做左幾年,做緊Senior位
公司係香港/中國行業龍頭, 但出左亞洲就無咩人識
工作內容係project based, 一人身兼兩至三個project, 交期大概係三至四個月
公司中年人偏多, 後生20%左右, 因為好少人走, 我算係其中一個後生
唔知係因為我後生定我好識應呢份工, 我同公司兩個算後生既同事都覺得啲project好易handle, 基本要認真做嘅話一個月(even三個同時做)搞掂晒
但間公司大阿姐好好笑, 成日覺得我哋好忙會嚟問我會唔會太多嘢做, 要唔要減輕啲
因為多數中年同事都做好耐, 佢地真係可以成日做到趕deadline
所以呢份工得一個難題就係每日要扮忙
唔算多OT, 有既多數都係扮出黎(陪d低能力中年同事O
)事實係每四個月就有兩三個月時間好得閒
公司同事好Nice, 似係一個大家庭, 唔興炒人
因為係龍頭唔休無單, 無生意做
計埋bonus 多月糧 大概39~42K一個月
升職前景係有嘅, 但係因為流動實在太少, 應該要做多五六年先有得升
不過就算升到M級都係55~60K摸頂, 仲會一定忙左
B公司(新Offer)
係我現有公司嘅客, 個大阿姐幾鐘意我, 每年比好多生意我哋做
有一之閒談之間我同佢透露份工太hea 好似有d浪費光陰
個呀姐就提議不如我過去跟佢, 佢請極都請唔到一個岩心水既人
B公司底細:
國際知名品, 跨國企業, 香港算係重要branch, 每年擴張
講明工作環境係chur, peak season OT 2~3小時係基本
佢間公司出名要求高, 唔同team之間競爭大
一定學到野, 而且一旦入去做出路極闊, 大把公司可以轉出去
前景一定好過A
另外會多出差, 歐美為主
人工offer 36K, 但公司福利同假期都屌打A
大家覺得點, 應唔應該減人工跳去chur既環境
聽落好不智咁
但B公司真係可能係我成世仔唯一一次機會入跨國公司到做, 講前景應該係贏哂
但又講番轉頭, 無人guaranteed到未來, 入大公司做到好梅既都唔少人, 可能做到封頂都係40~50K左右亦唔出奇
留番係A到R腳趾等出糧啦, 人工又唔係太差
趁後生, 跳入去鬥獸場到搏一搏
