牙穆好強調自己只係神嘅使者，無任何神力，呢次係可蘭經中唯一記載佢經歷嘅神跡。而穆斯林亦相信夢中聖山就係耶路撒冷嘅聖殿山。牙穆喺麥加宣傳一神教令佢好似前人咁受到抵制，喺622年被迫離開。但佢素有公道伯賢名，受到雅特里布居民邀請到該地排難解紛。雅特里布係為猶太部族所建立，係一個盛產椰棗嘅綠洲城邦，當時猶太人過半數。
雅特里布就係被穆斯林嘅第二聖城麥地那，牙穆同佢嘅首批信徒喺嗰度建立根基，佢哋嘅組織叫烏瑪，意思係伊斯蘭社區，代表阿拉伯人由原來親屬關係維持嘅圍頭體系進化為宗教國際主義者，而伊斯蘭教嘅壯大亦因為以此吸納唔同民族。
牙穆又同猶太人一齊建立首間清眞寺，並以耶城作為最初嘅禮拜方向，同猶太人一樣行割禮守安息唔食豬肉。
但兩個教派好快就出現磨擦，以先知自居嘅牙穆喺猶太人眼中係同耶穌一樣嘅異端，但牙穆同佢嘅門徒認為自己先係亞伯拉罕同摩西嘅正統繼承人，證據就係佢哋比較打得。
雅特里布猶太大族庫雷扎為咗同牙穆對抗拉攏佢麥加嘅異神教宿敵，牙穆為咗殺雞儆猴，殘酷對待庫家，將其男丁殺盡，計有數百人。婦孺則貶為奴隸，並強迫其改信伊斯蘭教，先知穆自己都納咗一個猶太女奴。
為此穆斯林改向麥加方向祈禱，雅特里布猶太人不敵，部份氏族走咗去今日沙特阿拉伯嘅一信綠洲城市海拜爾，猶太人喺嗰度有好多椰棗林。
但海拜爾幾大家族各自為政並不團結，628年穆斯林將槍頭指向喺度，穆先知偽裝成客人入城，將其中納廸爾族長同佢女婿殺死，娶咗佢守寡嘅女。
630年穆斯林終於戰勝麥加，但都妥協保留咗黑石信仰，繼續喺克爾白神廟供奉佢。
穆斯林認為黑石的顏色本來係白色，但由於人類嘅罪惡而逐漸變黑(阿嬌咩🤣)。
先知穆罕默德死於632年，二代目哈里發歐麥爾喺6年後征服耶路撒冷，佢決定對基督徒同猶太人一視同仁採取懷柔政策。佢哋嘅宗教習俗被尊重，歐麥爾更親自去變咗垃圾崗嘅聖殿廢墟清理，好多穆斯林都自發幫忙。猶太人喺俾羅馬驅逐近三百年後，終於被允許住喺耶城附近，70家喺度定居落嚟。
）
