【恐怖慎入】一覺睡醒，沒人記得旺角這個地方

無臉者寫真

夢巴有冇機會整到一本出嚟我會買

重點應該在於聖液？
唔通點解要用血先可以寫字，係代表呢個世界嘅歷史就係由鐵同血寫出嚟

究竟喺幻墟地失憶係代表啲咩

多謝HomeLess巴打先
出書與否視乎好多因素，阿夢都想為故事用心整好一本自豪嘅書，然後畀大家收藏
如果有興趣，可以支持PNN訂閱制，阿夢都係用出版嘅態度去製作內容

藉此機會，問吓巴絲意見，你哋係咪都會鍾意支持實體書？抑或你哋會唔會睇電子書（epub）？

照巴打咁講，鋼筆嘅價值並非在於筆本身，而係筆所盛載嘅物體到底係咪呢？好快就會知道

突然諗，如果幻墟地真係有吸血鬼，就真係搵食艱難，因為要同書法家、讀書人、作家爭血

定期有"垃圾"掉入嚟，唯快不破

好得意嘅係，根據班長雨冬彌嘅說辭，佢係由始至終都冇失憶，擁有由現實世界至幻墟地嘅記憶。

但係緣小浪自稱失憶，忘記曬以前所有嘢。

而羽琦都係一度失憶，雖然目前認為自己恢復咗記憶，不過又彷彿仍然有部份記憶模糊或缺失。

值得一提嘅係，故事以第一人稱進行，羽琦應該唔會刻意欺騙讀者，所以若然佢嘅認知係錯都係意外。反而小浪、冬彌，係唔排除會對羽琦隱瞞

幻墟地慘成吸血鬼/食屍鬼農場

如果成件事係有reset機制既話，隱瞞就講得通了

阿蚊出嚟未呀

Reset機制係點？即係冬彌冇受抹除記憶，只有小浪、阿琦等人受到抹除？

阿蚊一出，聲量會+50，大家做好心理準備

到達某個時間點/達成某條件就重來，冬彌好大嫌疑點解佢有咁多套校服

即係分一周目、二周目、X周目？

冬彌聲稱會自己洗校服，睇吓你哋信唔信模範生班長

故事到依一刻都未有一個清晰既據點，好難相信冬彌仲有時間/空閒自己洗校服

01231 會唔會係曾經掌管呢本書嘅

我又提供另一個角度
可能冬彌係世界級強迫症患者
之前喺圖書館，明明搵緊逃走方法，佢仲掛住將啲書架嘅書排整齊，平時又會確保件衫冇皺摺

有趣有趣好快就會揭曉！

啲人見到，以為係嘅本書密碼鎖嘅密碼啦，個人興奮到都飄飄哋，望一望個鎖，要用鎖匙開

幻墟地係垃圾桶嘅講法係由阿琦傳出嚟
阿琦會唔會本身就知道一啲內幕？（嗰日書院點解被扯入幻墟地，過程發生嘅事阿琦有冇曾經參與過？會唔會同阿琦尋找姐姐有關？）
話明係垃圾桶，幻墟地嘅存在應該係為咗棄置一啲垃圾（指嘅會唔會係某啲有害嘅記憶？）

我把這件事告訴了冬彌，冬彌思考一會，豎起食指：「可能是因為，在現實世界中，威斯治書院已不復存在，所以某種機制修改了你的身份，由『威斯治書院學生』變成『旺官書院學生』。」

現實世界嘅旺角應該都係同書院一樣被扯咗入幻墟地

輸入：油麻地及太子間的地區是什麼？
該地段先前因業權爭議、規劃不善的關係，一直無法發展。現於政府介入下，大規模工程即將開展，預計於5年內將成為香都第二大商業區。

所以阿琦之前好可能真係喺現實世界

冬彌望向窗口：「在幻墟地，很多生還者漸漸喪失記憶和自我，最終變成怪物。」

「我相信這裏的怪物，都是由人類變成的。」冬彌手按胸口，「所以我才要穿著校服，時刻提醒自己我是誰。」

記憶同認知喺幻墟地好重要
阿琦曾經失憶，而且又返過去現實世界，會唔會有關連？
例如失去幻墟地嘅記憶係回到現實世界嘅條件之一？

係一個唔知下一分鐘（可能係下一秒）會發生咩事既空間入面，仲有空閒時間洗衫，應該唔止世界級可以稱得上宇宙級既強迫症

星宿巴嘅分析繼續係咁高質

如果冬彌冇欺騙阿琦，咁其實阿琦、冬彌、阿蚊等人，已經喺幻墟地生存過一段時間，而佢哋已經對幻墟地狀況有一定掌握。如果問多啲冬彌，就可以得知更加多資訊，更加容易理解發生緊咩事。

不過，冬彌似乎未講曬所有真相畀阿琦知。到底係純碎未講，抑或有某啲原因令佢唔願意講呢？而且就算講，係真定假？佢有咩動機誤導阿琦？

可能幻墟地嘅法則同現實世界唔同
只要係自己認知入面件衫冇污糟到，件衫就一樣咁乾淨

可能冬彌行路都要跟住地磚縫條直線行，見到唔同色要避開
（以前小學成日咁做不建議模仿）

如果被冬彌愛上，好嘅會專一到世界盡頭，唔好可能變病嬌

吸引力法則

遊戲管理員：佢哋班友最好唔好意識到呢一點，如果唔係個個都認知自己係BOSS，我仲有肉食？

唔解釋所有真相淨係諗到幾個原因

一、幻墟地有某啲存在會獵殺知道得太多秘密嘅人，如果阿琦喺未準備好之前就知道真相可能會遭遇更大危險（例如之前嘅白髮男孩就直接無視阿琦，但如果阿琦係知道真相嘅情況可能會唔同）

二、阿琦嘅失憶係人為，為咗達成某啲目的，未失憶前嘅阿琦向冬彌交代過唔好同佢解釋真相（或者去到適當時機先可以，因為記憶同認知係互相關連，如果知道咗更多幻墟地嘅真相會令自己嘅認知出現差異）

三、唔向阿琦解釋係因為冬彌有自己嘅計劃，甘願自己一個背負住沉重嘅真相

哪怕要欺瞞阿琦都在所不惜
試諗諗如果阿琦失憶得徹底啲，連旺角都唔記得埋，咁就唔會再進入幻墟地
仲要阿琦入到嚟就開始越來越多以前嘅記憶，例如姐姐，殺人呢啲嘢
如果暴露真相俾阿琦知道，佢肯定會有好多心理陰影，寧願佢被蒙在鼓裡好過

全部角度都好合理宜家先第7話，合理嘅真相可以有幾百甚至幾千種，全部講得通。
似乎星宿巴傾向相信冬彌係企主角嗰一邊，而非會陷害主角，
咁的確就算冬彌有所隱瞞，動機都唔一定係壞。

阿夢目標係，無論創造出嘅主要角色係正派或反派，都會令大家明白角色行動背後嘅理據，佢嘅過去如果構建佢嘅價值觀，大家就算反對，甚至討厭，都起碼會理解佢哋嘅諗法。

因為你以前啲故入面女主角都係類似性格嘅