【歷史】點解咁憎猶太人？

人哋講緊猶太人歷史
你估真係講緊聖經咩

不如樓主快啲skip舊約聖經跳去士師時代或者南北王國時期

舊約聖經神話色彩太重 就好似用緊荷馬史詩講希臘歷史/天照大神故事講日本歷史咁

可以用舊約聖經做骨架講故事但應該整走上帝嗰part再加啲現代史學家觀點

而家個個就係嘈緊屌緊聖經 開始無人討論猶太人歷史

真係
難得有歷史post點知錯曬focus

但係唔講舊約，就唔知猶太教點產生，咁成個民族點樣產生就唔完整，當然仲想知猶太人係咪係荒野度流浪左40年正常半年內點行到去終點

我想睇點解nazi 針對猶太人

即係好似講羅馬歷史咁，基本上王政時期有一半都係近乎傳說形式，但唔可以因為咁而skip晒佢

呢個係上古時代真係好常見，所謂的名其實係職位/家族代表
近代到日本江戶時代，服部半藏都唔係一個人，係家主

做神嘅代言人aka 先知/ 天子aka 皇帝咪得
不嬲都用神名義去侵略
隻隻皇帝都話係天選之人

依個同信仰有關，極端信仰好似話猶太人背叛左耶穌，所以反猶

我其實想知歷史，但唔想知神話故事

猶太大屠殺起碼全世界都知，發生喺羅姆人身上嘅先係納粹無聲嘅種植滅絕

題外話，同金髮嘅德意志人、北日耳曼人相比，其實羅姆人先係雅利安人

如果要學遠古歷史就要知，正如古希臘邁錫尼文明咁又一大堆神話故事，歷史學家就係從中搵返d事實出黎，好似係射鵰入面搵返真正南宋歷史咁高難度
當然睇遠古猶太人歷史除左睇舊約仲要睇埋周邊其他民族歷史作對比，不過嗰個年代個個都係作故仔公元前千幾二千年前係無歷史科，亦無系統化記錄事情概念

有好多唔同嘅解釋

首先四十年可能只係一個虛數，代表好長時間

同時呢班喺埃及走出嚟嘅奴隸，實際上都未必真係咁團結，可能係喺曠野/福地附近同唔同嘅族群互動，跌跌撞撞咁搞咗好長時間先真正settle

一部分應該係來自基督新教同猶太教嘅張力，尤其係馬丁路德嘅反猶觀點

另一方面就係所謂嘅刀刺在背傳說，話猶太人、左翼份子等人喺一戰拖德國後腿，搞到佢哋戰敗，所以要處置呢啲「民族叛徒」

留名學嘢

Block 9左個百二蚊 阻鳩住晒人睇人講故

記得連登以前有個歷史post講羅馬帝國建築但無左
其中一集就係講猶太叛軍
好詳細介紹左耶路撒冷城(定係附近個堡壘)有幾易守難攻
又講左入面個設計好聰明 可以儲到好多水之類
搞到工程世一既羅馬帝國都搞左好耐先攻得入
但個po無左

上帝旨意+應許之地
兩樣野加埋無得輸

比天主教教宗同班教士獨大落去就真係遺害人間啦

人地主題係猶太人
如果要講新約，咁就要打埋可蘭經伊斯蘭教都係源出自猶太教
猶太人只信舊約、上帝應許左只有猶太人可以上天堂
基督教就話耶穌透過死亡將呢個限制解除，只要信上帝就可以上天堂，因此多左新約

猶太人話你班友吹撚大左，上帝無咁講過
呢點應該就係天主教、東正教徒埋下仇恨猶太嘅遠因
就好似羅馬多神教時期會視猶太一神教為笑話一樣

其實都唔單止羅馬時期
以色列周圍啲民族唔少應該都係多神教
所以族群之間嘅宗教衝突都幾犀利

士師或稱民長，同時係神學家/法官/軍事領袖(slasher) 。佢係一種非選舉非世襲嘅職位，靠通過研究經學同神學嘅造詣而產生。其實喺原始部落當中由長老管治係正常現象，長老或勇士作為統治階層同普通人相距不遠，憑嘅係能力同德行。但到咗信史時代世界慢慢王制化，以色列人嘅制度成為活化石。
 
士師時期為前1390年至前1050年，《士師記》中共記載12位。佢哋平時掌管民事訴訟，戰時就統帥軍隊。不過以色列人雖然自認宗教政治制度優良，但就好似品學兼優嘅四眼囝咁日日比人踩書包，當時佢哋嘅對手係非利士人(希伯來語中「移民」或「侵略者」) 。

佢哋係海上民族，源出希臘愛琴海。佢哋喺公元前11世紀嚟到迦南，佔領多個城市控制巴勒斯坦海岸線，仲成日爆以色列人閘。

由於非人嘅冶鐵技術較先進，並廣泛運用鐵製武器，以色列人鑊鑊都唔夠砌。前1050年亞弗一役，連士師以利個仔都比佢哋打死埋，神聖嘅約櫃亦被搶去。



末代士師撒母耳垂垂老矣時，立其二子約押同押尼珥為士師。但佢兩個仔貪贓枉法，以色列人多有不服，佢哋要求牙撒為佢哋立王。

撒母耳反對立王，佢警告以色列人：你哋唔好學啲異教徒咁立王啦，立咗你有咩著數？王上會攞你嘅收入做稅金，你哋啲仔女要為佢為奴作婢，你睇下周圍有王嘅民族都係咁。
 
但以色列人話比人恰到上心口，啖氣真係啃唔落，我哋要令以色列民族偉大復興！撒母耳無奈只好膏立(膏油澆頭)掃羅為王，士師時代結束，亦都反映咗祭司集團同軍事貴族嘅權力鬥爭。
 
掃羅出生於約公元前1080年，為雅各孻仔便雅憫嘅後代。佢被撒母耳立為王一來因為長相俊美，二來便派係12分支最細，比較容易制約。



掃羅為王後建都於便派根據地基比亞，佢積極富國強兵，聯合12支派夾兵打非利士人，屢建軍功。

有日掃王病咗，古人認為係惡魔所為，於是想搵人奏琴驅鬼。側近告知有個叫大衛嘅牧羊人善於彈琴，大衛就此被推薦入宮，掃王果然樂到病除。

大衛得掃王寵愛，收為馬弁，喺一次同非利士嘅戰役中佢亦跟隨出征。非利士人派出巨人歌利亞，只見佢身高3米、虎背熊腰、渾身肌肉，所用嘅兵器銅戟長八丈，柄粗如織布機軸，戟頭重達七公斤。



歌利亞喺以軍陣前叫囂，連續40日，每日兩次咁話卜咗場有冇人出嚟打架。由於此人長相凶悍威猛，以色列人唯有表示恕我軟弱🙏🏻。

此時牧羊少年大衛挺身而出，佢拒絕掃王提供嘅戰衣，只係用甩石嘅機弦，同喺溪中挑選嘅五塊光滑卵石，同歌利亞對陣。



歌利亞見到條友瘦過周永恆，思疑係咪掃培生搵佢出嚟詼諧下，不禁仰天狂笑。大衛唔理佢，用機弦將石塊瞄準歌利亞口部，猝然發射❕

大衛略為失準，石塊擊中歌利亞前額，巨人當場倒下。大衛抽出歌利亞嘅刀，將佢斬首。

馬薩達永不再淪陷！

ZANNANZA巴打嘅古希羅時期超級工程系列，佢自己注銷咗account所以冇晒佢嘅post係正常嘅，佢以前重有自己嘅網誌同專欄，不過依家都冇埋，但好彩舊登有留底

超級工程：羅馬是怎樣建成的II希律王之野望
https://forum.hkgolden.com/thread/6356739/page/1

啲相

冇記錯猶太教係歷史上第一個一神教