同居男友唔肯俾生活費

個屋企你無份？ 點解你要佢負責哂？ 你自己唔識得分擔下？

迫到個男斬鳩死佢 到時真係唔好怨人，佢自己做成，佢自己咪又係講一套做一套

一係公平D
你講哂D銀碼出黎等大家評下理

係咩 咁倒數囉 咁偉大 樓主搵錢養家

佢應該係口輕輕 充大頭
到真係要做就現形果種仆街
但係 男人10個有9個都會 問題只係充幾大

仲捱到的 咪唔好咁執著
頂埋落去 到佢搵到工先
捱唔掂 咪攤出黎講
人在外地 就更加要有責擔
唔再係溫室小花 有老豆老母呵護住嫁喇
你讀書part time 佢full time
兩面都要有合理的expectation
唔夠洗 只可以緊縮d 但同時都要溝通好
個緊縮plan點run

btw, 2個人就少d情緒野 理性討論做實事
唔好一味女仔就expect男仔養大份
讀書學費 都應該cal埋

之前無諗過失業會點真係好天真
應該預咗筆錢夠讀書但唔夠生活費
條仔就諗住cover佢，我唔覺得係樓主迫佢出錢，似係佢自己offer

其實樓主條仔唔失業都仲供養緊佢
大家都開心

搵返份工就無事啦

但條仔好似有啲情緒病，都無計㗎喇
燒哂啲積蓄 畢唔到業會好戇鳩
不如止蝕 唔好讀書啦 早啲搵嘢做

呢個好笑
自己生命自己負責
之前計吓自己夠唔夠錢，又唔諗吓會唔會有Backup方案，就跟咗人出發？
男朋友又唔係佢老公又唔係佢老竇，衰啲講同路人甲冇咩分別，就算係「毁咗佢一生」都係自己誤信「騙徒」所致，咁都可以賴人？咁樣嘅人生都真係幾舒服，冇痛苦。天真真係好呀。

第二句
咩你負責讀書佢負責搵錢
就唔洗睇 自私到

公道講，樓主見男友考慮過經濟問題之後都支持佢裸辭wo 幾時有逼鳩佢返工。

其實問題唔係邊個應該養邊個，對對情侶唔一樣大家傾架姐。問題係樓主男友都話辭職後照負責屋企開支，夠頂到佢畢業宜家原來唔夠咁一開始就唔好充大頭鬼，或者你誠實拎出嚟講只係夠比幾多幾多囉

根本一開始兩個都ON9, 點解一定要男人養條女?

讀完書後 i deserve better

個問題係睇帳面條數
樓主有pt收入
條女quit左0收入
然後條仔要用積蓄負責100%洗費
條女就可以繼續用pt錢讀書吃喝玩樂
真心唔太合理
當然條仔應承得都on9，可能當下好想說服樓主佢辭職都頂得住先咁講
唔好講邊個毁邊個一生先
結左婚都可以離啦，成年人對自己負責任係好基本

無人話一定邊個養邊個 喺呢個case係個男人自己offer

無錢, 無細路, 無野做, 學乜鬼人移民.....

咁樓主男友要上進d
be a better man

你已經等如兩個賊去銀行打劫, 點知入到去係度嘈, A話應承佐拎轆炮入去打劫, 最尾拎唔出, 得把生果刀, 因為咁比B屌。但同阿SIR講會唔會理你用炮定生果刀打劫呢?個前設根本錯, 男人唔應該full pay養個女人, 平心靜氣講定唔鳩順咪算, 合理化返成件事, 使鳩放上網比人judge?

講真邊個知佢地點deal
樓主唔出錢既話其實裸唔裸辭都唔關佢事
反正最後個男仔promise佢會出哂錢樓主先支持
事實係件事本來就唔合理
兩邊都鳩下鳩下

樓主係咪加拿大，如果係不如試下同我一齊，我肯俾100%生活費你

樓主係嗰種 人哋把口聲稱話冇事
佢就真係當人哋冇事嗰類人
同樓主呢類人拍拖都幾痛苦
男又好 女又好 同伴侶呻多
本身生活就有警號
男人顧面子要呻苦嘅話
本身真係好大機會真係好辛苦

樓主把口就話支持裸辭乜乜
但又計住話難搵工
樓主男朋友都講明頂唔順喇
又安撫樓主話唔洗擔心
哈 樓主又真係咁就唔擔心㗎喇喎
正常少少 有啲同理心 關心伴侶
去到呢啲位應該都知出事要共患難
睇吓點心靈上安慰 現實生活上配合啦
樓主可以因為人哋話唔洗擔心
就真係唔去擔心

然後男友搞唔掂 俾6成
樓主就屌人不負責任
佢確實違反咗當初嘅承諾
但樓主你有盡過伴侶責任咩
女人求其講幾句唔洗擔心
背後都一大堆言外之意同期望
點解去到自己身邊人講唔洗擔心
就真係可以unun腳唔洗理？

先唔講呢個例子完全唔適用

真係講你個例子嘅話，宜家係因為A無帶炮所以搞到A同B一齊打劫失敗比阿sir拉 然後B問A：你唔係講好左帶炮咩點知得把生果刀？跟住你班人就話 B 都應該要為打劫失敗負責，自己唔帶炮又旨意 A 帶炮

根本男/女唔係呢件事既重點

當然啦，宜家判斷凈係基於樓主講既嘢，可能樓主美化左自己都唔奇
我只係覺得從來呢啲情侶自己deal既嘢無話合唔合理
有啲可能係女方俾曬錢，有啲男方俾曬錢，有啲 AA，九萬幾種相處模式