底去到邊一個位，大家先至會認為旺角消失不可呢？

我同意釣魚翁巴打所講，可能性實在太多，所以重點唔係猜測對與錯，而係猜測嘅過程有趣好玩

lm

多謝添物士巴打，希望你鍾意呢個故事

好耐都未追過故 留名
小浪幾正
遺憾係未睇過你其他嘅故仔所以有啲位代入唔到

多謝支持
小浪咩方面吸引到你？

唔緊要，《旺角》可以當為獨立故事，有興趣睇埋《記憶信貸》可以明多啲但唔睇都冇問題

我個人好膚淺 你畫個啲圖再加埋故仔係個腦海mix埋個種反差好正 不論係遇到無臉者嘅果斷再加埋同主角嘅相處就好似變咗兩個人咁
BTW第一次聽到記憶信貸呢個名係喺YT首歌好好聽

小浪應該有古怪

live留名
四圍嘅霧，好有大廈同電車嘅既視感

多謝你啲圖都係先用付費AI製圖，輸入小說描述整咗稿，然後再用software調整而成嘅，每張都整好耐。因為唔係專家，過去兩年take咗唔少網上課程自學，希望成果大家鍾意！

宜家每話出緊2張圖，不過我其實整咗更多圖，所以會喺《幻墟百科》中以幻墟卡形式推出，大家多多支持

《記憶信貸》主題曲，我自己都好鍾意，完全演繹到結局種感覺分享畀未聽過嘅巴絲聽，最推薦睇到《記憶信貸》結局時聽：
https://www.youtube.com/watch?v=NyfRyYQTQTs

先唔講其他嘢，無啦啦持有某教派嘅武器，真係有啲古怪
當然啦，先時無法確定該教派係乜料，到底是敵是友，不過起碼小浪同該教派可能有某種關係