半笑伴唱
2023-07-20 11:26:41
本身約咗M小姐今日去買番d護膚品同日用品
但我忽然想帶M小姐去離島散下心, 就即興提議
佢鐘意海
我覺得同M小姐多d出行,或多或少可以幫助治癒到佢內心有陰影嘅部份
M小姐雖然有啲愕然, 但都好快笑笑口爽快答應
最後我哋決定去南丫島
:但我要番屋企換套衫先, 依家得番工衫係到
M小姐話
:而且...我無bra
佢反一反白眼
:咁...我車你番去先
:順便...你拎多d內衣...放係我屋企...
我提議
:點解..係多d內衣呢? 先生
M小姐半嬲半笑問道, 好似覺得有不軌嘅意圖
:咩都拎d啦, 以便不時之需
:其實你拎哂d衫褲放係我屋企就得, 我無諗住比你番屋企
我笑笑講, 但其實我係認真
:唔得呀, 我要陪下媽咪㗎, 佢一個人會悶架!
M小姐認真咁覆我
係我諗得簡單咗, 忽略咗佢同母親嘅關係
:咁...幾時介紹auntie比我識? 我可以上去陪佢, 煮埋all day 比佢食
我都認真mode, 作為3字頭男性
充分明白視女友家人為自己家人嘅三觀好重要
:哈哈...我都想睇下佢點評價你廚藝...佢煮嘢都好好食㗎
:搵日啦, 等我地確認咗關係先
M小姐笑咗出聲, 面容欣悦
聽落係幾正面, 我指確認關係呢件事
我比左件褸M小姐著, 帶咗佢落樓上車
始終佢一直真空緊...
上到車, M小姐都好緊張 唔敢除褸
我一直係隔離陰陰咀笑, 一邊開車出發
「啪」
:你仲笑, 下次唔準咁玩呀!
:收到, 下次玩第樣
我一面認真回覆
M小姐用大大雙眼一直瞪住我
:呢個位, 坐過幾多位小姐?
聽得出M小姐又準備呷醋
㗎車係我老豆嘅, 佢番工要用
係近半年我先拎嚟揸
因為老豆已經半退休
:我唔呃你,喺你之前車過另一個, 交友app識,見順路先車埋
:但我對佢係無feel, 所以藉口放咗好多嘢係副駕, 叫咗佢坐後邊
我完全無半點隱瞞, 我講過我唔鐘意講大話
因為我無興趣去記得d大話
:所以你係第一個, 你問呢個位呀嘛
我得意哋笑
:順路就車, 咁佢想去你屋企, 你會唔會順便車埋?
M小姐又一語中的, 微微假笑咁望住我講
呢種笑係最得人驚
我佩服佢搵bug位嘅能力
定係所有女都係咁敏感?
我有一秒好幸慶自己係唔講大話, M小姐實有方法知
:我會建議你 唔好當我咩女都睇得上眼...我無咁濫
就係咁, 係車上, 我講哂之前玩過咩交友app
約過幾多女仔出街, 發生過咩事
全部講哂比M小姐知, 鉅細無遺
當然包裝癡女事件