估唔到個youtuber 卡爾幫一品刀削麵講說話

店方冇行使最低消費嘅要求
點講都唔會變左學生問題
Carl 好著重學生嘅問題係「俾一星間舖」
覺得剩係服務同態度問題唔應該俾一星....

我真心覺得同呢條友唔會有相同價值觀
簡單講, sync唔倒
已經click左「不推薦此頻道」

我就當嗰度真係有個咁嘅「潛規則」
咁間舖唔鍾意佢哋違反潛規則
點解又唔用返潛規則嘅方法去阻止/懲罰佢哋
你俾啲暗示或者專登為難下佢哋都得嘅姐
佢係要揀啲唔屬於「潛規則」嘅嘢嚟搞人
咁即係自己申請
申請人地用返正規途徑嚟處理啦
咁仲有咩資格話人唔守潛規則

潛規則論又係笑左
韓國娛樂圈都有好多潛規則，用佢標準，係唔係只要用潛規則解釋，所有人都要默默承受
至於佢講既一人一碗規則，到底係邊條村既例？如果明知點2份食唔哂，都要照點？咁係唔係一係就揀浪費一係就唔好入舖頭食？
佢又唔提今時今日既經濟環境，潛規則應該係店家服務要提升番？

佢對學生好似有種原生既仇視，似職業病多
咁樣繼續做老師得唔得㗎
床狗臭口就唔做得社工，仇視學生又做得補習老師

今條片佢真係邏輯值歸零，咁情況都只可以最低比2星唔係1星，又話自己中閪店唔留comment，唔評分，但又識串學生識寫comment 但唔識search 間鋪評分先，學佢邏輯，間間鋪都2星以上起跳喎，評分機制仲有冇參考價值？

至於文苑食物質素係點，開飯網都有唔少人講過真正質素係點，佢無提但就想屈馬田有機會因為心情而影響左對食物評價，又係打稻草人，佢搬馬田出黎純想講到自己好公正，咁先最唔公正

真
之前見YouTube有推佢啲片睇過下
其實好多都係啲無乜營養價值懶好笑嘅抽水片嚟
真心唔識欣賞

咁又係 佢都話反對嘅人係少部分人嚟
好多人支持佢架，條片好多like

講真我覺得你樣衰都可以比一星架啦
仲要樣衰加惡又串 一星都比多

其實唔同人有唔同意見 有乜咁出奇
你意見同Carl不同就「不推薦此頻道」，情況同個女仔一唔啱就一星負評一模一樣
你可能覺得 嘩 啲啲大事大非冇情講 意見唔一樣就要絕交
但你諗下 你係唔係出世到今日冇判斷錯過任何嘢？有冇啲事可能幾年後先覺得自己點解當日咁諗？
如果有發生過嘅 咁吸收下人哋意見 了解下其他人點諗 其實係好事來

利申 唔係針對啲見事對與錯 只係general咁講

唔係意見唔同，而係價值觀唔同

意見同價值觀都唔識分？

咁你幼稚園時個價值觀係咪同而家一樣？

關咩事

我睇曬，佢係on9
條友不嬲講嘢冇咩point

Who?

問題係個學生根本就冇錯

客人講返自己遇到唔公平對待而比一星好合理
但間鋪post人個樣 律師都話左係侵犯私隱

咁我又問下你 如果你食完野去openrice/fb出左個負評 人地間鋪即刻post你個樣出黎貼堂 你又會咩態度？

而家2024年喇 仲想唱歌感化人呀？

呢啲垃圾為左吸View真係咩都做得出

絕交有乜問題 同個youtuber有親？

呢個世界係咁架啦，路不同不相為謀

懶係中立理性討論真係好撚on9
根本有d野擺到明係唔岩 又要懶見解獨到 係度拗
但又搵唔到乜野強力point 係度講咩態度衰應該2星 憑空創造一個標準出黎 之後話人做法有問題
google幾時話過評分標準係態度衰只可以比2星

我唔同意上面師兄講嘅嘢咁又關你乜事？
係味表達意見都要經你批准呀？？
你做乜撚嘢呀

叫YOUTUBE唔好推薦，其實咪即係想人死囉，你唔同意人哋個觀點，咪唔好睇囉，唔洗搞死人架嘛

叫youtube唔推薦係自己上youtube封面果陣唔會隨機彈呢條友拍既野出黎wor

個制係個師兄用來叫youtube唔好彈條片俾佢本人睇
又唔係report緊條片，搞咩死人姐
唔通將條片加入我的最愛會令佢多view d咩
你一係認睇錯，一係靜靜地收皮算啦