去到餐廳, M小姐明顯對呢種老派茶樓覺得好有趣
佢爭住要出去拎點心
睇住M小姐好似變番個小朋友咁活躍
其實係幾開心
有句說話係: 「如果個女仔對住你成個小朋友咁, 咁佢係好愛你, 好放心係你面前做自己」
我係完全相信
食嘢期間M小姐無啦啦眼濕濕, 雙眼通紅
問番先知, 佢見到一對好老嘅公公婆婆一齊
公公夾咗一個包比婆婆
就係呢一幕令到佢咁大感觸
:佢哋好幸福...
M小姐笑住講, 雙眼仲有眼淚
:傻妹, 我都會陪你到永遠
我摸住M小姐個頭,嘗試幫佢抹去眼角的淚
:真喺? 你可以應承我...?
M小姐伸出手指尾, 示意要勾手指
我當然馬上配合, 最合以拇指打印結束
我明白, 係M小姐眼中
佢係好羨慕呢種完滿嘅感情, 甚至係一個完整嘅家
我自問自己係自覺有呢個責任同能力, 先至作出回應
我唔想隨便信口開河
可以話我依家每一個動作, 都係以打好雙方感情基礎為首
例如籠絡小姐身邊好朋友、帶佢容入我生活
但係我亦都唔想太刻意, 盡量順其自然
食完個豐富早餐, 我帶M小姐番到自己屋企
M小姐
我地番到屋企, M小姐立即攬住阿強, 又攬又錫
個衰仔舒服到個樣, 瞇埋眼瞓係M小姐胸前, 睇嚟已經唔記得我係邊個
睇唔過眼, 我又要加入
我從後攬住M小姐, 雙手摟住佢條腰
:呀 做咩呀?
M小姐比我嚇親
:你攬我隻貓, 我攬你, 依家差呀強攬番住我
我開始鳩噏
M小姐噗哧一聲, 然後不停笑
大概係諗到個畫面好滑稽
阿強從M小姐懷抱中跳走
一定係頂唔住我哋咁肉麻
我用手將M小姐轉過嚟面向自己
「嗯...」隨住M小姐嚶嚀一哼
我哋舌頭又互相交疊起嚟。