我係絲都想問問,同個男仔已經識左兩個月,男一開頭比較得閒就經常同我whatsapp,一個月內已經幾曖昧吓,會叫我傻瓜傻豬豬仔果啲,又有傾過對另一半要求,之前我煮左牛肉影相俾佢睇,佢講另一半要求時就講要識煮牛肉。
到第二個月,佢話開始好忙,一日得返幾個msgs,有時得一個,睇到佢last seen都係覆完我果啲時間就無再online, 可能隔左一至十個鐘不等先再online同覆我。之後佢約左我出街,期間氣氛好好,佢有用手掂我手,又經常望住我笑,我都有主動同佢身體接觸,掂膊頭鏈佢手臂行路肩碰肩。原本約左再出黎食飯,不過打風就無左。之後佢去左旅行,我同佢講玩得開心啲唔洗掛住我,佢覆我掛住你。旅行期間whatsapp變多返又會share相俾我。但佢去完旅行返黎whatsapp又變好少。開頭我都堅持早晚同佢早晨早抖,但好多時好似我講早抖,佢果晚直頭無online無睇到,第二日先覆我早抖前一句嘅野,我愈黎愈無癮而家都無講早晨早抖,交友app原本inactive左嘅ac灰心下又開返,但一路都唔敢同人connect傾計,到有日灰到終於connect左個男仔佢後黎約我食飯我拒絕左,因為我驚會變心。
既然你都對佢有意思既
不如你都開聲同佢講下咩事啦
你自己咁樣屈住其實都冇好處
不妨直接少少
做人唔好太被動
直接講我鐘意佢?
咁又唔駛咁直接(除非你本身係)
你可以問佢:做咩成日唔覆我喎
又或者隱約啲:有人成日都唔覆我 唔開心😤
試下佢有咩反應
如果ok既
再同佢傾下你晦期望
其實我有問過佢,佢話sorry真係好忙
同埋佢話佢忙就唔會睇電話,有時會熄埋mobile data。
我唔知佢點諗,佢話過我好有耐性,咁耐都keep住同佢傾計,但我嘅耐性總有一日會完全耗盡⋯
咁只可以講
佢未必會啱你
因為你睇下你
依家已經咁難受
![](https://cdn.lihkg.com/assets/faces/normal/frown.gif)
我頭先同佢講,上次佢請我睇戲,我請返佢睇,得閒話我知,佢如果唔覆我,我諗我要離場了
![](https://cdn.lihkg.com/assets/faces/normal/cry.gif)
點解佢一開始要招惹我
![](https://cdn.lihkg.com/assets/faces/normal/sosad.gif)