【歷史】點解咁憎猶太人？

你，比你導咗去晏架街個po

雖然同topic唔想關, 但聽聞聖經都係咁描述, 所以到最後先玩種族滅絕

關乜事？

但凡只要提親種族滅絕都會係咁
大人做壞事代唔代表婦孺小兒都會做壞事?

假如上帝叫人去滅絕第二個種族咪即係認同呢點, 除非上帝連無辜都殺
獵巫同希魔屠殺猶太人其實都係同一種概念

佢依句金句根本唔係講緊要屠殺

你不如佢係乜意思先

你話講返聖經以前入迦南地果陣要殺盡亞摩利人果d 事績就話關事啫

但係其實你知唔知佢post 果句金句係講緊乜？

我講緊最一開始有ching話

"你家族有人偷嘢
所以你成個家族嘅人都係賊"

我再講返其實聖經一樣有相關描述
只要係講到種族滅絕就一定要認同上面嗰一句咁解
如果唔係就只能用上帝允許殺無辜人

至於上面有ching用啟示錄3:9 回我, 我都唔知點解

所以我咪話佢嗰句金句唔關事囉

你又九唔搭八

伊始作俑嘅伊阿宋四處逃亡，最後去咗希臘，佢喺戰狼三百個斯巴達窮途潦倒地死去，被葬喺亂崗。
 
長年征戰等錢用嘅安四世乘勢將聖殿金銀珠寶掠去，又破壞耶城城牆，更加喺聖殿裏豎起宙斯嘅祭壇。
 
佢又用鐵腕政策鎮壓猶太人：佢唔比猶太人再守安息日，將偷偷守戒嘅猶太人燒死，持有猶太經書被定為死罪，甚至將割咗包皮嘅男嬰同佢老母喺城樓掉落。
 
安四世嘅暴政好快惹來反彈。前167年佢派嘅官員去到今日特拉維夫附近一個村莊莫迪因，要求當地嘅祭司哈斯蒙尼家族嘅瑪他提亞，帶頭以豬肉向宙斯獻祭。

瑪他提亞雖然唔知道宙斯係咪真係緊火到要屌豬肉，但就視為奇恥大辱，滾火到將一個向希臘神跪拜嘅猶太人同該官員殺害。
 


牙瑪同佢五個仔逃到山區，喺鄉村中神職人員就等同社區凝結核，好多村民都跟隨佢哋，聲勢越來越大。

一年後牙瑪去世，由長子猶大繼續領導反抗軍。猶大以其勇悍被稱為馬卡比(鐵鎚)，呢次起義亦被稱為馬卡比運動。
 
反抗軍雖然唔夠塞琉古正規軍打，但就憑住熟識地形用游擊戰術騷擾佢哋，並且掠奪同攻擊希臘化嘅猶太人村莊。馬卡比好似塔利班咁摧毀村中希臘祭壇，並將希臘化猶奸驅逐。佢哋又打出留頭要露頭嘅旗號，迫令所有男童行割禮。
 
馬卡比游擊隊喺數場戰役中擊敗塞軍。前164年，安四世遠征安息途中暴卒。敘利亞總督呂西亞斯見其子安五世年幼，自立為攝政。但安四世喺臨終前已立佢身邊將領腓力為攝政，腓力帶領遠征軍，向首都安條克進發討伐牙呂。牙呂為免兩面受敵，拿臨同猶太人講和，允許佢哋有信仰自由同自治權利，同時處死希臘化猶太人大祭司墨涅拉俄斯。
 
馬卡比喺前165年12月返到耶路撒冷，佢哋重建及潔淨聖殿，清除希臘異教痕跡。傳說中當佢哋打掃完準備燃點聖殿中嘅“七枝燈台”時，發現只有淨低一日份量燈油。而燈油要特製，需用八天時間。

但係因為上帝嘅大能，啲油竟然頂到八日‼️後世人為紀念此事，每年十二月份都會舉行慶祝活動，最重要嘅儀式就係使用別注版九枝燈台，每晚以中間枝燭點燃旁邊嘅一枝蠟燭，持續八日。



不過當時嘅猶太人離煲底見光明仲有好遠路。安條克嘅牙呂打敗咗腓力，但好快又因為軍隊譁變被擒。軍隊擁立王位正統繼承人，安四世之侄德米特里一世，呂同安五世被處死。
 
德一世立血統純正嘅阿爾息穆斯為新任猶太大祭司，佢好快就同馬卡比兄弟起衝突。阿祭司不敵被逐，於是向德一世求援。前160年塞琉古大軍喺巴勒斯坦嘅厄拉撒打敗馬卡比，鐵錘猶大兵敗戰死。

羅馬出場未

繼續留名

樓豬唔好停

遲咗少少 留名學嘢

以前覺得都21世紀啦, 仲有愚人信神話故事書講有神
呢D故事係比混沌時期既愚人有返少少人性, 導人向善作出黎

但後來發現即使科學倡明, 其實世上大部分人都係愚昧到你唔信
去到現代都仲覺得係真既, 都真係要繼續信落去,
呢班人無咩腦, 走歪路真係唔知會做咩出黎
反而認同聖經佛教係有存在既必要, 反正都係作出黎好過信邪教

尊重其他人信教, 但自己如果識朋友知道佢地信教列佢地為智力較低一群no offense

留名

認真你就输喇

大概差不多時間阿祭司突然暴斃，位置由馬家幼弟約拿單繼承，佢同時亦繼承兄長軍事領袖地位。

約拿單為抗衡塞琉古，同越來越強大嘅羅馬共和國結盟。但佢因為捲入咗塞朝嘅内紛之中，喺前142年被塞琉古王位覬覦者特里豐誘殺。

此時馬家五兄弟得翻老二西門仲在生，佢被眾人推舉為猶太君主同大祭司雙重職位。西門喺希臘人手上獲得半獨立地位，佢嘅王朝被稱為哈斯蒙尼，並得到羅馬元老院承認。

從此馬家壟斷軍政教大權，打破摩西傳下政教分離嘅規定。亦因為佢哋出身旁支，既無大衛王又無撒督(大衛同所羅門嘅祭司)血統，難免為人所不服。

西門掌政只有短短七年。前135年，佢同兩個西門子被女婿兼耶利哥總督托勒密殺害。托勒密為咗奪位，擺下鴻門宴邀請佢哋參加，喺酒過三巡後斬下三個人頭。

西門第三仔海卡努斯一世繼承咗佢嘅地位，但政教合一體系就遭到法利賽人抵制。法利賽人係一班堅持希伯來傳統嘅原教旨主義者，佢哋抗拒希臘化，堅守猶太人嘅法律同傳統，獲得平民百姓普遍支持。

佢哋嘅長老要求海一世按祖宗家法放棄祭司職位，其中一個所持理由係海一世母親曾被塞琉古人囚禁，暗示期間曾被姦污，令海一世十分憤怒。

當海一世要求長老為講人老母付出代價時，法利賽人就話按照律法，只需要打佢幾藤，吹到佢啤一聲。



但海一世對佢哋同殺父仇人托勒密一樣冇咩辦法(佢唔夠打但走甩咗)，不過隨住塞朝慢慢土崩瓦解，哈斯蒙尼嘅地盤亦有所增加。蛋殼經過固化成為髙牆，海一世同佢嘅後人先後征服外約旦、撒馬利亞、以東等地，並迫使當地人皈依猶太教。



海一世死於公元前104年，由長子亞里士多德一世承繼。亞一世聽個名已經好希臘化，佢亦開始使用希臘稱謂basileus(國王) 。

亞一世同法利賽人嘅爭端更為激烈，佢繼續父親政策，重用服從王權嘅建制派撒都該打壓法利賽。當亞一世在三大節日之一住棚節主持祭祀時，將酒灑喺自己腳上而非祭壇，就惹來不少人非議，法利賽人開始認為哈朝嘅人同佢哋以前反對嘅希臘化祭司冇咩分別。

亞一世在位一年就死咗，由其弟亞歷山大·詹納烏斯繼位，雙方矛盾加劇，最終導致六年內戰。

法利賽人反對哈朝嘅擴張戰爭同強迫皈依，國王嘅回應係公開企喺撒都該一邊，喺聖殿中採用佢哋嘅儀式。此事引起聖殿騷亂，反希臘化嘅法利賽人勾結塞琉古反對王，但最終因為塞軍要應付內亂撤退而不敵王師。

反抗者成批咁被處死，牙·詹將首惡八百人釘喺十字架之上，一邊喺受刑者面前將佢哋妻兒割喉。戰爭中共五萬人被殺。

延伸閱讀係乜撚嘢事

繼續支持樓主

終於通到聖經兩約中間既時代，長知識