所王喺完成聖殿後就著手起自己嘅宮殿，甚至比聖殿更豪華。史載佢以象牙作王座，黃金為器皿，由於佢窮奢極侈，甚至因為駛大咗將加利利嘅20座城池割讓盟國推羅換錢(腓尼基城邦，約在敍利亞黎巴嫩一帶)。
國家為咗應付佢嘅龐大開支而向國民徵收更多苛捐雜稅，百姓因為負擔過重民不聊生(撒母耳：話能咗)。所羅門死於公前931，由其子羅波安繼位。此時國內已民怨沸騰，元老派大臣都建議羅王要減徭削賦息民憤。但專制君主總係鍾意任用新人，就好似漢武重用寒士主父偃去夾擊舊臣。年輕新上位嘅大臣更無底線去投好君王，佢哋主張強力鎮壓蟻民唔駛減稅，羅王同意後者。
羅王嘅倒行逆施令以色列各派震怒，除咗掃羅王出身嘅便雅憫同大衛家族嘅猶大派(猶大為雅各四子，因三名兄長分別犯下蒸庶母同濫殺惡行，被父親改立為嫡子)，其他十派宣佈脫離羅王管治，據北地自立，史稱以色列王國。
北朝定都撒馬利亞，佢哋受到迦南原居民影響，慢慢轉化為多神教信仰。
12-10=猶大王國，羅王依然以耶城為都，同以色列人對峙。
以色列王國版圖較大經濟好啲，但佢嘅19個王大多係昏君。佢哋同所王一樣驕奢淫逸，喺外部戰爭失利同內鬥底下，國祚只係維持咗2百年左右，於公前722被新亞述帝國消滅。
亞述人將以色列王同2萬7臣民擄往亞述邊疆開荒，佢哋逐漸德誠女傭化成為當地人，消失於猶太歷史當中。根據舊約聖經記載，呢個係佢哋信奉邪神嘅惡果
。“消失的十支派”同達文西密碼一樣成為歷史懸案，N年後哥倫布發現新大陸時就有人認為美洲原住民係佢哋。
當北朝受到上帝耶和華懲罰，南朝則成為亞述附庸，逃過被吞併厄運
。猶大王國雖然版圖細啲，但就佔有易守難攻之地，而且內部較團結。南國經歷20位王，大多昏庸無能，所以一直積弱。喺以色列滅亡後猶大更是風雨飄搖，喺亞述、埃及、巴比倫三大強鄰中夾縫偷生。
末代國王西底家不顧大臣反對，同埃及結盟對抗巴比倫。公前605年，巴比倫擊敗埃及，旋即征服猶大，此後西王淪為巴比倫兒皇帝。
西王試圖反抗巴比倫，但最終令到耶城喺公前589遭巴軍圍困。經過年半圍城，以色列人因為嚴重饑荒而被攻陷。巴軍搶掠後將耶城夷為平地，包括燒咗所王聖殿與王宮。西底家喺耶利哥被俘獲，巴比倫人先將佢諸子殺害，再將佢雙眼挖出
，用銅鍊鎖住帶到巴比倫，自此喺牢獄中渡過餘生。除咗西王巴軍仲裹挾以色列勇士同工匠約萬人，一齊返去巴比倫(今伊拉克)。南朝猶大至此滅亡，比以色列國祚要長136年
。
