李龍基「嫩妻」直認臨摹淘寶畫：我冇講過係原創！揭遇襲唔報警，酒店房借錢走數之謎

73歲李龍基跟年輕36年未婚妻王青霞（Chris）的「爺孫戀」滿城熱話，「嫩妻」身份成謎，晒出的學歷證明、學費單等均被質疑造假，連畫作都疑似係淘寶貨，女方又自爆搭小巴時離奇遇襲，新鮮熱辣就有被YouTuber Tsar Pang 踢爆於2018年3月在西雅圖向「交往」的中年男子A君借3萬美金周轉生意，並在酒店房拍片作證，之後欠債失聯，傳言滿天飛，護妻心切的基哥即拖未婚妻現身接受《頭條日報》訪問駁斥傳聞，坦言百份百信任Chris，並揭開女方被襲唔報警之謎！

基哥認為跟Chris相愛就夠，亦百份百相信「嫩妻」。


Chris係咁搵證據平反，在旁的基哥見到都覺得攰。


拎住20多萬名牌包包嘅Chris，為負面新聞而煩惱。


基哥從旁力撐「嫩妻」。

點呀⋯⋯
俾人打都唔報警

基哥聽到悶悶哋。


基哥總結強調，好醜只係兩「公婆」嘅事，多謝大家關心。


Chris皺晒眉頭，努力澄清負面報道。

大家都好錫基哥
基哥屌還屌 唔使下下埋單既

本周二(16日)，遇襲3星期，已冇晒傷痕的Chris受訪憶述遇襲經過，表示事發當日正值聖誕節的下午4時多，她乘坐17號小巴由新田往上水，於三角公園總站下車時，正準備踏向第二級樓梯，有人從後大力踢她腳踭，令她失重心向前衝，著地時跘倒路邊石壆，再趴落地上用來維修公園嘅磚瓦，期間隱約聽到一把男聲喝罵她：「賤人！嘔返基哥嗰7層樓出嚟！」Chris定神回頭望，乘客已四散。

基哥狂迷偷襲未婚妻

Chris見冇事就走，冇打算報警：「感冒發燒，食咗退燒藥暈陀陀，返到屋企先知周身瘀傷。」基哥接住解釋：「正常人思維都會質疑點解唔報警？一來佢好怕事，二來佢又病到懵咗。」講到全港滿佈天眼，會否去備案？ Chris「嗯」了一聲說：「我唔知邊個做，亦冇留意車牌，而且嗰度係天眼盲點。」基哥即合拍和應：「上水唔係咁發達地方，加上我哋屬兔，兩人都好善良。」他更自揭幾十年來經常被襲都冇報警：「試過被『大哥大』扑頭，原來點錯相，見係細路就息事寧人；20幾年前又喺尖沙咀被兩名南亞裔男子打面，雖然警方拉到人，但我被打甩眼鏡根本認唔到人，最後唯有銷案。」

基哥坦認唔希望捉到襲擊者，「因為佢好支持我係我擁躉，佢只係唔想李龍基受傷害。」Chris附和：「我冇嬲冇怪嗰個人，亦冇諗過追究，佢咁錫我老公，開心都嚟唔切， (唔怕基哥Fans有樣學樣？)唔係個個咁激進嘅。」

基哥強調只想藉住襲擊事件澄清Chris冇呃佢7層樓：「係我對前妻唔住，所以乜都畀晒佢，臨走前(離婚)仲買多個車位畀佢，佢𠵱家有8層樓及2個車位。」Chris補充：「基哥當日被傳媒追問『送咗樓未？』佢有答『畀咗』，其實係畀前妻，同我冇關，我唔需要。」


Chris多才多藝。


自小接受外國教育。


Chris亦係飛機師。

Chris讀過飛機工程。


Chris自揭家底雄厚。


閃耀鑽飾好搶眼。


Chris話本身係有錢女唔使貪基哥身家。

讚未婚妻係良家婦女

提到熱愛畫畫的Chris被網民質疑畫作係淘寶貨，幾幅動物及人像畫作跟淘寶出售的好相似。對此，她反而力斥一個不知名的淘寶商家，偷了她在8月8日發布嘅蓋鳴暉畫像，扮成買家去好評，又指這幅畫在繪畫過程完全就在TVB化妝間內完成的，所以化妝間內的認證特別多！

嬲過後Chris坦承確有臨摹人哋嘅畫：「我冇講過係原創，因為好多人會畫人哋原創畫，我覺得隻馬好靚，就去臨摹人哋嘅，正如梵高嘅畫都有好多仿效畫，但同一張素材，對比返，姿態和樣子都唔一樣，唔係同一幅畫。不過，我都識淘寶畫師，會請教佢哋。」

基哥護妻搶答：「咁淘寶有冇陳煒、羅家英、姜大衛兩公婆嘅相呀？」及後她再用文字補充：「我唔可能睇見真嘅動物，最初係購買高清圖片臨摹繪畫！」

被嘲「提款基」的基哥唔嬲反笑：「有撳極都有(錢)嘅能力，不知幾開心，真係希望成為提款機。」基哥多謝大家關心，亦有話要說：「好好醜醜都係兩公婆嘅事，明白到我愛佢；佢愛我就夠。」

對於傳Chris在國內任職「坐枱小姐」，基哥最嬲：「唔能夠掩蓋所有人把嘴，但唔好當我係lulu，多年嚟閱人無數，佢一定係良家婦女，識咗佢咁多年，冇可能睇唔到破綻！哈…」

另外，最新傳出Chris於酒店房借錢走數事件，Chris即出示完整的銀行轉帳還款紀錄，證明同年2018年7月3日已還晒錢，不明為何仍被追債？有指A君內地女友去年曾來港報警，Chris強調冇被警方調查過，還澄清：「當時係公司借錢唔係我個人借，借錢為咗出公司人工，所以喺下榻酒店拍借錢片。」她指A君是經朋友介紹，認識咗一段時間，兩人並無親蜜關係，自己從來冇喺交友及徵婚網交友。


Chris即提供還款證據。


Chris提供銀行轉帳文件有還款交易記錄。

啲大話開始比人踢爆。期待多啲花生。

73歲李龍基跟年輕36年未婚妻Chris好有情趣。


證書中computing science可加入mechanical engineering真係好離奇，她解釋選修了一個機械工程裡的計算機項目內容。


圖為官方證書，而Chris提供嘅範本(上圖)同官方唔同，冇畢業年份，又冇bachelor/master等學位字眼。她解釋還有法學院、醫學院等多個學院，範本會不一樣。因為拍攝不清晰，冇留意日期了。


學費單收據錯漏百出，她解釋不是學費單，只是其中一間飛行學校的報價單，最後獲得資格的根本唔同學校，事隔十多年，已搵唔返正式學費收據。


她強調呢張才係飛機專業資格畢業證書。


Chris擁有2019年「國家科學技術進步獎一等獎」證書。


但名單並冇王青霞，她稱公司的人最後退出團隊，卻都做了一個同款Mini感謝狀。

Chris只用兩年時間，29歲已完成博士(phD)，她表示期間主要埋頭苦幹寫論文。

除咗睇吓幾傷

可唔可以要求警方主動調查? 而家有公眾人物受襲喎
好憤怒

嗰個國家科技技術進步獎, 點為之公司嘅人退出咗之後又整張證書俾佢???
國務院印鑑係俾你咁樣攞嚟整張mini版嘅證書?

國家容許佢啩

乜撚嘢我哋都屬兔好善良呀基哥

笑撚到我咁都可以拉落去生肖度

同埋畀人打唔報警係善良？試吓有人搶佢個20萬名牌袋，睇吓佢報唔報警

呢單嘢我淨係睇到個老野畀個大陸妹迷到瘟瘟鄧鄧

俾人打都唔報警

基哥真係on9到
前妻都8層樓2車位
呢個食晒都似
第時見到基哥係深水埗周街問人借$20搭車

求撚其啦 唔到我哋操心 要操心係佢啲後人同個後母乸爭

支持條女繼續澄清
MORE花生

互相配合作故仔