我負責讀書佢負責搵錢
去之前傾好咗我full time讀書呢段時間
佢會負責哂屋企所有開支直到我畢業
初初到埗頭3個月佢未搵到工
所有開支我哋都AA
第4個月佢終於有工返
我哋大家都唔洗再燒積蓄
而我都搵咗份part time
叫做賺少少零用錢搭車食飯、間中同同學social吓
早幾個月佢話份工好辛苦好大壓力
個華人西上司淨係識捽同責怪
佢做得好唔開心 想辭職
其實我都好支持佢
因為華人公司真心仆街
但而家呢度job market咁差 競爭咁大
裸辭完都唔知會失業到何年何月
我就覺得搵到新工先辭職會好d
但男朋友話佢真係頂唔順喇
同埋佢計過自己積蓄都夠頂到我畢業
仲叫我唔洗擔心
佢會照負責屋企嘅開支
咁我見佢都有考慮經濟方面 唔係一時衝動
就支持佢裸辭
畢竟心理健康都係好重要嘅
喺佢裸辭後一個月
我同佢講返嗰個月屋企用咗幾多錢
點知佢話過返6成俾我
我望一望佢
佢仲要好理所當然咁話：「冇收入呀嘛，係咁㗎啦」
佢expect我份part time可以頂埋剩低嗰4成
我覺得好唔開心 但唔係金額問題
而係佢冇對自己講過嘅嘢負責任
我哋一齊咗咁多年
遇到困難當然要一齊面對
如果佢係俾人laid off而失業
我好樂意生活費夾返一半
即使我份part time其實真係唔夠頂
要燒埋積蓄我都唔介意
就好似初初到埗頭3個月咁
但而家係佢自己選擇裸辭
又唔為自己嘅行為負責
究竟係我太小氣太計較
定係佢真係唔啱
如果係我錯
請大家屌醒我
做男人就應該有膊頭！點可以出爾反爾！
講到尾你咪又係講錢！死港女！
