半笑伴唱
2023-07-19 21:39:50
我係浴塞整理完, 就幫M小姐拎咗幾件衫放係檯
途中一直feel到比人堀住嘅目光
我唯有笑笑口扮唔知, 由於驚走咗去會俾人鬧
我放低衫就係原地等M小姐
事後我等M小姐出黎換好衫
我主動上前用準備好嘅毛巾,幫M小姐抹頭髮
過程M小姐一直無好氣咁啤住我
:你好講啦, 係邊到學呢d嘢番嚟...同邊個做過!
原來M小姐係在意呢個位
我仲以為佢要鬧我啱啱對佢...
:er...如果我話睇AV學返嚟呢?
:從來無試過實踐, 一嚟就對你做啦
我苦笑, 同時開始用風筒幫M小姐吹頭髮
始終係我整濕佢, 我有責任吹番乾, 我知女仔吹頭髮係好攰嘅一件事
:算你啦, 咸濕仔...
M小姐微微嘴角上揚, 似係幾冧我幫佢吹頭
:成日話我咸濕仔... 明明你成日引到我咁...
我一臉無辜
:真係辛苦晒你喎 先生
M小姐覆道
:最緊要係, 我對你做過木乜, 都會對你負責任, 就好似依家咁
我溫柔咁望住M小姐
睇到M小姐滿面滿意嘅笑容, 我就知搞掂過骨
吹完頭, 我拖住M小姐番房
少不免公主抱上床
呢啲儀式感我還是懂的
望一望電話, wtf 已經1點幾
好彩嘅係, 第日放假
我望一望M小姐, 佢個樣完全好似唔攰, 勁精神
係到玩電話
:點解你仲咁精神?
:先生, 駛唔駛我復述一下, 你頭先對我做咗d乜?
:我個心仲跳得好快, 點瞓
M小姐語帶無奈同少少嬌羞
我瞓落床攬住M小姐
:瞓唔著, 我唱歌氹你瞓囉?
對於唱歌, 我仲有少少自信
校際singcon我係拎過獎
其實我除左做gym, 打下機
我仲有一個興趣就係唱歌, 我以前係會成日一個去K房唱歌嘅人...
特別係比ex帽完果一年
但對於呢個習慣, 我係唔夠膽隨便同人講
因為聽過嘅人都會覺得我怪
但對我嚟講, 唱歌係一種可以好好抒發個人情感同思緒嘅興趣
我天生思緒就比較敏感細膩, 有啲感情感受屈埋係心, 我會好難受
:又好
M小姐眼神充滿期待
一直都想對M小姐唱一首歌, 係我果時嘅感受
:咁你聽住啦喎
我唱起《老派約會之必要》
「.......
不急於一晚散盡 十萬夜那溫柔
一針針 跟你刺繡
年華悠悠 怎會悶透
訪西廂 登紅樓 仍攜著你手
初邂逅
我喜歡雙雙 漫步在霧裡
趕攤牌 實在是沒趣
......」
唱完
見到M小姐笑得好甜
:唔理呀 你以後都要唱歌氹我瞓...
M小姐要求
:你鍾意嘅...我一世都唱比你聽
我攬住M小姐
大家係甜蜜嘅氣氛下入睡