(2023-24 暑假) 金州勇士球迷討論區(277)Golden State Warriors

佢要win now管理層點都要做啲嘢執返靚個陣, 至少要俾隊波入季後賽嘅機會, 不過好似大腸咁all in就冇乜可能

覺得SGA係俾隊帶多過帶隊
我自己宜家一定rate AE高過SGA

呢幾年班新人全部都大器早成

咁正常新人係要比時間佢成長，比空間佢哋去犯錯佢哋先會進步既

有幾多個新人可以好似鄧肯咁一入聯盟就已經技術技巧都十分老練仲要係all star級丫

有大腸呢個反面教材，應該唔會咁傻亂all-in

睇完其他隊唔係應該更有希望咩
AE一開頭都係成日自殺式鏟底
而家打到變巨星
古仔身體條件好過AE

你第一段果句應該譯番英文send畀15大

咁管理層都要計數，就算all in完佢哋有冇可能贏到OKC, 木狼，金塊

應該話all-in都無人睬佢啦，現在最缺係鋒線，同穩定既第2得分點，呢d通常要蝕住換加一兩個首輪先換到

但AE個技巧同能力勁好多，淨係識得踩入去入樽冇乜用，仲要罰球又唔係準

其實有潛質既真係3-4年就已經浮左出黎

算啦，新仔第一年打算係咁

Kerr 係啱啱先續完

AE 有 pull up jump shot 球味出哂黎
等同防curry剷籃倒轉版本

技巧係差好多
但古仔都唔係冇潛質
今年罰球都進步左好
AE啲技術都係今年先大幅提升

AE今年入楔無以前咁亂黎，多左急停跳射同埋會分番個波出黎

古下季仲有大把進步空間，佢只要多d時間落場同埋畀機會就得

差距最大嘅係控球同pull-up, 古呢兩樣仲有排練
仲有AE全場撕咬式防守, 進攻手感唔好仍然存在感十足, 古有過幾段highlight但係好多時防守都係唔夠專注

如果只係見到今年既爆發就覺得人哋AE好勁，自己隊既年青球員好廢既要諗一諗先，AE入聯盟頭幾年都係腦沖，成日自殺衝入籃底人堆失誤，然後又係成日比人屌獨食比人包夾都要死去唔傳波唔識閱讀防守，佢都係係錯誤中學習成長，儲夠經驗加埋佢自己既虛心學習先成長到今日既高度

勇士對上果幾年係唔會有咁大既空間去比新人犯錯學習成長
所以就算當初係揀AE唔係揀懷AE都唔會有今日既高度

其實唔係單單差控球同pull up，仲有就係閱讀防守既能力，係比人包夾時知道邊度會有空檔然後傳比有空檔既隊友

古唔係無呢個能力，但佢係面對包夾處理球既能力明顯係未有AE果個水平

我覺得教練團對佢既成長都好有幫助

如果AE遇過包夾既次數係2000次既話 古仔可能200次都冇
諗下已經知個經驗差距有幾大

唔好誤會，我唔係話古仔冇潛質，但要去到AE嘅級數可能好多球星都未必做得到

有啲野唔係話練就練得到

AE 好多時俾人包夾都交到個波出嚟，連評述都讚佢勁

古仔坦白講連俾人包夾既機會都冇乜，因為人地都無需要咁做

佢如果係有巨星嘅心態下年至少防守要交到貨, 防守睇態度多過技巧經驗, 要進步易過進攻好多, 而且佢有齊大鎖所需嘅條件, 第四年防守如果仲係半桶水會對佢好失望

所以我上面有講，下一季想古進步既唔係要佢提升控球能力同pull up，係要比佢做持球手，比佢試吓做檔拆既持球手，去練面對包夾時對球既處理同閱讀防守