[FX/ Disney+] 幕府將軍討論區 2

下集係唔係大戰啦

今集完整好多，補得返上集D洞洞。

文太郎你根本就唔明；
神父抽水，乜你失寵呀?
我找左數呀，不過你鄰居係娼妓；
呃晒所有人，連自己親信都要諫；

節目需要加左D武士既浪漫，似平手政秀諫信長咁都OK。

不過今集佐伯唔見左，究竟係幫邊面，只係遠遠咁監視?

同埋中風果個? 係咪寧寧?
D對白1999，真係佢既話，咁佢死左就可以同石堂亂黎。

越戰美軍都係17-19多，打仗成日都係水後生嘅去打

今集真係好癲

集集都好撚癲

係引開藪重喳，咁按針咪拎番海軍權

按針有咁既地位控制班海軍咩

茶室果幕真係好正，兩公婆攤牌都要攤得咁相敬如賓。
兩個啲演技都好勁，文太郎嘅期望同鞠子夫人對丈夫嘅死心

文太郎個角色真係做得幾好

的確，如果諗返當時嘅日本社會，一個武士比個老婆咁樣黑面同你講你比唔到我想要嘅人生 ，而文太郎其實又真係愛鞠子夫人，只係面子問題，愛在心裡口難開，上一集話唔會指控老婆同親手斬鞠子夫人嘅頭，而今集佢都有主動向鞠子夫人示好。提議寧願用返武士精神大家一齊以夫妻名義共赴黃泉，喺泉下做返對相愛嘅夫婦，但反而比西化咗嘅鞠子夫人屌返轉頭

好撚好笑鋪咗幾集就係想撚鳩佢

佢應該都會幫德川做海軍將領的

關原之戰，按針鞠子感情戲，時間咁少，唔知會點拍 係咪東軍西軍啲參戰嘅大名都唔出現

修道院唔係不嬲都係起係弱勢隔離

睇個款都唔荒有大戰埸面

文太郎真係悲劇人物黎, 老婆又唔要佢, 老豆又俾人玩死埋

咁多集都無大場面，結尾應該都無㗎啦。
不過單純睇佢嘅運鏡打光調色同美術設計都好夠皮，始終套戲好似都係用文戲，對白去製造壓迫嘅緊張感。
只係諗得返兩集，唔知會點收尾，好怕爛尾

仲有德川走佬果時都唔要佢，老細老婆老豆都搵晒佢笨.....

你cap呢個鏡頭真係好應景

仲要之前一個人斷後，死唔去先返黎見到老婆

話晒都係高級武士，可以直接出席德川嘅武士會議，但死過翻生之後，見到自己老婆比老細叫去服侍個外國人，又好似比老細投閒置散

玩緊浪人崛起 加上 睇呢套 劇， 發覺呢套劇係戰國時代末期德川幕府初期，同浪人嘅幕末 差太遠 ，一頭一尾
但又成日見到外國人怪怪的

段估佢應該有善終，宜家佢已經少咗一開始嘅戾氣同傲慢，比老婆拒絕殉主果時都冇發冤禮。

Tbb咩

文太郎IG入面有張藤夫人既相...