冷氣討論 (11)

岩岩追po睇返咩叫420
但佢地既室外機闊780左右 應該我唔岩用架？我窗口個窿闊590
想睇下有無建議呢個窿可以裝到邊部

係睇個石屎台有幾闊，唔係個窗幾闊，個窗夠位出部機就得，唔夠闊咪打斜出咗先搬反正。
以樂聲做例子，佢對腳距419mm，你個窗都590闊理論上個石屎台唔會窄過個窗，咁就夠放部機。


菱重部外機就肥啲，腳距就510mm。

我果度係咁 我唔知出面係咩樣 我諗呢個樣係咪預都係得呢個窿 無石屎台？
個師傅就俾左呢個size我 叫我fit到呢個大細
然後見都係得三個品牌揀
而大家又好似樂聲都麻麻評價

20年樓 都係會果時未有裝分體架？

就算無石屎台你部窗口機係用鋁架裝，咁換分體⼀樣可以做過個鋁架裝返出去。
當然裝窗分就簡單啲，但你呢個位起碼出到420部外機先，要裝420都無話唔得。

窗分好似無乜選擇, 有無D 3/4 既窗分,
本身係窗口機位黎, 但因為個櫃遮左個窗口位, 唔想漏空佢, 所以改用窗分

今年樂聲同珍寶都cut晒啲3/4匹分體
你要外機盡細⼀係樂聲樂信⼀係珍寶嘅一匹窗分
https://www.general-aircon.com/zh-hk/aircon/Split_Type#430

正常房用係咪3/4 夠? 窗口機,
廳窗口機用2匹夠?

唔講座向有無西斜，單論空間而言兩間細房應該都夠，但變頻就最好直上⼀匹，大房要匹半啦，廳如果開廚就⼀定係兩匹半。

我呢面個師傅話可以做到 但因為440高 可能要將成隻窗框拆走 之後再補返 但咁樣做就大啲機會漏水 因為只係補一面膠水 外面果層無搭棚 所以補唔到膠水 如果咁樣會唔會都係揀返窗分好啲 定其實問題不大？

如果420 ok MSZ-GS09VF呢部係咪都係一個好選擇定仲有更好推介？

唔該哂ching咁詳細解釋

向北, 廚房係可以關實既

如果要求唔高只係想轉分體就窗分算啦，好過搞咁多嘢一陣手尾長。
冷氣佬同你拆完再還原個窗你真係唔好預佢手工好，唔跌落嚟已經好好

其實間屋實尺幾大個廳幾大？
按比例睇個廳唔要求好凍應該兩匹都夠做。

716尺
不過走廊我無裝門

今日見到開利窗分廣告
好奇究竟係邊間既oem?

窗分1.5ps 買三菱MSY-GS12VF定 panasonic CS-LZ12ZKA 好

咁你穩陣兩匹半好過，兩匹驚你裝完後悔尤其係變頻。
如果打算平平地買定頻R410A貨尾機就可以考慮兩匹。

要靜就三菱要功能就樂聲。
同埋呢兩部係420唔係窗分，窗分個外機係同窗機差唔多一樣。

sorry, 係420 先啱 如果我接受到panasonic 變頻窗口機個聲音，係咪肯定冇問題

同埋窗口機買hu90aa 好定hz90za
一個新款，但另一個冷暖

機電署見會有hz90aa

係呀，但hu90aa 新出啲，好似個摩打勁啲不過就冇冷暖，有新買新嘛

我講係新嘅HZ90AA，唔係而家嘅HZ90ZA

係咩，sorry, 係佢個網未見

pan官網未有，但機電署個能源標纖網見有，唔知幾時出

屌，就裝修希望佢快啲出