猶太人前身叫希伯來人，為美索不達米亞古民族閃族嘅分支，其名稱則來自方舟挪亞個仔牙閃。希伯來人意思係“渡河者”，呢個係閃族人亞伯拉罕帶領佢嘅家人越過幼發拉底河移居迦南後，被原居民取嘅名字，意思可能近似外江佬。
亞伯拉罕原名亞伯蘭，本來同家族住喺現今伊拉克南部嘅烏爾。嗰度4千年前已經係一個商業發達嘅城邦，為咗做生意方便而奉行宗教自由，因而滿天神佛，牙罕自己家族就係月神祭司。
隨住生意好呀而來嘅係各種性濫交、同性戀同惡劣衛生環境，導致傳染病如痲瘋性病等橫行。眼見呢啲多神教徒係幾咁仁亂同墮落，年輕富正義感嘅牙罕好睇唔眼。佢係一個馬丁.路德型宗教改革家，深信銅鑼灣只得一個浩南，其他啲奶都係假嘅！而一神教信仰亦成為亞伯拉罕系宗教嘅特點，喺當時好有創見。
牙罕嘅思想漸成體系，除咗對神要專一以外，因為見到污爾太烏糟，佢嘅教義好多都係同衛生有關。牙罕好強調生活上要保持乾淨，例如食飯要洗手、割包皮(亦代表以割禮同上帝立約)、唔攪基、唔濫交。此外仲有好多食物方面嘅禁忌，最出名就係唔食豬，一來因為豬唔乾淨，二來據說係因為沙漠缺乏水源養殖。呢個習俗亦由同系嘅伊斯蘭教繼承。
有次牙罕襯佢老豆出咗去，將屋企啲神像打爛曬。當佢老豆返到嚟，牙罕不但冇好似華盛頓咁誠實認錯，仲砌詞狡辯：
衰囝，做咩喺屋企亂咁扑嘢‼️
呢個係神嘅旨意(指住嗰堆雕像) 咪能9up啦
，又唔見我有嘢扑 挑❕你睇下佢哋自身都難保，仲點保你平安呀
呢個結論無疑有點跳躍，亦令牙罕不見容於烏爾。佢選擇好似日後清教徒咁離開，佢哋全家先係遷徙到今日土耳其嘅哈蘭，後來又得上帝指示，叫佢去巴勒斯坦所在地迦南。
上帝同牙罕講，嗰度地下水源充足多少少井，係一笪流奶與蜜嘅好地方(🈶️Ⓜ️🍦❓)。上帝將其應許比牙罕同佢嘅後代，後來又幫佢改咗個勁花朵叫做多國之父(亞伯拉罕)，保證佢會生養眾多。
恃住有耶和華照住，希伯來人開始叫自己做“上帝選民”。雖然佢哋冇得投票選上帝，但就以神所揀選嘅人自居
，睇唔起佢哋嘅多神教鄰居。例如希伯來人所反對嘅迦南淫祠，亦非單純指同廟妓開P呢啲優良風俗，亦係講緊佢哋嘅敬神儀式唔夠莊嚴肅穆，唔夠樸素。相對奢華嘅多神教廟宇，希伯來人只有聖經同象徵神同人立約嘅約櫃，佢哋極端反對偶像崇拜，眞神耶和華從不以眞身示人。
牙罕因為同老婆撒拉好大年紀都冇所出，於是納咗婢女埃及人夏甲為妾，生下以實瑪利。夏甲母憑子貴，開始睇唔起阿mom，好在撒拉都喺90歲時同100歲嘅老公生子以撒(嗰陣啲曆法唔知點計)。
大婆有仔生就有本錢迫老公攤牌，牙罕被迫將夏甲兩仔乸趕走，只係比咗一塊光酥餅同一皮袋水佢哋。夏甲喺荒野中迷路，啲水又飲曬，幸好天使突然降臨，指示佢搵到一口水井，母子倆從此就住喺巴蘭嘅曠野。
以實瑪利嘅後代就係阿拉伯人，佢哋日後嘅先知穆罕默德就聲稱夏拉地位係平妻，以實瑪利先係長子，係被邪惡嘅撒拉迫走。
晚年得子嘅牙罕對以撒十分疼愛，但佢更加愛嘅係上帝。當有日神叫佢殺咗個仔再用火燔祭比佢時(穆斯林認為被獻嘅係以實瑪利)，牙罕好似唐牛咁諗都唔諗就照做。
好在上帝派咗天使阻止佢，仲叫佢以後求其劏隻羊打邊爐就得，呢個亦係替罪羊嘅由來。
亞伯拉罕被後人視為虔誠嘅象徵，亦係新時代嘅開創者。由佢開始上帝由偶像實物抽象為無形無狀，開啟咗一神教時代。
牙罕喺175歲時上咗天堂，後人亦喺迦南開枝散葉。
可摸耳sd比老高托
。雅各之後喺一口井旁見到拉班細女拉結，一見鍾情。為咗娶佢做老婆，雅各答應幫舅父免費做七年嘢。但到期時拉班卻塞咗大女利亞比佢，話佢哋鄉下唔興爬頭結婚。雅各深愛拉結，為咗娶埋佢又幫舅父做多七年奴工(拉班都係撚樣嚟)。
