呀爸話到時死左間屋留比細佬

我都係細仔，結咗婚有兩個小朋友

我相信樓主應該自己都有經濟能力，亦都錫細路，願意為細佬付出，相信同父母關係都唔錯，唔舒服嘅地方我相信係因為自己最親嘅父母偏心，而今次嘅偏心，細佬雖然可能未出身未咁有能力，但係今次太容易量化，好明顯

我覺得你可以同家姐傾吓，然後一齊，又或者借家姐把口同父母講出你哋嘅感受：譬如話知道細佬需要多啲幫助，知道財產係屬於佢哋自己可以決定，但係都有啲唔開心。可以建議下譬如細佬有層樓，咁佢家用就要俾多啲，要等細佬都知道呢個世界嘅嘢唔係不勞而獲，佢自己都要努力。亦都要細佬知道，佢有住屋需要可以幫佢少少，但係都要對兩個家姐公平，所以佢要俾多啲家用，又或者要交租。

如果咁樣講完，你父母都唔做任何嘢，明顯偏心細路，咁都冇計，始終啲錢係佢哋。但係佢哋都要明白，要平衡兄弟姊妹嘅感受，大家嘅關係先會長久，第時細佬有咩需要，家姐先會落力幫手

有好多連登仔話你貪錢，又唔照顧細佬，我相信你自己會知道係咪真係咁諗，如果唔係，唔需要太受其他人影響

Too long, but just thoughts for reference

依家香港全部男人有丁權咩
但係所有女人都享受到社會優勢

最理想就間屋平均分
家用又比一樣關多
關心父母又一樣咁多
帶父母睇醫生又一樣咁多
陪父母去旅去又一樣咁多
個個都一樣咁孝順
現實世界邊會有兄弟姐妹個個一樣咁孝順
唔通不孝子移咗民無理過老豆老母又要分？

你話從未計，咁人地咪唔同你計

幾好，從此之後可以唔洗理佢地

親生就一定要將資產轉讓俾子女？
唔覺上面講得有咩問題 俾細路到時咪細路養囉

你真係好錫佢
開個po俾成班人屈佢係廢柴
依家個心實舒服曬

咪問你囉
女人嘅社會優勢有冇幾百萬？

睇你點定義公平啦 當你有依嫁有100蚊 細路得0蚊 你老豆俾哂100蚊你細路 變大家都有100蚊 都可以叫公平 每人平均分 一人50蚊又叫公平

你細路細你8歲 你屋企人年紀都可能大 佢地留俾仲讀緊書 無能力個個都合理既 可能唔關係咪男仔事 只係佢最細 唔放心姐

不過你都係唔憤氣 唔洗努力就有樓姐

好似點解長者可以2蚊坐車 窮人有公屋住 你都可以話唔公平 但依個世界好多時都偏向弱勢受惠嫁啦

我屋企冇分仔女，老竇講明仔女平萬，所以我哋都唔會問，大家都心知如果老竇死先，就俾阿媽，將來俾咗阿媽，我哋都唔會問，父母雙親走咗之後，我哋就會賣咗佢平分
但爸爸阿媽一日未走我哋都唔會問

痴鳩線，層樓你老豆嘅，點分都冇權去嘈，更何況你哋出曬身有置業，個細仔就乜都冇，正常都俾佢啦
btw，咁如果將來你細佬乜都唔識揾唔到錢冇樓住要乞食，你係咪由得佢死？係嘅話咪同你老豆講分咗層樓佢囉，反正你都冇性嘅，已經唔撚係男女平等問題

養左咁多年供書教學，可以為分身家唔理父母，連登d留言真係

其實幾時有話係偏心仔
係咁啱未上岸嗰個係仔

中哂

呢度班人話細仔未成家立業所以俾樓佢好應該
咁樓主有冇照顧老豆都唔影響啦
因為點都係俾層樓細佬架啦

你鍾意咁計的話
咪就係你老公有幾多，你有權就可以分佢一半
所以你老公就只係佔到佢得到嘅一半
而你仲可以加上由細到大個份女人有男人冇嘅優勢，點計都大過你老公個份

細佬廢到要乞食，家姐要照顧佢先叫有性

你阿爸根本就係偏心
直接同佢講你個心唔舒服啦
想你細佬有屋住根本就唔需要成間屋俾晒你細佬
寫遺囑可以寫明業權分三份
所有人都有權喺嗰度住
但係如果要賣嘅話就需要三個人一齊同意
咁嘅話佢個仔一樣有屋住㗎喎

我辛苦過 點解我細佬唔洗辛苦

我要我細佬同我一樣咁辛苦

你有中上樣咪有囉如果唔好彩生到豬扒樣既話，做女人都係hard mode

夠膽講, 你分咗你細佬層樓, 佢呢世都唔駛指意結婚有家庭
除非你細佬係勁人, 靠自已揾到好多錢, 咁層樓係邊個都無所謂
咁現實係點?!人人都知

我又係有2個家姐 屋企都係俾曬我 我啲家姐反而係一早預咗係俾我

直接同你老竇講，偏心令你唔舒服，應該公平分配。呢啲唔係叫做爭，分多1蚊俾你都唔會要，係叫公平