傻閪大J 又駁嘴，唔認自己賭錢

佢贏左幾千萬你睇唔到，淨係講黎講去個依手。。。

你自己已經答左了
即係佢有技術有計算都無可能改變到爛牌必輸既事實
同佢輸多與少無關係
我講既就係你手牌係靚既
0操作0技術都會贏
過程係可能你點樣去引人落注贏更多既錢
但你手牌係爛係唔夠人打既
你技術再多計算再多都係輸

再講，我比你有上帝視覺睇晒其他玩家咩牌
你果手唔夠人打你會唔會同人去到盡？
你可唔可以用你既技術同人玩到尾
根本大家都係鳩up 靠嚇詐人地
你覺得詐人同時人地都可以係引你落搭
講到尾就係睇緊你既運氣
中間唔洗你講咁多既技術

事實上都係算賭博來.
只係用獎金形式發放睇落無咁賭博

賭波點會唔係賭博呀
你分析係你賭得叻姐
賭得叻都係賭博
賭博係件事本身
唔通我係咁輸就係賭博
係咁贏就唔係賭博咩

報名費

明哂，你同我某啲fd好似，完全唔掂股票唔掂賭，唔玩poker
睇住我AA preflop同人preflop all in然後跑輸，問我點解唔fold，我話AA preflop打咩牌都有好高勝率，同樣既動作做十次我會贏九次，只係咁啱今次輸
我個fd：咁即係有機會輸，會輸既遊戲我就唔會玩
我：但係你十次會贏九次喎
我個fd：咁如果你好黑一路中10%，你都可以輸9次架

bankroll同hand size個啲唔提，根本上你地好似，就係從心對有機會輸依樣野覺得個遊戲係睇運
但識玩既人只會將每一手牌量化成ev同數字同機率，大家睇野角度唔同，只能講你係唔適合依個遊戲

聽君一席話如聽一席話

我就係用賭波做比喻
Poker 100%是賭博

poker都唔叫賭
咁玩show hand都一樣唔係賭啦

吓，啲係賭場輸到底褲都無埋嘅你估真係唔用腦玩咩？佢地一樣有研究有計算blah blah blah，只係點研究都贏唔到賭場啫

82法則啫，真係有研究嘅會識止蝕離場。輸到底褲都冇通常都係最尾上晒腦冇跟策略。

其實任何賭博都用得嘅萬能 key嚟

總之輸就話（賴）你學藝未精

交多 d 學費就贏返返嚟


就可以俾自己理由繼續賭落去

無視現實上係有控制唔到嘅隨機性


同股票一樣 事後解釋就最無敵

升就叫乜乜勢 乜乜圖

跌就改另一個名

升又可以用業績解釋

同一個情況跌又有另一套理論

咁其實你咪即係賭緊
你AA preflop覺得好高勝率就allin
但最尾人地仲贏到你
咁你覺得點解自己呢場9成機會贏既都可以輸？
係你技不如人定人地運氣好過你
用你呢場做例子你有用咩技術 定單純手兩隻係靚牌就諗住贏？
俾你回帶返呢場 賽後檢討你覺得自己有咩操作可以逆轉到呢場結局？
有的話你就係技術 無既你就係賭博
你只係allin 賭緊自己認為既90%勝率實食無痴牙
但你最後都係輸俾運氣 你分析完呢90%勝率都敵唔過人地
重申返重點係賭博與否
簡單講 玩poker 贏就去 輸就縮(靚牌去，爛牌fold)
你中間可能用口中技術去輸少d贏多d
但你係無辦法用技術改變自己既手牌就係賭緊運氣
我都講過我明白poker 唔係睇短期
輸多過贏唔代表蝕錢
只想帶出每場贏輸你控制唔到 因為單純賭運氣
你可控制既只有自己既成本
股票同樣，你控制唔到佢升跌
牛市股神就好似你AA Preflop咁
局勢已經係好 鳩買都賺

咁其實你咪即係賭緊
你AA preflop覺得好高勝率就allin
但最尾人地仲贏到你
咁你覺得點解自己呢場9成機會贏既都可以輸？
係你技不如人定人地運氣好過你
用你呢場做例子你有用咩技術 定單純手兩隻係靚牌就諗住贏？

師兄你數學應該好差
唔係好難講得出依段comment
亦都證明左你唔適合依個遊戲，一定係送錢
識玩既冇人會care低機率事件
跑贏一次係double up
我跑10次贏9次，100次贏90次
即係用10000蚊贏9000蚊
我玩1000000就贏900000

我重點只係在於你地口中所謂既技術操作
回顧你果場AA preflop
而家你有上帝視覺你點樣用技術去反勝
你逆轉到我咪信你有技術
再者你唔會場場都AA起手

其實點解仲有得拗 ?

佢講嘅係 Poker 嘅技術成分只可以用嚟 offset / amplify 運氣/ 機率嘅影響

而技術愈高效果愈大

但係最終運氣/ 機率始終好影響每局嘅勝負

如果兩個對手嘅技術水平唔差好遠嘅運氣/ 機率嘅影響就會好明顯

證明 Poker 技術/ 運氣比重比其他競技低


打 Poker 唔一定要賭博

不過 Poker 用於賭博活動係好常見

本身亦 design for 賭博

只係技術影響比其他賭博活動可能較高

有技術唔等於要贏哂每一手牌
比起正常人贏得多少少已經係winning player
我用10000蚊玩5/10有十次buyin，玩1/2有50次buyin，輸一次唔代表任何野
如果你覺得輸一次咁重要既話係因為你冇bankroll既概念
我唔會用10000蚊去玩50/100輸一次就冇哂咁傻仔
知道自己長期係贏錢，當然係打一個長期可以keep住玩既注碼

當你機率提高至50%以上個下已經唔係運氣
你會唔會話賭場賺錢係運氣?佢地隻隻game都有4x%機率會輸俾你
點解會有職業21點牌手?人地係點嬴錢?你覺得係靠運氣?
麻將你又覺得係靠運氣?點解有啲人可以長嬴?係佢真係咁好彩下下天牌，定係佢有研究過點出牌會提高食糊既機率?

你地只係用自己既有既概念發言，但數學上ev期望值你地完全冇概念
賭場點解嬴錢係因為佢地所有遊戲都有house edge(莊家優勢)，佢只要勝率唔係50%或以下，given你黎玩既人數夠多，數學上佢永遠催向水上
只要期望值係正佢地永遠都會嬴你錢(長期)，你短期入去撞彩嬴幾手佢根本唔care，因為佢有幾百億同你對賭

賭場優勢得幾%都賺到咁，你poker與人對賭，優勢比起賭場遊戲更容易拉大

有技術都唔等於要贏晒？
你AA Preflop喎，加埋你既技術分析操作又點解輸
你講唔到自己有咩技術
咁不如講下果場你對家點贏？
可能你學埋人地果場贏既原因
下次你AA 起手就會100%勝率

所以你果d 唔係技術 係運氣
你每次出手果下都係因為運氣好手牌靚
牛市果陣都好多股神架
順風贏係正常
逆風都贏到先係技術

師兄你數學真係好差下
有技術點解要等於嬴哂?
賭場得5x%勝率點解賺咁多錢你有冇諗過?
不如你答下我賭場有4x%機率會輸俾你，賭場係咪靠同你賭運嬴錢?
再生活化啲講，每個香港人都一定買過六合彩，馬會係咪同你地對賭你地唔會咁好彩抽中中獎number?
照你邏輯要嬴哂，如果你地下下好撚好彩抽中頭獎佢咪好快破產

機率提高至 50% 你係講緊平均勝率

但係每一局入面你嘅技術唔會令你必然 100% 勝出

當中不可控制嘅因素咪就係運氣


我上面咪講咗技術對（平均）勝率嘅影響係視乎技術水平差距

技術水平愈接近 平均勝率咪愈近 50%

運氣嘅影響咪較明顯


除非你完全否認 Poker 係有任何運氣成分

否則其實大家嘅爭論只不過係程度之分

運氣係luck
機率係probability
期望值係Expected value

冇人否認過Poker有運氣成份
但運氣luck只係屬於短期，係一個人做出黎抽象主觀既概念(運氣好運氣差)
數學統計學每一個%代表緊一樣野
51%勝率代表既唔係你賭運多左少少機會，需要既運冇咁多
係代表玩100次你會嬴51次，玩10000次你會嬴5100次
中學有冇學過Limit，當你將玩既次數不斷提高，你嬴既次數都會提高，最終只要你係>50%勝率，去到玩無限次你就會嬴無限次
依個世界所有博奕遊戲，包括賭場都係用緊依個數學概念去嬴錢
大前提就係要將勝率同玩既次數提高，依兩個factor都係計落最終你既營利
依個係鐵定既事實同數學唔係運氣

咁其實咪無野好爭論囉

大家講緊野都差唔多

你着眼點只係長遠 poker 嘅技術成分會 offset 機率嘅影響 (用返精準 d 嘅用字)

所以 poker 呢個遊戲同一般賭場遊戲唔同


你認同 poker 有機率成分 特別係個別 game 咁分開睇

只係長遠勝率入面技術有決定性影響

特別係技術高嘅人愈明顯

賭場控制勝率其實仲有一個重要因素就係賠率

玩家可控控制嘅操作愈少嘅遊戲 勝率愈接近 %50

賭場長勝嘅方法就係控制賠率去獲得微少嘅優勢再好似你咁講增加玩嘅次數最終本大終勝


象棋 Poker 同飛行棋

3 個遊戲玩家可操控嘅因素唔同

技術/ 機率嘅影響咪唔同

但除咗象棋 Poker 同飛行棋都有機率

嚴格嚟講飛行棋如果玩得叻玩無限次都會有極度微少嘅勝率優勢添

你明姐，你上面條友啲論點係完全打橫黎，擺明唔識