【歷史】點解咁憎猶太人？

睇下幾時講到Revelation
見人講Rev 2:9 Rev 3:9都打個突

公元約30000年－10000年前：原始宗教出現，同時間為了狩獵，狗成為最早被馴化的動物。
哥貝克力石陣喺公元13000前先出現
人類係公元4百萬年開始係喺地球生活
而亞當係公元前4000年出世
其實冇咩衝突
原始宗教30000年前已經開始有

呢舊嘢同主流所有有時間可考既narrative都唔多夾

高質

事實係一直以來佢地先係主人。

自古以來定係god chosen？

咁不如我問你吖，香港遲下local嘅全部要移民，咁呢個地方係咪香港人唔可以返嚟住？

"香港遲下local嘅全部要移民" < didn't happen

"咁呢個地方係咪香港人唔可以返嚟住"

你返嚟住會放炸彈炸到成座酒店倒塌兼炸死幾十個英國人

同埋將綁架英國人再炸到人地死無全屍? 我肯定香港人唔會咁做


你好似唔記得左阿拉伯人都係閃族 本身都有猶太人留低改信伊斯蘭繼續係當地生活 之後被自己1000 2000年後俾之後著草去歐美既"同胞"話要返黎日日放炸彈殺警察話要復國 你會點?

時間嚟到18世紀，啟蒙思想興起，德意志嘅猶太拉比摩西.孟德爾遜就提出Jew lives matter，為同胞爭取公平權利。



孟德爾遜大力推動哈斯卡拉運動(希伯來語啟蒙)，佢係第一個主張政教分離嘅哲學家，被視為猶太人嘅蘇格拉底。佢嘅哲學結合咗猶太同基督信仰，甚至採納咗斯賓諾沙嘅思想。 

孟蛇希望喺人人平等嘅原則下，猶太人可以擺脫長年嘅歧視法例，得到真正嘅自由。而猶太人亦應該走出圍爐，同當地人增加交流。

孟蛇自己就同德意志嘅知識份子有好多來往，仲成功影響咗社會輿論，德語界kol都開始覺得多久以來苛待猶太人唔係幾好，甚至王室亦受到影響。神羅皇帝約瑟夫二世就喺1781年頒布寬容法案，猶太人喺奧地利得到居留權。後來佢又結束咗猶太隔都、廢止猶太人需繳交嘅特別稅同配戴黃星徽章規定。

喺啟蒙思想發源地法國，當時約有5萬猶太人居住。塞法迪人主要集中喺波爾多、梅斯等城市，原來屬於德意志嘅阿爾薩斯-洛林則有大量阿什肯納茲人。

18世紀末嘅法蘭西人喺啟蒙思想影響下尋求自己嘅解放，同時亦順便解放咗猶太人。1785年猶太人頭稅被廢除並被允許喺法國各地定居，1789年1月法王路易十六召開三級議會，富有嘅有產猶太人亦得到投票權。

第三等級代表喺議會中提出改革稅制，取消貴族同教士特權，但就受到建制派嘅忽視。第三等級於是自行組成國民議會，但被國王下令關閉。7月9日，國民議會改名為國民制憲議會。路易十六試圖通過調動軍隊來壓制議會，但7月14日囚禁政治犯嘅巴士底監獄被攻佔，路十六被迫屈服，承認革命。



1789年8月26日議會通過以自由、平等、博愛為口號嘅《人權宣言》，並且喺91年9月廢除所有歧視猶太人法例，比佢哋歸化為法國公民。

猶太人獲得公民權為其史上一件大事，好多感激法國嘅猶太新公民因而參軍。而經過一輪煉蠱式撕殺，法國歷史進入雅各賓黨人嘅恐怖統治時期，最後連國王夫婦都加入斷頭台下亡魂行列。其中就有阿爾薩斯出身嘅猶太軍火商瑟夫比爾，佢發達後捐官成為男爵，因而被視為舊貴族一員，兩個仔因此上咗斷頭台。

雅各賓黨嘅恐怖統治越來越傾向無神論，領袖羅伯斯庇爾採取納盧梭嘅學說，提出最高主宰崇拜，既反對天主教會又反對猶太教，猶太會堂被關閉改為養牲畜。
 
至18世紀末拿破崙崛起，佢憑住大革命釋放嘅能量令法軍縱橫整個歐洲。拿破崙陸續喺荷蘭、意大利、德意志各地解放猶太人，又喺西班牙同葡萄牙廢除宗教裁判所，猶太人直頭視佢為彌賽亞、摩西、大衛混合體。

以羅馬皇帝自居嘅波拿巴以解放猶太人嚟展現帝國嘅多元性，佢亦希望猶太人可以同法國新教徒一樣融入法蘭西民族，為自己貢獻力量。

不過到1815年拿破崙戰敗滑鐵盧，整個歐洲除咗荷蘭依然俾猶太人保有權利，其他所有地方都將解放令推翻。猶太人失去公民權，隔都又再重新樹立。

現代猶太人之父要上線了

LM

同憎支那一樣?

留名

lm

準備開post 2?

樓主好憎以色列人，唔再寫落去

柵欄區又譯隔離屯墾帶（區）、定居區，是沙俄西部的一個區域，是沙俄允許並僅允許猶太人永久居住的地方。[1]地理位置上，它西接普魯士帝國和奧匈帝國。[2]他們是在第三次瓜分波蘭時被併入俄羅斯。
因為向西擴張而引入的波蘭立陶宛領土使定居區的猶太人達到五百萬，占據了當時世界上40%的猶太人口。

同時期東歐嘅猶太人就因為波蘭被瓜分而過住悲慘嘅生活：自13世紀以來波蘭就係猶太人嘅樂園，波蘭王國長久以來同Crypto咁去中心化，有成廿幾個諸侯各行其事，佢哋為咗吸引猶太人服務所以採用寬容政策，猶太人喺波蘭生活唔受任何限制，一直到納粹黨興起波蘭先有隔離營嘅出現。佢哋嘅人口迅速增長，喺一啲地區甚至多過基督徒。



至16世紀波蘭同立陶宛合併為共主聯邦，聯邦行君主選舉制度，而因此陷入無窮無盡嘅內紛。國王由大貴族選舉產生，國家亦採用君主立憲制，國政由貴族組成嘅國會決議。當時波蘭處於四戰之地，四方有瑞典、俄羅斯、普魯士、奧地利等強鄰環伺，佢哋都對過度擴張嘅波蘭虎視眈眈。國王為咗維持國家，只有仰賴各路諸侯守土。

為咗體現各貴族嘅平等性，波蘭國會採用一票否決制，即所有議案必須全體通過，於是波蘭嘅強鄰就可以透過行賄議員去癱瘓政權。而波立聯邦嘅另外一個矛盾立就係宗教問題，當十六世紀中立陶宛貴族自日耳曼地區引入新教，令當地人改信路德宗等新教。以拉齊維烏家族為代表嘅立陶宛新教貴族，為咗喺議會中七成以上嘅波蘭天主教徒面前保障自身，開創咗使用自由否決權先例。



喺1573至1763二百年間舉行嘅約150場眾議院會議，其中約三分之一無通過任何法案。初時嘅拉家都可以話係出於保護立陶宛或新教徒利益而否決，到後來就單純只係貪圖己利，當某家族嘅利益訴求得唔到滿足，就通過癱瘓議會去迫令就範。

波立聯邦慢慢走向衰落，最終喺1772、93、95三次遭到俄奧普瓜分。



三國對猶太人嘅待遇各有不同，較文明嘅普奧相對開放，而沙俄治下亦最為嚴酷。地處邊陲嘅沙俄本來無咩猶太人，但因為波蘭領土而一下子多咗幾十萬。東正教沙皇對猶太人好似油艇仔咁睇唔順眼，開始對佢哋採取嚴苛嘅歧視性政策，女皇葉卡捷琳娜二世喺72年設立俄國版隔都「柵欄區」，規定所有猶太人都要住喺嗰度。



到咗1827 年 ，沙皇尼古拉一世為咗令猶太人皈依東正教，融入成為俄羅斯人，立法所有猶太人滿12歲就要去當兵，役莆期更長達25年。猶太社區嘅領袖被迫要跑KPI，每千人每年要交出四名新兵。富有嘅猶太人可以行賄保護兒女，但窮困兒童往往年僅八、九歲就被徵召入伍，好多都因為營養不良而夭折。而猶太人亦被禁止晉升為軍官，通常會被當炮灰喺前線使用。

猶太兒童因為喺喺軍中因為得唔到猶太食品，好多都被迫放棄傳統，但佢哋亦同時將猶太禮拜同習俗帶入軍中。

終於有更新！

lm

其實原裝猶太人傻一班癲過伊斯蘭既宗教狂熱分子加極保守，而家主導左以色列既政治。

但叻加搵到錢係個班俾人趕左出去四海為家個班，佢地無固有資產，要靠放貸出入口教書科研或者偷呃拐騙黎維生。呢班人唔多番去以色列。

喺1840年代沙俄繼續對治下猶太居民進行同化。政府向佢哋徵收特別稅，然後用筆錢去辦學，由基督徒去教育猶太子弟點樣似返個俄羅斯人，即係用佢哋自己錢去洗佢哋腦。

到1855年沙皇寶座由亞歷山大二世繼承，佢係一個改革派，銳意將貧窮落後嘅沙俄改建成先進嘅歐洲國家，佢進行嘅改革就包括解放農奴。除此之外，亞二世又順手解放咗猶太人----中學畢業嘅猶太人被允許居住於隔都外，善於經商嘅猶太人好多因而發咗達。

但猶太人嘅好生活過唔到幾耐，對佢哋相對友善嘅亞二世喺81年3月被民粹派左翼恐怖組織人民意志黨(列寧阿哥亦係會員之一)以炸彈刺殺，有十名民意黨成員因弒君罪被捕，而當中就有一個猶太裔女子赫爾夫曼。




亞二世之子亞三世繼承皇位後，將父親嘅死遷怒歸咎於猶太人，而佢嘅老師波別多諾采夫亦係仇猶人士，認為要將猶太人"三分一消滅、三分一同化、三分一驅逐"。喺佢影響下沙皇對猶太人再用峻法，包括唔再容許佢哋住喺欄杆區外，對佢哋收重稅，嚴格禁止猶人任職軍公教職位等等。

喺官方嘅刻意引導下 ，反猶情緒亦喺民間高漲。第一波嘅反猶迫害就喺81年復活/逾越節期間喺烏克蘭爆發，習慣喺節日瘋狂飲伏特加嘅烏克蘭人喺猶太人開嘅酒吧同老細衝突，酒精令到憤怒火上加油，演變到反猶大屠殺。最嚴重嘅衝突發生喺基輔，有幾百個猶太人被殺。

歷年嘅大屠殺造成數千猶太人被殺，過百個猶太城鎮被毀。因為喺俄羅斯嘅生活實在太撚西 ，於是好多猶太人都選擇移民。



哥倫布發現新大陸嘅船隊中，就有猶太船員，自此猶太人就不斷移居北美。最初嚟嘅以塞法迪猶太人為主，但19世紀末以來大量東歐猶人不堪迫害移美，改變咗人口結構。1881到1925年，約有250萬東歐猶太人移到美國。

美國本來就係受宗教迫害嘅清教徒所建之國，宗教寬容係佢嘅立國精神之一。五月花號旅程嘅艱苦被佢哋借代為逃離埃及之旅，而美洲新大陸就係佢哋嘅應許之地。清教徒們於是以當代以色列人自居，佢哋奉行遵守安息日，並以希伯來名字為後代命名。清教徒形成嘅呢個傳統亦埋下咗日後美國扶助以色列嘅遠因。

終於講到錫安主義