回到家把碗筷清洗了,再洗了個冷水澡後,正當我還在憂心仲仲Nana會否把剛才的事情記掛在心上的一刻,Nana致電了給我......
「喂,傻佬!我返到啦。」
「咁就好啦,我沖完涼啦。」
「係呀?我岩岩飲完湯,依家準備去沖涼。」
「正話.....對唔住呀。」
「嗯?講咩對唔住呀,傻瓜!咁你係男仔我明嘅,我應該慶幸你對我會有咁嘅感覺,不過我係怕咗呢一樣野......要啲時間適應返,係我要同你講對唔住。」
「點解嘅?」
雖然好奇心人皆有之,但這一刻的好奇心絕不該有。
Nana的鼻酸的聲音從話筒另一端傳來,
「佢以前......好粗魯,次次都好痛。」
「Sorry呀!」
「過咗去啦,依家有你嘛。」
正當我們開始蘊釀著濃情蜜意之際.......
「阿囡,又同嗰條友傾電話。」
Nana的語調變成慌張,而她的母親接著說道,
「俾部電話我?你做咩對眼紅曬?你喊過呀?」
「阿媽我無呀。」
「無?無會眼紅嘅!係咪條友整喊你。」
Nana開始有點惱怒地說,
「我都話無呀!就算係整喊我,都係諗返起嗰條友對我做過嘅野咋。」
「我就唔信啦,你前男友對你咁好,佢會傷害你咩?就算佢有,你無傷害過佢嘅,你全部做岩曬?」
「我唔想同你講落去!你出返去呀。」
「俾部電話我。」
「你當我仲細?俾咩電話你呀,同我出返去呀。」
然後傳來關門的聲響,可是她的母親在門外罵道。
「條友咁得閒唔洗返工咩?無錢就返多份兼職啦,咁多時間煩住我個囡,真係抵你一世窮。」
Nana連番對我說抱歉,
「Sorry呀!唔好理我阿媽講咩,佢發錢寒發到傻咗。」
「嗯,我......明白,始終係佢一手一腳凑大你......」
有時候,面對一個憎恨的人對自己三番四次言語上侮辱,還要強忍著淚水替她說上好說話假裝好人,其實都是一件頗為痛苦的事情。
「始終佢以前俾我老豆呃咗,跟住仲要因為窮而遭人白眼,所以佢好睇錢呢樣野。」
「我知道喎,你沖涼先啦!我知道你今日都好攰嫁啦。」
「咁我去沖涼啦,沖完打俾你。」
電話掛掉的一刻,我......再次哭了起來。
對比起和Selina戀愛的時候,除了Nana待我比Selina好以外,根本沒有多大的分別。
那一刻,魔鬼彷彿對我慰問,想像一下,你的女朋友極有可能已經被有錢人三穴開發,但你連碰也不能碰,還要被她的母親輕看連番咒罵,你不忍傷害你的情人,但你的情人不停縱容她的母親屢屢把你傷害;
你選擇當好人,你選擇沉默,別人會因為你的善良和沉默而放過你嗎?沒有!因為你沒有力量,沒有錢,沒有本事,沒有......
閉嘴吧!
魔鬼對我說,別這樣吧!望望自己等待滿足慾望的內心,它在追求力量,它在渴望吐一口烏氣!順從它追求力量,隨心所慾吧,至少你很快樂。
對!展現過暴力的一刻和隨心所慾追求被愛的一刻,我很快樂,至少活得不再狼狽。
魔鬼對我說,來吧,要成功一定要走一步!耍點小心計亦沒有壞;
大概,我的意識控制著我的行動,拿著手機按進了面書,然後發自內心的微笑了起來。
魔鬼對我說,很好!你已經成為了我,我亦成為了你。
待續