收垃圾袋稅 強制分類 禁用即棄膠餐具
基本上大部份已發展國家都做緊
人地D木刀差都係會斷 飲管都係會軟 膠袋都係會穿
人地行左咁多年 其實有問題都自然有解決方法
好似飲管唔用紙 就用意粉管 當然貴D
商家想人地平D買 定係想人地飲到好D嘅飲品，呢個係商家決定
膠袋會穿 所以就有D唔同厚度嘅膠袋 裝廚餘咪用厚袋
其他乾淨D嘅垃圾 好似D膠/紙果類/罐 果D垃圾袋咪用薄袋. 穿左都冇所謂
以上呢D政策係西方基本上係最基本
其實絕大部份市民都認同係應該做嘅環保政策
我同意依家政府果D膠袋係垃圾 餐廳比果D餐具都係垃圾冇撚用
咁大家係咪唔滿意質量問題? 又似乎唔係
香港政府同市民關係差 會唔會係大家只係不滿政府所以屌?
又似乎唔係
因為連登一堆post, 買淘一堆膠袋返黎掉，
開住冷氣開窗好爽, 環保做唔做都唔關香港人事
呢D post往往支持正評嘅人佔多數
如果搞個大翻譯活動比外國人知道香港人環保觀係咁
應該人地眼中我地就係同大陸人同一個級數
希望呢D只係大家不滿政府政策，為左發泄先咁講
有人話外國都有人反環保，
不過事實人地只係反對極端 好似環保少女，stop oil吉人車胎 沐人地油畫果D，
但基本環保政策，其實冇咩人會反對，佢地眼中環保直情係好似常識咁
2019講美國佬搞事，係CIA陰謀，大家就識得笑係大陸人D打飛機言論
但一講環保係商家佬陰謀，係政府背後搞事，就個個認同
然後只選擇性share 某d科學研究, 講到成個歐盟 西方市民係冇腦咁
西方教育細到大已經教環保重要性
人地睇新聞,環保氣候係一個大分類, 大把人做相關研究
英國除左保守黨同工黨，第三大黨已經係green party
唔係話所有資訊係100%岩
但人地細到大睇到同關心環保嘅資訊 遠遠比香港人多
社會嘅討論都遠遠比香港人多 好似聽電台, 三日唔埋就有日係講環保
做咩野對環境有好處 佢地咁多獨立科學家同學者點會唔知?
但連登就一班人忽然呢兩個星期就變左環保專家
突然知道一堆環保真相，真相就係環保做唔做到一樣
電車生產唔環保,電池回收難,降解膠袋產生微塑膠,
呢D你估人地唔知道? 你估人地冇討論過點做? 呢D都係外國研究黎
比連登仔轉述一次就變左係政府商家為賺錢推環保
上面D新聞就係主流媒體不報 被踢爆嘅陰謀
明明就係因為人地好多人關心環保，用好多資源做好多研究，
為嘅就係想做到真環保
點知就比連登用左黎做反環保材料
曾經聽過BBC有個訪問 有條友觀點講我都幾認同
大部份做緊環保嘅國家，英美澳加同好多西歐國家
其實算係受氣候變化影響最少嘅國家
全球暖化反而有利高緯度國家農業，多左海航線，少左能源消耗
而中國,印度,非洲呢D唔搞環保嘅，最受乾旱熱浪影響
但依家西方D文明國家就投放好多資源同心機搞環保
好似英國咁,可再生能源已經佔左多過1/3能源, 燃煤只佔0.5%
搞到自己付擔咁大，而果班最受影響，又最多污染嘅人就一D都唔care
一邊係到笑外國電費貴 生活困苦
一邊用住燒煤發電嘅平電係到話
我冬天都開住冷氣再用羽絨被訓好爽 一個月都係幾百蚊電費
環保得香港做冇用
大家點睇
我就預左比人屌
準備左
